Stórbokka 2026 lauk kl. 19:47 á sunnudagskvöld og það var Birkir Blær Laufdal Kristinsson sem vann sigur á Stórbokkanum í ár eftir heads-up viðureign við Friðrik Falkner sem varð í öðru sæti. Birkir kom inn á dag 2 með verulegt chip-lead og náði að halda því jafnt og þétt í gegnum allan dag 2. Þess má geta að Birkir vann miða í mótið á Coolbet fyrir litlar €50.

Þetta er í fyrsta skipti sem mótið er haldið á tveimur dögum en hingað til hefur mótið verið haldið á einum degi og hefur jafnan staðið langt fram á nótt. Leikið var til miðnættis á laugardegi og stóðu þá 15 eftir og hófst leikur aftur kl. 14:00 á sunnudeginum.

Alls tóku 46 þátt í mótinu í ár og er þetta fjölmennasta Stórbokka mótið síðan 2016. Tölur eru eitthvað aðeins á reiki um fjöldann í fyrstu tveimur mótunum 2015 og 2016 en síðan varð veruleg fækkun á árunum á eftir og á Covid árunum tveimur var mótið fellt niður. Síðan það var endurvakið árið 2022 hefur þátttaka aukist jafnt og þétt og erum við núna búin að jafna þátttökuna sem var á fyrstu tveimur árunum.

Endurkaup voru 15 talsins þannig að heildarfjöldi skráninga (entries) í mótið var 61. Verðlaunaféð endaði í 7.575.000 og kostnaðarhlutfall 12,9%. Verðlaunaféð skiptist á þá 9 sem komust á lokaborðið en þeir sem unnu til verðlauna voru:

1. Birkir Blær Laufdal Kristinsson 2.130.000
2. Friðrik Falkner 1.525.000
3. Kristján Loftur Helgason 1.070.000
4. Ernestas Trofimovas 820.000
5. Árni Gunnarsson 620.000
6. Tomasz Janusz Mroz 470.000
7. Einar Þór Einarsson 370.000
8. Davíð Þór Rúnarsson 305.000
9. Sigurður Þengilsson 265.000

Mótið var haldið í sal Reykjavík Royale sem hluti af póker hátíðinni Midnight Sun Poker 2026 og kunnum við RR bestu þakkir fyrir að hýsa mótið og Coolbet fyrir að keyra online undanmót vikulega í tvo mánuði fyrir mótið en þátttaka í þeim var alger lykilþáttur í því hversu vel tókst til með mótið. Í matarhléi var boðið upp á steikarhlaðborð sem Atli Freyr kokkaði ofan í okkur og var ekki annað að heyra en að það hafi fallið í mjög góðan jarðveg.

Það voru þau Alexander, Dísa, Bart. Hjalti, Rannveig, Filip, Bjarni Veigar, Maryna og þrír erlendir gestir Anna, Iryna og Tetiana sem sáu um gjafarastörfin af sinni einstöku fagmennsku. Það var síðan Jón Ingi, gjaldkeri PSÍ, sem bar hitann og þungann af undirbúningi og skipulagi mótsins og Kai Fletcher sem sá um mótsstjórn.

Við þökkum öllum sem komu að Stórbokka þetta árið, starfsfólki, þátttakendum og gestgjöfum fyrir að gera gott mót með okkur og sjáumst vonandi sem flest á næsta móti!

---

Einnig fóru fram tvö hliðarmót samhliða Stórbokkanum. Á laugardagskvöldið fór fram 30K re-entry mót undir yfirskriftinni “Saturday Showdown” eftir að matarhléi lauk í Stórbokka. 23 entry voru í mótið og verðlaunafé upp 590þús skiptist á milli eftirfarandi þriggja leikmanna:

1. Sigurjón Þórðarsson 270.000
2. Fabian Bartuschk 190.000
3. Kristinn Pétursson 130.000

Á sunnudeginum fór fram 40K re-entry mót samhliða lokaborðinu á Stórbokka. Þar voru 13 entry og eftirfarandi þrír skiptu með sér 440þús í verðlaunafé:

1. Jón Ingi Thorvaldsson 210.000
2. Eiríkur Garðar Einarsson 140.000
3. Adrian Bloechlinger 90.000

---

Við fengum ljósmyndara í heimsókn nokkrum sinnum á meðan hátíðinni stóð og hér má sjá nokkrar svipmyndir frá mótum vikunnar:

Smábokka 2026 lauk núna rétt fyrir miðnættið og var það Ingi Þór Einarsson sem bar sigur úr býtum eftir rúmlega klukkustundar heads-up viðureign við Halldór Má Sverrisson.

77 tóku þátt í mótinu í ár og voru endurkaup 40 talsins þannig að heildarfjöldi þátttökugjalda í mótið var 117 en boðið var upp á ein endurkaup skv. áralangri venju. Þetta er því næst fjölmennasti Smábokkinn frá upphafi en aðeins fyrsta mótið var fjölmennara en þá tóku 109 þátt. Verðlaunapotturinn endaði í 2.980.000 sem er stærsti verðlaunapottur frá upphafi í þessu móti.

Mótið var í annað sinn haldið sem hluti af pókerhátíðinni Midnight Sun Poker, þar sem Bræðingi, Smábokka og Stórbokka er slegið saman í 6 daga póker veislu ásamt nokkrum hliðarmótum. Hátíðin var lítillega kynnt á erlendum vettvangi og komu 5 erlendir gestir á mótið, þar af 1 sem er í top 10 á lista Hendon Mob yfir svokallaða “flaghunters”.

Þau sem skiptu verðlaunasætunum með sér voru:

1. Ingi Þór Einarsson, 750.000
2. Halldór Már Sverrisson, 550.000
3. Hrannar Hallgrimsson, 360.000
4. Anton Jarl Jóhannsson Bachmann, 290.000
5. Helgi Reynir Guðmundsson, 230.000
6. Haraldur Pétursson, 180.000
7. Anu Kristiina Lilja, 140.000
8. Eiríkur Garðar Einarsson, 110.000
9. Hafsteinn Esjar Baldursson, 90.000
10. Egill Þorsteinsson, 75.000
11. Tomasz Janusz Mroz, 75.000
12. Sigurður Þorgeirsson, 65.000
13. Steinar Edduson, 65.000

Steinar Snær Sævarsson sá um mótsstjórn ásamt Má Wardum og Jón Ingi Þorvaldsson, gjaldkeri PSÍ, sá um skipulagningu og undirbúning mótsins.

Við þökkum Reykjavík Royale og Coolbet kærlega fyrir samstarfið og fyrir að veita okkur aðgang að aðstöðu þeirra. Einnig þökkum við Coolbet fyrir að halda fyrir okkur undanmót eins og þeim einum er lagið en tíð undanmót vikurnar fyrir mótið voru tvímælalaust lykill að góðri þátttöku.

Að lokum óskum við Inga Þór til hamingju með árangurinn og hlökkum til að sjá félagsmenn á lokamóti Midnight Sun Poker, Stórbokka sem hefst kl. 13:00 á morgun, laugardag!

Við hófum Midnight Sun Poker hátíðina formlega með látum í á miðvikudagskvöld með Coolbet Mystery mótinu. 52 mættu til leiks og voru endurkaup 39 talsins og endaði aðal verðlaunapotturinn í 1.820.000 og Mystery verðlaunapotturinn í 1.274.000. Fjórir veglegir aukavinningar voru einnig í pottinum, €1600 og €550 pakkar á Coolbet Open í boði Coolbet og miðar á Stórbokka og Smábokka í boði PSÍ.

Það var Einar Þór Einarsson sem endaði í 1.sæti og Breki Konráðsson varð í 2.sæti. Hver og einn sem komst á lokaborðið fékk að draga einn af mystery vinningunum og auk þess skiptist verðlaunapotturinn á milli 9 efstu auk þess sem búbblusætið fékk miða á Smábokka í sárabætur:

1. Einar Þór Einarsson – 515.000 (Miði á Stórbokka)
2. Breki Konráðsson – 365.000 (150.000)
3. Tomasz Janusz Mroz – 255.000 (274.000)
4. Haraldur Pétursson – 195.000 (200.000)
5. Bernharð Arinbjarnarson – 150.000 (€550 pakki á Coolbet Open)
6. Árni Gunnarsson – 115.000 (100.000)
7. Óli Björn Karlsson – 90.000 (300.000)
8. Andri Már Ágústsson – 75.000 (250.000)
9. Sigurður Baldvin Friðriksson – 65.000 (€1600 pakki á Coolbet Open)
10. Steinar Edduson (Miði á Smábokka)

Mótsstjóri var Jón Ingi Þorvaldsson, gjaldkeri PSÍ og sá hann einnig um undirbúning og skipulag mótsins.

Við óskum öllum verðlaunahöfum til hamingju með árangurinn og þökkum félagsmönnum góða þátttöku og Reykjavík Royale fyrir frábæra aðstöðu fyrir mótið.

Lokaborð Coolbet bikarsins 2026 fór fram laugardaginn 4.mars og lauk honum með sigri Brynjars Bjarkasonar (makk). Þetta er í annað sinn sem hann vinnur sigur í þessari mótaröð en hann vann sigur í fyrsta Coolbet bikarnum sem haldinn var árið 2020.

Þar með er orðið óhætt að segja að hann sé orðinn sigursælasti net-póker spilarinn í sögu PSÍ, en hann hefur einnig tvisvar unnið ÍM í net-póker, og að auki tók hann Íslandsmeistaratitilinn í PLO árið 2025.

Við óskum Brynjari til hamingju með enn einn sigurinn og hina glæsilegu vinninga sem hann sópaði til sín. En hann fær að launum €1600 pakka á Coolbet Open sem fram fer í Tallinn í haust, auk €600 í TM á Coolbet og svo fær hann verðlaunagrip frá PSÍ sem afhentur verður á Midnight Sun Poker hátíðinni sem fram fer í maí.

Heildarúrstlit á lokaborðinu urðu þessi:

Sæti	Nafn	Coolbet ID	Verðlaun
1	Brynjar Bjarkason	makk	€1600 pakki á Coolbet Open + €600 TM
2	Viktor Helgi Benediktsson	Banco	€1600 pakki á Coolbet Open + €300 TM
3	Kristján Loftur Helgason	Blakaldur	€1600 pakki á Coolbet Open
4	Örn Árnason	Orninn	€550 pakki á Coolbet Open
5	Atli Þrastarson	WhiskyMaster	€550 pakki á Coolbet Open
6	Alexandru Marian Florea	HowaboutaHug	€550 pakki á Coolbet Open
7	Kristinn Pétursson	Hunterinn	€550 pakki á Coolbet Open
8	Anton Jarl Jóhannsson Bachmann	ChillDudeChecks	€550 pakki á Coolbet Open
9	Sigurður Þengilsson	Eldsmidur	€550 pakki á Coolbet Open

Við þökkum félagsmönnum fyrir einstaklega vel heppnaða mótaröð að þessu sinni. Það var metþátttaka í þetta sinn. Alls tóku 100 einhvern þátt í mótunum, 80 tóku þátt í stigakeppninni og heildarverðlaunafé var tvöfalt hærra en í fyrra.

Og ekki síst þá þökkum við Coolbet kærlega fyrir að standa þétt við bakið á okkur með þessa farsælu mótaröð enn eitt árið og fyrir hina glæsilegu aukavinninga, sem voru tvöfalt hærri nú en nokkru sinni fyrr!

Svo sjáumst við öll á Coolbet Open 2026 í Tallinn í haust! 

Lokastöðuna í stigakeppni Coolbet bikarsins má finna hér.

Íslandsmótinu í Pot-Limit-Omaha lauk rétt fyrir klukkan ellefu í gærkvöldi með sigri Brynjars Bjarkasonar; sem flestir þekkja eflaust sem “Makkarann”. Í öðru sæti varð Már Wardum og í því þriðja varð Reynir Örn Einarsson. Það hefur löngum verið ljóst að Brynjar sé einn af okkar allra fremstu spilurum og hefur hann m.a. orðið Íslandsmeistari í net-póker tvisvar sinnum og var hann með því fyrstur til að vinna sama titil tvisvar í mótum á vegum PSÍ, og einnig vann hann Coolbet bikarinn þegar hann var haldinn í fyrsta sinn árið 2020. En þetta er í fyrsta sinn sem hann vinnur sigur í live móti á vegum PSÍ.

Mótið hófst klukkan 14:00 og fór fram í salarkynnum Hugaríþróttafélagsins. Þátttakendur voru 19 talsins og keyptu 7 þeirra sig inn aftur en eitt re-entry er leyft í þessu móti. Alls voru því 26 entry í mótið sem er smá fækkun frá því í fyrra en svipað og verið hefur í þessu móti.

Þetta mót hefur á undanförnum árum verið lítillega niðurgreitt af PSÍ og kostnaður mótsins endaði að þessu sinni í 27,5%, m.a. vegna þess að ákveðið var að splæsa í veitingar fyrir þátttakendur og starfsfólk þar sem þetta var síðasti viðburður ársins hjá okkur. Kostnaðarhlutfall var hins vegar fest í 15% og var verðlaunafé því 85% af þátttökugjöldum eða 884.000 og skiptist það á milli 5 efstu með eftirfarandi hætti:

1. Brynjar Bjarkason, 340.000
2. Már Wardum, 225.000
3. Reynir Örn Einarsson, 150.000
4. Þórarinn Kristjánsson Ólafsson, 100.000
5. Hrannar Hallgrimsson, 70.000

Mótsstjóri var Einar Þór Einarsson, undirbúningur og skipulag mótsins var í höndum Jóns Inga Þorvaldssonar, gjaldkera PSÍ, og í störfum gjafara var úrvalslið Omaha gjafara, þau Alexander, Rannveig, Kai og Berglaug..

Við óskum Brynjari til hamingju með sigurinn og öllum verðlaunahöfum einnig til hamingju með árangurinn. Við þökkum Hugaríþróttafélaginu fyrir að útvega okkur þessa frábæru aðstöðu fyrir mótið og Coolbet fyrir vel heppnuð undanmót og öllum sem komu að skipulagi og framkvæmd mótsins fyrir vel unnin störf!

Þetta var sem fyrr segir síðasti viðburður ársins á vegum PSÍ og við þökkum félagsmönnum fyrir góða þátttöku í mótum ársins og sjáumst eldhress á nýju ári!