Degi 1b var að ljúka á Smábokka 2021. Það voru samtals 57 sem skráðu sig til leiks á degi 1a og 1b og við það bættust 25 re-entry þannig að samtals voru 82 entry í mótið. Það er umtalsverð fjölgun frá því 2020 en þá var fjöldi þátttakenda 49 með 62 entry.

Tomasz Kwiatkowski fer inn á dag 2 með stærsta stakkinn og er með umtalsvert forskot á næstu menn.

Alls komust 25 yfir á dag 2 en leikur hefst að nýju kl. kl. 13:00 í dag, laugardaginn 25. september og verður leikið til þrautar en gera má ráð fyrir að leik ljúki um kl. 22:00. Fyrsta level á degi 2 er 1500/3000/3000.

Hér fyrir neðan má sjá stakkstærð þeirra 25 sem komust á dag 2 og borðaskipan í upphafi dags 2:

Íslandsmótið í Pot-Limit-Omaha var að klárast rétt í þessu og það var Eydís Rebekka Boggudóttir sem stóð uppi sem sigurvegari eftir stuttan og snarpan heads-up leik við Rúnar Rúnarsson. Alls tóku 23 þátt í mótinu með samtals 31 entry og verðlaunaféð endaði í kr. 1.100.000. Áhugi á PLO hefur farið vaxandi hægt og bítandi síðustu ár og er þetta mesti fjöldi þátttakenda og hæsta verðlaunafé á PLO móti í manna minnum.

Það er gaman að segja frá því að þær þrjár konur sem tóku þátt í mótinu komust allar á lokaborðið en það voru 7 sem komust á lokaborð og skiptu 5 efstu með sér verðlaunafénu á eftirfarandi hátt:

1. Eydís Rebekka Boggudóttir, 400.000
2. Rúnar Rúnarsson, 280.000
3. Þorgeir Karlsson, 190.000
4. Inga (Poko) Guðbjartsdóttir, 130.000
5. Hafsteinn Ingimundarson, 100.000
6. Sunna Kristinsdóttir
7. Tomasz Janusz Mroz

Við óskum Eydísi innilega til hamingju með glæsilegan árangur og þökkum öllum þátttakendum fyrir komuna og starfsfólki mótsins, þeim Einar Þór mótsstjóra og gjöfurunum Alexander, Sillu og Þórunni kærlega fyrir vel unnin störf. Fyrir mót sem þessi eru undanmót lykilatriði til að tryggja góða þátttöku og einnig til að fá inn nýja leikmenn. Hugaríþróttafélagið fær bestu þakkir fyrir að styðja dyggilega við starfsemi PSÍ með undanmótahaldi og fyrir að leggja til húsnæði fyrir mótið og Póker Express fyrir sinn þátt í að halda undanmót!

Í apríl auglýsti stjórn PSÍ eftir áhugasömum einstaklingum til að taka þátt í landsliði í því sem við höfum valið að kalla “keppnispóker” (match poker). En samtökin IFMP (International Federation of Match poker) eru nú að fara af stað aftur með alþjóðleg mót í póker skv. því fyrirkomulagi sem samtökin hafa þróað og kalla “Match poker”. Þetta fyrirkomuleg er nokkuð frábrugðið hefðbundnum mótum í NL Holdem en í þessum mótum er spiluð nákvæmlega sama höndin samtímis á öllum borðum, á hverju borði situr einn úr hverju liði þannig að allir keppendur í sama liði spila öll spot í hverri hendi. Þannig er það eingöngu hæfni og ákvarðanir spilara sem ráða úrslitum en ekki heppni í því hvernig spilin falla. Og fyrir vikið þá hefur IFMP fengið þetta afbrigði af póker viðurkennt sem hugaríþrótt á alþjóðavettvangi.

25 einstaklingar sóttu um að fá að taka þátt í verkefninu og hefur stjórn PSÍ, með fulltingi mótanefndar, valið 10 úr þeim hóp til þess að skipa landsliðshóp. Valið byggir m.a. á þátttöku og árangri í mótum á vegum PSÍ auk þess sem IFMP gerir kröfu um að í hverju liði séu keppendur af báðum kynjum.

Landsliðshópinn skipa eftirfarandi:

• Daníel Pétur Axelsson
• Egill Þorsteinsson
• Einar Þór Einarsson
• Garðar Geir Hauksson
• Gunnar Árnason
• Halldór Már Sverrisson
• Inga “Poko” Guðbjartsdóttir
• Kristjana Guðjónsdóttir (Jana)
• Magnús Valur Böðvarsson
• Sævar Ingi Sævarsson

Fyrstu verkefni hópsins verða þátttaka í undanmótum fyrir heimsmeistaramót sem fyrirhugað er í lok nóvember 2021. Undanmótin fara fram núna í júní og verður keppt yfir netið þannig að hvert lið situr í sínu heimalandi en gert er ráð fyrir að HM fari fram live einhversstaðar í Evrópu. Már Wardum, formaður PSÍ, mun leiða þetta verkefni og sjá um utanumhald landsliðs, m.a. skipulagningu æfinga og samskipti við IFMP.