Við þökkum félagsmönnum fyrir frábæra þátttöku í Smábokka sem lauk núna kl.21:00 í kvöld en aðsókn fór fram úr björtustu vonum mótshaldara. Alls tók 71 þátt í mótinu og voru endurkaup í mótið 34 talsins þannig að alls voru 105 entry í mótið. Þetta er mesta aðsókn á Smábokka síðan í fyrsta mótinu árið 2017 þegar 109 tóku þátt. Verðlaunaféð á Smábokka hefur hins vegar aldrei verið hærra eða samtals 2.680.000 sem skiptist á milli 11 efstu leikmanna. Kostnaðarhlutfall mótsins var slétt 15%.

Það var Steinar Edduson sem stóð uppi sem sigurvegari eftir vel rúmlega klukkustundar heads-up einvígi við Hannes Guðmundsson sem varð í öðru sæti. Steinar hóf dag tvö með rétt rúmlega tvöfaldan upphafsstakk, kom svo inn á lokaborðið með chip-lead og byrjaði heads-up leikinn með afgerandi forystu, eða 5faldan stakk Hannesar. Hannes náði síðan að saxa á forskotið og náði um tíma að jafna hann, en á endanum kom Steinar stakknum inn með AT á móti A7 og hafði betur.

Steinar er einn af okkar reyndari leikmönnum og lét talsvert til sín taka í íslenskri póker senu fyrir nokkrum árum og vann m.a. sigur á Stórbokka í annað sinn sem hann var haldinn árið 2016 eftir að hafa orðið í öðru sæti í sama móti árið áður. Steinar er síðan búinn að vera að sækja aftur í sig veðrið undanfarin misseri og er stefnan næst tekin á WSOP mótaröðina í sumar þar sem hann hyggst spila Main Eventið í fyrsta sinn. Steinar er sá þriðji sem tekst að vinna bæði Stórbokka og Smábokka, en áður hafa þeir Sveinn Rúnar Másson og Matte Bjarni Karjalainen afrekað það.

Már Wardum, formaður PSÍ, stóð í ströngu í mótsstjórninni en hin mikla aðsókn í mótið kom aðeins inn í hliðina á okkur og vorum við aðeins undirmönnuð á degi 1 fyrir vikið og á Már mikinn heiður skilinn fyrir að standast þetta álag. Við þökkum félagsmönnum þolinmæðina og þökkum sérstaklega þeim stóðu vaktina í gjafarahlutverkinu við erfiðar aðstæður, sér í lagi á degi 1 þar sem nánast allur gjafarahópurinn þurfti að gefa hvíldarlaust allt kvöldið. En það voru þau Alexander, Þórunn, Dísa, Bjarni, Edward, Korneliusz og Inga sem sáu um að þeyta spilunum með glæsibrag. Um skipulag mótsins og kynningarmál sá Jón Ingi, gjaldkeri PSÍ.

Þeir sem skiptu verðlaunasætunum með sér voru:

Við þökkum Hugaríþróttafélaginu kærlega fyrir samstarfið og fyrir að veita okkur aðgang að aðstöðu félagsins. Einnig þökkum við Coolbet fyrir að halda fyrir okkur undanmót eins og þeim einum er lagið en tíð undanmót vikurnar fyrir mótið voru tvímælalaust lykill að góðri þátttöku.

Að lokum óskum við Steinari til hamingju með glæsilegan árangur og hlökkum til að sjá félagsmenn á næsta móti, en Stórbokki er næstur á dagskrá þann 18.maí nk!

Coolbet bikarnum 2024 lauk sl. sunnudag með lokaborði 9 efstu í stigakeppninni. Það var Atli Rúnar Þorsteinsson, a.k.a. atli951 sem bar sigur úr býtum eftir að hafa verið algerlega óstöðvandi í stigakeppninni. Atli Rúnar er búinn að gera það gott á mörgum mótum að undanförnu og hampaði m.a. Íslandsmeistaratitlinum árið 2022. Hann kom inn á lokaborðið með næstum tvöfalt fleiri stig en næsti keppandi og hóf því leik á lokaborði með langstærsta stakkinn.

Þetta er í fimmta sinn sem þessi mótaröð fer fram og í þriðja sinn með þessu sniði þar sem leikið er sérstakt lokaborð um verðlaunasætin. Og þetta er í fyrsta sinn sem sami keppandi vinnur stigakeppnina og lokaborðið. Atli fær að launum €1600 pakka á Coolbet Open sem ráðgert er í lok ágúst í Tallinn í Eistlandi. Alls tóku 74 einhvern þátt í mótaröðinni að þessu sinni og er það besta þátttaka frá upphafi.

Í öðru sæti varð Jóhann Hafnfjörð Rafnsson, öðru nafni Peningagj, en hann kom inn á lokaborðið með minnsta stakkinn og náði að breyta honum í €1600 pakka á Coolbet Open. Í þriðja og fjórða sæti urðu Friðrik Falkner (MrBaggins) og Halldór Már Sverrisson (CASINOICE1) og fá þeir að launum €550 pakka á Coolbet Open, sem er verðgildi miða í main event á Coolbet Open.

Heildarúrstlit á lokaborðinu urðu þessi:

Við óskum Atla til hamingju með þennan glæsilega árangur og öðrum verðlaunahöfum sömuleiðis. Við þökkum félagsmönnum fyrir góða þátttöku og Coolbet fyrir frábært samstarf við framkvæmd mótaraðarinnar.

Við hvetjum félagsmenn til að kynna sér dagskrána á Coolbet Open 2024 þegar hún verður kynnt og slást í för með þeim hópi Íslendinga sem ætlar að leggja land undir fót og skella sér út.

Lokastöðuna í stigakeppni Coolbet bikarsins má finna hér.

Brynjar Bjarkason (makk) gerði sér lítið fyrir og vann Íslandsmótið í net-póker sem fram fór á Coolbet í gærkvöldi. Þetta er í annað sinn sem hann vinnur þennan sama titil en hann vann einnig Íslandsmótið í net-póker árið 2018 sem þá fór fram á PartyPoker. Brynjar hefur fyrir löngu stimplað sig inn sem einn af okkar allra bestu leikmönnum en engu að síður magnaður árangur að vinna þetta mót tvisvar. Í öðru sæti í ár varð Þórarinn Kristjánsson Ólafsson (GolliPolli) og í því þriðja varð Örn Árnason (Orninn).

Agnar Jökull Imsland sem nýlega vann Íslandsmótið í póker kom inn á lokaborðið með chiplead og jók það síðan eftir því sem leið á lokaborðið og leit á tímabili út fyrir að hann væri að fara að sigla öðrum titli í röð í örugga höfn. En það er eins og alltaf skammt stórra högga á milli í þessum leik og Agnar þurfti á endanum að sætta sig við fjórða sætið. Síðan tók við löng barátta síðustu þriggja þar sem þeir skiptust nokkrum sinnum á að taka forystuna hver af öðrum og var Örn á tímabili með talsverða forystu og meira en helminginn af chipsunum. En eftir að Örninn féll úr leik tók einnig við löng heads-up barátta hjá Brynjari og Þórarni og það var að lokum Brynjar sem hafði betur.

Alls tóku 34 þátt í mótinu, þátttökugjald var €200 og endaði verðlaunapotturinn í €6188 sem skiptist á milli 6 efstu á eftirfarandi hátt:

1. makk- €2290
2. GolliPolli – €1547
3. Orninn – €928
4. Aimsland – €619
5. Peningagj – €464
6. OkeyDude77- €340

Við óskum Brynjari til hamingju með glæsilegan árangur og þökkum félagsmönnum fyrir þátttökuna og þökkum Coolbet fyrir frábært samstarf við framkvæmd mótsins.

Íslandsmótið í póker fór fram dagana 2.-5. nóvember í sal Hugaríþróttafélagsins og var haldið með svipuðu sniði og undanfarin ár, dagur eitt var tvískiptur á fimmtudegi og föstudegi, dagur 2 á laugardegi og lokaborð á sunnudegi. Alls tóku 101 félagsmaður þátt í mótinu og 50 þeirra komust á dag 2. Þetta er fjölgun um 12 frá því í fyrra en þá tóku 89 þátt í mótinu. Heildarverðlaunafé var 6.800.000 kr. og skiptist á milli 15 efstu og sá sem lenti í búbblusætinu fær að auki frían miða á ÍM 2024 í sárabætur skv. hefð sem hefur skapast. Kostnaðarhlutfall mótsins var 15,8%.

Það var Agnar Jökull Imsland Arason sem bar sigur úr býtum eftir rúmlega tveggja klukkustunda heads-up leik við Loga Laxdal. Logi vann Íslandsmeistaratitilinn fyrir árið 2020 (mótið var haldið í mars 2021) og Agnar hafði áður komist í heads-up á Íslandsmóti en hann varð í 2.sæti árið 2021 þegar Guðmundur Auðun varð Íslandsmeistari. Í þriðja sæti varð síðan Óskar Örn Eyþórsson.

Röð efstu þátttakenda og verðlaunafé var sem hér segir:

Mótsstjóri að þessu sinni var Már Wardum, formaður PSÍ, og honum til halds og trausts í hlutverki ritara og meðdómara var Daníel Jóhannsson. Gjafarar á mótinu voru þau Alexander, Berglaug, Dísa, Bjarni, Kristjana, Bryndís, Edward, Kristján Bragi og Silla. Um skipulag og undirbúning mótsins sá Jón Ingi Þorvaldsson, gjaldkeri PSÍ.

Við þökkum Hugaríþróttafélaginu kærlega fyrir frábæran stuðning, bæði með einstaklega þéttri undanmótadagskrá og að láta okkur í té hin glæsilegu húsakynni sem félagið hefur yfir að ráða. Einnig kunnum við Coolbet bestu þakkir fyrir að styðja við bakið á okkur með reglulegum undanmótum í aðdraganda ÍM en það hefur sýnt sig að regluleg undanmót eru lykillinn að góðri þátttöku í þessu móti.

Að lokum minnum við á að mótadagskránni er ekki alveg lokið enn. Íslandsmótin í net-póker eru eftir en þau fara fram á Coolbet í lok nóvember og byrjun desember.

Við óskum Agnari til hamingju með titilinn og öðrum verðlaunahöfum helgarinnar til hamingju með árangurinn, þökkum félagsmönnum fyrir góða þátttöku og hlökkum til að sjá ykkur á næsta móti!

Fjöldi þátttakenda á ÍM endaði í 101 í ár og komust 50 þeirra yfir á dag 2 sem hefst í dag, laugardag kl. 13:00. Verðlaunafé er kr. 6.800.000 og mun skiptast á milli 15 efstu leikmanna. Kostnaðarhlutfall er 15,8%.

Þrír af Íslandsmeisturum fyrri ára voru meðal þátttakenda og eru tveir þeirra eftir á degi 2, þeir Logi Laxdal (2020) og Atli Rúnar Þorsteinsson (2022), en Ívar Örn Böðvarsson (2018) er fallinn úr leik.

Hér má sjá lista yfir þá 50 sem komust áfram og stærð stakksins sem þeir fara með yfir á dag 2.