Birkir vinnur Stórbokka 2026

/0 Comments/by

Stórbokka 2026 lauk kl. 19:47 á sunnudagskvöld og það var Birkir Blær Laufdal Kristinsson sem vann sigur á Stórbokkanum í ár eftir heads-up viðureign við Friðrik Falkner sem varð í öðru sæti. Birkir kom inn á dag 2 með verulegt chip-lead og náði að halda því jafnt og þétt í gegnum allan dag 2. Þess má geta að Birkir vann miða í mótið á Coolbet fyrir litlar €50.

Þetta er í fyrsta skipti sem mótið er haldið á tveimur dögum en hingað til hefur mótið verið haldið á einum degi og hefur jafnan staðið langt fram á nótt. Leikið var til miðnættis á laugardegi og stóðu þá 15 eftir og hófst leikur aftur kl. 14:00 á sunnudeginum.

Alls tóku 46 þátt í mótinu í ár og er þetta fjölmennasta Stórbokka mótið síðan 2016. Tölur eru eitthvað aðeins á reiki um fjöldann í fyrstu tveimur mótunum 2015 og 2016 en síðan varð veruleg fækkun á árunum á eftir og á Covid árunum tveimur var mótið fellt niður. Síðan það var endurvakið árið 2022 hefur þátttaka aukist jafnt og þétt og erum við núna búin að jafna þátttökuna sem var á fyrstu tveimur árunum.

Endurkaup voru 15 talsins þannig að heildarfjöldi skráninga (entries) í mótið var 61. Verðlaunaféð endaði í 7.575.000 og kostnaðarhlutfall 12,9%. Verðlaunaféð skiptist á þá 9 sem komust á lokaborðið en þeir sem unnu til verðlauna voru:

  1. Birkir Blær Laufdal Kristinsson 2.130.000
  2. Friðrik Falkner 1.525.000
  3. Kristján Loftur Helgason 1.070.000
  4. Ernestas Trofimovas 820.000
  5. Árni Gunnarsson 620.000
  6. Tomasz Janusz Mroz 470.000
  7. Einar Þór Einarsson 370.000
  8. Davíð Þór Rúnarsson 305.000
  9. Sigurður Þengilsson 265.000

Mótið var haldið í sal Reykjavík Royale sem hluti af póker hátíðinni Midnight Sun Poker 2026 og kunnum við RR bestu þakkir fyrir að hýsa mótið og Coolbet fyrir að keyra online undanmót vikulega í tvo mánuði fyrir mótið en þátttaka í þeim var alger lykilþáttur í því hversu vel tókst til með mótið. Í matarhléi var boðið upp á steikarhlaðborð sem Atli Freyr kokkaði ofan í okkur og var ekki annað að heyra en að það hafi fallið í mjög góðan jarðveg.

Það voru þau Alexander, Dísa, Bart. Hjalti, Rannveig, Filip, Bjarni Veigar, Maryna og þrír erlendir gestir Anna, Iryna og Tetiana sem sáu um gjafarastörfin af sinni einstöku fagmennsku. Það var síðan Jón Ingi, gjaldkeri PSÍ, sem bar hitann og þungann af undirbúningi og skipulagi mótsins og Kai Fletcher sem sá um mótsstjórn.

Við þökkum öllum sem komu að Stórbokka þetta árið, starfsfólki, þátttakendum og gestgjöfum fyrir að gera gott mót með okkur og sjáumst vonandi sem flest á næsta móti!

Einnig fóru fram tvö hliðarmót samhliða Stórbokkanum. Á laugardagskvöldið fór fram 30K re-entry mót undir yfirskriftinni “Saturday Showdown” eftir að matarhléi lauk í Stórbokka. 23 entry voru í mótið og verðlaunafé upp 590þús skiptist á milli eftirfarandi þriggja leikmanna:

  1. Sigurjón Þórðarsson 270.000
  2. Fabian Bartuschk 190.000
  3. Kristinn Pétursson 130.000

Á sunnudeginum fór fram 40K re-entry mót samhliða lokaborðinu á Stórbokka. Þar voru 13 entry og eftirfarandi þrír skiptu með sér 440þús í verðlaunafé:

  1. Jón Ingi Thorvaldsson 210.000
  2. Eiríkur Garðar Einarsson 140.000
  3. Adrian Bloechlinger 90.000

Við fengum ljósmyndara í heimsókn nokkrum sinnum á meðan hátíðinni stóð og hér má sjá nokkrar svipmyndir frá mótum vikunnar:

Staðan eftir dag 1 á Stórbokka

/0 Comments/by

Þátttaka á Stórbokka var sú mesta í áratug en alls voru þátttakendur 46 talsins og endurkaup 15, þannig að heildarfjöldi þátttökugjalda í mótið var 61. Þetta er svipuð þátttaka og var fyrstu tvö árin en þátttaka í mótinu var mjög dræm á árunum þar á eftir en hefur farið vaxandi jafnt og þétt eftir að mótið var endurvakið eftir Covid árin.

Verðlaunapotturinn endaði í 7.575.000 sem verður skipt á milli 9 efstu og kostnaðarhlutfall mótsins er 12,9%.

Leikið var til miðnættis á degi 1 og af þeim 46 sem hófu leik fara 15 yfir á dag 2. Stakkstærðir þeirra sem komast á dag 2 eru:

Birkir Blær Laufdal Kristinsson2.510.000
Einar Þór Einarsson1.775.000
Friðrik Falkner1.250.000
Ernestas Trofimovas1.190.000
Sigurður Þengilsson880.000
Tomasz Janusz Mroz805.000
Johan Rolfsson635.000
Árni Gunnarsson605.000
Daniel Jacobsen490.000
Davíð Þór Rúnarsson440.000
Vytatutas Rubezius440.000
Halldór Már Sverrisson375.000
Kristján Loftur Helgason285.000
Hafþór Sigmundsson270.000
Axel Hreinn Hilmisson195.000

Leikur hefst að nýju kl. 14:00 á morgun, sunnudag.

Ingi Þór er Smábokki 2026

/0 Comments/by

Smábokka 2026 lauk núna rétt fyrir miðnættið og var það Ingi Þór Einarsson sem bar sigur úr býtum eftir rúmlega klukkustundar heads-up viðureign við Halldór Má Sverrisson.

77 tóku þátt í mótinu í ár og voru endurkaup 40 talsins þannig að heildarfjöldi þátttökugjalda í mótið var 117 en boðið var upp á ein endurkaup skv. áralangri venju. Þetta er því næst fjölmennasti Smábokkinn frá upphafi en aðeins fyrsta mótið var fjölmennara en þá tóku 109 þátt. Verðlaunapotturinn endaði í 2.980.000 sem er stærsti verðlaunapottur frá upphafi í þessu móti.

Mótið var í annað sinn haldið sem hluti af pókerhátíðinni Midnight Sun Poker, þar sem Bræðingi, Smábokka og Stórbokka er slegið saman í 6 daga póker veislu ásamt nokkrum hliðarmótum. Hátíðin var lítillega kynnt á erlendum vettvangi og komu 5 erlendir gestir á mótið, þar af 1 sem er í top 10 á lista Hendon Mob yfir svokallaða “flaghunters”.

Þau sem skiptu verðlaunasætunum með sér voru:

  1. Ingi Þór Einarsson, 750.000
  2. Halldór Már Sverrisson, 550.000
  3. Hrannar Hallgrimsson, 360.000
  4. Anton Jarl Jóhannsson Bachmann, 290.000
  5. Helgi Reynir Guðmundsson, 230.000
  6. Haraldur Pétursson, 180.000
  7. Anu Kristiina Lilja, 140.000
  8. Eiríkur Garðar Einarsson, 110.000
  9. Hafsteinn Esjar Baldursson, 90.000
  10. Egill Þorsteinsson, 75.000
  11. Tomasz Janusz Mroz, 75.000
  12. Sigurður Þorgeirsson, 65.000
  13. Steinar Edduson, 65.000

Steinar Snær Sævarsson sá um mótsstjórn ásamt Má Wardum og Jón Ingi Þorvaldsson, gjaldkeri PSÍ, sá um skipulagningu og undirbúning mótsins.

Við þökkum Reykjavík Royale og Coolbet kærlega fyrir samstarfið og fyrir að veita okkur aðgang að aðstöðu þeirra. Einnig þökkum við Coolbet fyrir að halda fyrir okkur undanmót eins og þeim einum er lagið en tíð undanmót vikurnar fyrir mótið voru tvímælalaust lykill að góðri þátttöku.

Að lokum óskum við Inga Þór til hamingju með árangurinn og hlökkum til að sjá félagsmenn á lokamóti Midnight Sun Poker, Stórbokka sem hefst kl. 13:00 á morgun, laugardag!

Einnig fór fram lítið og nett 25k Pinapple hliðarmót með yfirskriftina “Friday Beach Party”og voru entry í það mót 16 talsins.

Verðlaunafé var 340.000 og skiptist á milli 2 efstu sæta og það voru þeir Einar Þór Einarsson og Óli Björn Karlsson sem tóku tvö efstu sætin og er þetta annað hliðarmótið í vikunni sem Einar Þór vinnur sigur í.

Verðlaunaféð skiptist á milli þeirra tveggja á eftirfarandi hátt:

  1. Einar Þór Einarsson, 220.000
  2. Óli Björn Karlsson, 120.000

Smábokki 2026 – Staðan eftir dag 1

/0 Comments/by

Það voru 77 sem mættu til leiks á Smábokka sem hófst kl. 14:00 fimmtudaginn 14.maí. Endurkaup voru 44 talsins og verðlaunapotturinn endaði í 2.983.000 og verður honum skipt á milli 13 efstu sætanna. Kostnaðarhlutfall mótsins er 15%. Til stóð að leika til miðnættis eða þegar 9 stæðu eftir. En þar sem búbblan var komin í gang fyrir miðnættið þá var ákveðið að klára hana og sprakk hún klukkan rétt rúmlega eitt.

Stakkstærð hjá þeim 13 sem komust inn fyrir búbbluna og komast á dag 2 er eftirfarandi:

Hrannar Hallgrimsson576.000
Hafsteinn Esjar Baldursson564.000
Haraldur Pétursson490.000
Sigurður Þorgeirsson357.000
Ingi Þór Einarsson340.000
Egill Þorsteinsson257.000
Anton Jarl Jóhannsson Bachmann188.000
Tomasz Janusz Mroz181.000
Steinar Edduson161.000
Anu Kristiina Lilja144.000
Halldór Már Sverrisson131.000
Eiríkur Garðar Einarsson120.000
Helgi Reynir Guðmundsson31.000

Leikar hefjast að nýju kl. 18:30 í dag, föstudag 15.maí.

Einar Þór vinnur Mystery mótið

/0 Comments/by

Við hófum Midnight Sun Poker hátíðina formlega með látum í á miðvikudagskvöld með Coolbet Mystery mótinu. 52 mættu til leiks og voru endurkaup 39 talsins og endaði aðal verðlaunapotturinn í 1.820.000 og Mystery verðlaunapotturinn í 1.274.000. Fjórir veglegir aukavinningar voru einnig í pottinum, €1600 og €550 pakkar á Coolbet Open í boði Coolbet og miðar á Stórbokka og Smábokka í boði PSÍ.

Það var Einar Þór Einarsson sem endaði í 1.sæti og Breki Konráðsson varð í 2.sæti. Hver og einn sem komst á lokaborðið fékk að draga einn af mystery vinningunum og auk þess skiptist verðlaunapotturinn á milli 9 efstu auk þess sem búbblusætið fékk miða á Smábokka í sárabætur:

  1. Einar Þór Einarsson – 515.000 (Miði á Stórbokka)
  2. Breki Konráðsson – 365.000 (150.000)
  3. Tomasz Janusz Mroz – 255.000 (274.000)
  4. Haraldur Pétursson – 195.000 (200.000)
  5. Bernharð Arinbjarnarson – 150.000 (€550 pakki á Coolbet Open)
  6. Árni Gunnarsson – 115.000 (100.000)
  7. Óli Björn Karlsson – 90.000 (300.000)
  8. Andri Már Ágústsson – 75.000 (250.000)
  9. Sigurður Baldvin Friðriksson – 65.000 (€1600 pakki á Coolbet Open)
  10. Steinar Edduson (Miði á Smábokka)

Mótsstjóri var Jón Ingi Þorvaldsson, gjaldkeri PSÍ og sá hann einnig um undirbúning og skipulag mótsins.

Við óskum öllum verðlaunahöfum til hamingju með árangurinn og þökkum félagsmönnum góða þátttöku og Reykjavík Royale fyrir frábæra aðstöðu fyrir mótið.

Tómas Örnólfsson er sigurvegari í Bræðingi 2026

/0 Comments/by

Bræðingur var haldinn í þriðja sinn nú í vikunni. Mótið hófst á Coolbet sl. sunnudag þar sem leikið var niður í 9 manna lokaborð og hélt mótið síðan áfram í sal Reykjavík Royale í gærkvöldi þar sem lokaborðið var leikið til enda. Það var Tómas Örnólfsson (Tomasoo1) sem stóð uppi sem sigurvegari eftir dágóða heads-up viðureign við Olgeir Karvelsson.

Tómas kom inn á lokaborðið með gott chip-lead og í heads-up viðureigninni skiptust þeir Olgeir á að dobbla hvor annan upp nokkrum sinnum þar til Tómas á endanum hafði betur.

Alls tóku 61 þátt í mótinu í þetta sinn og endurkaup voru 45 talsins. Það voru 700þús. kr. sem enduðu í prizepoolinu en þess má geta að í þessu móti tekur PSÍ ekkert fyrir að halda mótið og Coolbet tekur aðeins 9% fyrir að halda mótið fyrir okkur þrátt fyrir ærna fyrirhöfn á báðum vígstöðvum þar sem um mjög sérstakt setup er að ræða.

Verðlaunaféð skiptist á milli þeirra 9 sem komust á lokaborðið með eftirfarandi hætti:

  1. Tómas Örnólfsson – 200.000
  2. Olgeir Karvelsson – 140.000
  3. Andrés Róbert Vilhjálmsson – 95.000
  4. Erika Avetisian – 75.000
  5. Daniel Jacobsen – 55.000
  6. Jón Óskar Agnarsson – 45.000
  7. Daníel Már Pálsson – 35.000
  8. Birkir Viðar Haraldsson – 30.000
  9. Eyþór Sigurðsson – 25.000

Eitt af því sem gerir þetta mót sérlega skemmtilegt er að það dregur fram í dagsljósið ný andlit sem hafa ekki sést á öðrum mótum og á þessu móti komust fjórir leikmenn á lokaborðið sem ekki höfðu tekið þátt í neinum mótum á vegum PSÍ áður.

Það var Jón Ingi Þorvaldsson, gjaldkeri PSÍ, sem var mótsstjóri á lokaborðinu og hafði hann einnig veg og vanda að því að skipuleggja mótið.

Við óskum Tómasi til hamingju með sigurinn og þökkum félagsmönnum fyrir stórskemmtilegt mót og Coolbet sérstaklega fyrir að standa í þessu með okkur.

Brynjar Bjarkason (makk) vinnur enn einn Coolbet bikarinn

/0 Comments/by

Lokaborð Coolbet bikarsins 2026 fór fram laugardaginn 4.mars og lauk honum með sigri Brynjars Bjarkasonar (makk). Þetta er í annað sinn sem hann vinnur sigur í þessari mótaröð en hann vann sigur í fyrsta Coolbet bikarnum sem haldinn var árið 2020.

Þar með er orðið óhætt að segja að hann sé orðinn sigursælasti net-póker spilarinn í sögu PSÍ, en hann hefur einnig tvisvar unnið ÍM í net-póker, og að auki tók hann Íslandsmeistaratitilinn í PLO árið 2025.

Við óskum Brynjari til hamingju með enn einn sigurinn og hina glæsilegu vinninga sem hann sópaði til sín. En hann fær að launum €1600 pakka á Coolbet Open sem fram fer í Tallinn í haust, auk €600 í TM á Coolbet og svo fær hann verðlaunagrip frá PSÍ sem afhentur verður á Midnight Sun Poker hátíðinni sem fram fer í maí.

Heildarúrstlit á lokaborðinu urðu þessi:

SætiNafnCoolbet IDVerðlaun
1Brynjar Bjarkasonmakk€1600 pakki á Coolbet Open + €600 TM
2Viktor Helgi BenediktssonBanco€1600 pakki á Coolbet Open + €300 TM
3Kristján Loftur HelgasonBlakaldur€1600 pakki á Coolbet Open
4Örn ÁrnasonOrninn€550 pakki á Coolbet Open
5Atli ÞrastarsonWhiskyMaster€550 pakki á Coolbet Open
6Alexandru Marian FloreaHowaboutaHug€550 pakki á Coolbet Open
7Kristinn PéturssonHunterinn€550 pakki á Coolbet Open
8Anton Jarl Jóhannsson BachmannChillDudeChecks€550 pakki á Coolbet Open
9Sigurður ÞengilssonEldsmidur€550 pakki á Coolbet Open

Við þökkum félagsmönnum fyrir einstaklega vel heppnaða mótaröð að þessu sinni. Það var metþátttaka í þetta sinn. Alls tóku 100 einhvern þátt í mótunum, 80 tóku þátt í stigakeppninni og heildarverðlaunafé var tvöfalt hærra en í fyrra.

Og ekki síst þá þökkum við Coolbet kærlega fyrir að standa þétt við bakið á okkur með þessa farsælu mótaröð enn eitt árið og fyrir hina glæsilegu aukavinninga, sem voru tvöfalt hærri nú en nokkru sinni fyrr!

Svo sjáumst við öll á Coolbet Open 2026 í Tallinn í haust! 

Lokastöðuna í stigakeppni Coolbet bikarsins má finna hér.

Midnight Sun Poker 2026

/0 Comments/by

(For information in English, click here)

Annað árið í röð blásum við til pókerveislunnar Midnight Sun Poker 2026. Þar sláum við saman þremur mótum sem hafa verið á mótadagskránni, Bræðingi, Smábokka og Stórbokka og gerum úr því viku pókerhátíð með nokkrum hliðarmótum.

Bræðingur var endurvakinn í fyrra eftir nokkurra ára hlé en í því móti bræðum við saman net-póker og live póker í skemmtilegri samsetningu sem hefst á Coolbet sunnudaginn 10.maí og lýkur svo með live lokaborði þriðjudaginn 12.maí.

Á miðvikudeginum verður veglegt 40k mystery bounty mót þar sem Coolbet og PSÍ gefa glæsilega aukavinninga. Coolbet gefur €1600 pakka á Coolbet Open og PSÍ gefur aukamiða á Stórbokka og Smábokka.

Fimmtudaginn 14.maí (Uppstigningardag) kl. 14:00 hefst svo Smábokki með aðeins breyttu sniði þar sem leikið verður niður á lokaborð á degi 1 og dagur 2 hefst síðan kl. 18:00 á föstudeginum.

Hátíðinni lýkur síðan með Stórbokka sem verður hápunktur vikunnar. Stórbokki verður einnig með aðeins breyttu sniði en hann verður nú í fyrsta sinn leikinn á tveimur dögum. Leikið verður niður á lokaborð á laugardeginum og leikur heldur síðan áfram á sunnudegi þar sem mótið verður klárað. Þátttökugjaldið er 150.000 kr. eins og fyrri ár og hægt að kaupa sig aftur inn ótakmarkað fyrir 120.000 kr. Innifalið í Stórbokka er vegleg máltíð í hléi.

Sjá allar nánari upplýsingar á upplýsingavef hátíðarinnar (á ensku).

Undanmót hefjast á skírdag, fimmtudaginn 2.apríl á Coolbet, einnig verða undanmót á föstudaginn langa kl. 20:00 og síðan alla sunnudaga frá og með páskadegi og fram til 10.maí.

Coolbet bikarinn hefst sunnudaginn 1. febrúar!

/0 Comments/by

Coolbet og PSÍ bjóða til glæsilegustu mótaraðar hingað til á vegum sambandsins, en í þetta sinn setur Coolbet samtals €9000 í verðlaunapottinn! Leiknar verða 8 umferðir og munu 5 bestu gilda til stiga og komast 9 efstu í stigakeppninni á lokaborðið og keppa um hina glæsilegu aukavinninga!

Þátttökugjald í hverju móti verður €50 með möguleika á tveimur endurkaupum og er greitt út verðlaunafé með venjulegum hætti í hverju móti, þ.e. ekkert er tekið úr prizepool í hverju móti vegna aukaverðlaunanna.

Allir geta tekið þátt í mótunum en stig telja aðeins í stigakeppninni fyrir aðila að PSÍ. Ganga þarf frá aðild að PSÍ fyrir upphaf þriðju umferðar til að stig telji. Það er skotfljótlegt að ganga frá aðild að PSÍ hér: www.pokersamband.is/shop

PSÍ veitir sigurvegaranum á lokaborðinu verðlaunagrip til eignar og Coolbet bætir síðan við aukaverðlaunum (Added Value!!) fyrir öll sætin á lokaborðinu.

Sjá allar nánari upplýsingar hér!

Ársþing PSÍ 2026

/0 Comments/by

Við óskum félagsmönnum gleðilegs nýs árs og þökkum fyrir frábæra þátttöku í mótum á vegum PSÍ á liðnu ári. Nýliðið ár var það áttunda sem núverandi stjórn hefur leitt sambandið og þátttaka í mótum ársins var með besta móti.

Við hefjum nýja árið með föstum liðum eins og venjulega en það er ársþing Pókersambands Íslands 2026 sem haldið verður laugardaginn 24.janúar kl. 13:00.

Dagskrá verður skv. 6. grein laga sambandsins sem finna má hér á vef PSÍ.

Við hvetjum alla sem vilja fylgjast með starfsemi og stöðu PSÍ og leggja eitthvað til málanna um starfsemi næstu missera, til að mæta, hvort sem þið hafið í huga að bjóða ykkur fram til starfa á vegum sambandsins eða ekki.

Ársþingið fer að þessu sinni eingöngu fram í net-heimum.

>> Smellið hér til að tengjast fundinum

Fyrir fundinum liggja eftirfarandi tillögur um breytingar á lögum PSÍ:

  • Lagt er til að 3.grein laga verði breytt í eftirfarandi:
    • “Á milli ársþinga er æðsta vald í málefnum sambandsins í höndum stjórnar, sem skipuð skal 3 einstaklingum, formanni, gjaldkera og ritara, auk tveggja varamanna, sem kosnir eru á ársþingi.

      Formann og gjaldkera skal kjósa sérstaklega til tveggja ára í senn og aðra stjórnarmenn til eins árs. Kjósa skal formann á árum sem enda á sléttri tölu og gjaldkera á árum sem enda á oddatölu. Ef formaður eða gjaldkeri ákveða að hætta á miðju kjörtímabili sínu skal kosið í það hlutverk til eins árs.

      Stjórninni er heimilt að mynda framkvæmdaráð, sem annast daglega stjórn sambandsins í umboði stjórnar og eftir framkvæmdaáætlun stjórnarinnar.

      Stjórninni skal heimilt að ráða framkvæmdastjóra sem annist daglegan rekstur eða framkvæmd ákveðinna viðburða eða móta í umboði stjórnar.

      Stjórnin skal framfylgja ályktunum og ákvörðunum ársþings og vera félögum til aðstoðar um málefni er varða starfsemi sambandsins. Fjárhagslegar skuldbindingar skulu vera háðar samþykki stjórnar.”
  • Lagt er til að 5.grein verði breytt í eftirfarandi:
    • “Ársþing fer með æðsta vald í málefnum sambandsins og skal haldið árlega í janúar eða febrúar ár hvert. Stjórnin boðar til þess með tveggja vikna fyrirvara með tölvupósti til skráðra félagsmanna og/eða á samfélagsmiðlum eða öðrum sambærilegum hætti. Dagskrá skal vera samkvæmt 6. grein nema annað sé ákveðið af stjórn og skal þá breytt dagskrá send út með einnar viku fyrirvara. Óski félagsmenn eða fulltrúar aðildarfélaga eftir því að bera fram tillögur um lagabreytingar á þinginu, skulu þær tillögur berast til stjórnar eigi síðar en 10 dögum fyrir ársþing og skal þeirra getið í tilkynningu um ársþing á vef PSÍ eigi síðar en viku fyrir ársþing. Rétt til setu á þinginu eiga allir fullgildir félagsmenn PSÍ skv 9. grein. Hver félagsmaður hefur eitt atkvæði, en getur þó farið með umboð fyrir einn annan félaga. Stjórninni er heimilt að bjóða gestum til þingsins sem áheyrnarfulltrúum.”
  • Lagt er til að síðustu setningu í 8.grein verði breytt í:
    • “Endurskoðun skal lokið 7 dögum fyrir ársþing.” (stytting á fresti úr 10 dögum í 7 daga).
  • Lagt er til að 7.kafli breytist í 6.kafla og 8.kafla í 7.kafla. (leiðrétting á númeraröð kafla sem einhvern tíma hefur riðlast).
  • Lagt er til að síðustu setningu í 7.grein verði breytt í “Til aukaþings skal boða með tveggja vikna fyrirvara.”
  • Lagt er til að liður f) í 2.grein laganna verði felldur út.
    • “Að stuðla að því að áhugamannapóker verði ótvírætt löglegur á Íslandi. Ekki er um að ræða atvinnupóker eða rekstur pókerspilavíta.”

Uppfært 25.jan. 2026 – Helstu niðurstöður ársþings PSÍ 2026:

  • Ný stjórn PSÍ er skipuð eftirfarandi:
    • Einar Þór Einarsson, formaður
    • Jón Ingi Þorvaldsson, gjaldkeri
    • Snorri Már Skúlason, ritari
    • Már Wardum, varamaður
    • Halldór Már Sverrisson, varamaður
  • Mótanefnd skipa:
    • Jón Ingi Þorvaldsson
    • Börkur Darri Hafsteinsson
    • Már Wardum
    • Halldór Már Sverrisson
  • Laga- og leikreglnanefnd skipa:
    • Jón Ingi Þorvaldsson
    • Einar Þór Einarsson
    • Inga Kristín Jónsdóttir
  • Ottó Marwin áfram kjörinn skoðunarmaður reikninga.
  • Ákveðið að halda árgjaldi óbreyttu en leita leiða til að veita afslátt af gjaldi ef greitt er fyrir nokkur ár í senn eða ef greitt er sjálkrafa með mánaðarlegum kreditkortagreiðslum
  • Allar lagabreytingar sem lagðar voru fyrir fundinn voru samþykktar einróma.
  • Drög að mótadagskrá kynnt:
    • Coolbet bikarinn: 1.feb.-22.mars og lokaborð 29.mars
      • 8 mót og 5 bestu gilda til stiga
    • (Íslandsmót U25 – ?. mars)
    • Bræðingur: 10.-12. maí
    • Smábokki: 14.-15. maí
    • Stórbokki: 16.-17. maí
    • ÍM í net-póker: 22. ágúst
    • ÍM í net-PLO: 29. ágúst
    • PLO Íslandsmót: 1. nóv.
    • Íslandsmótið í póker: 6.-8. nóv.
  • Tilboð frá Coolbet til félagsmanna kynt:
    • Allir sem greiða árgjald PSÍ fyrir 2026 fyrir lok febrúar munu fá eftirfarandi pakka frá Coolbet:
      • miða á Höfðingjann (€25-35)
      • miða á Coolbet bikarinn (€50)
Ný stjórn PSÍ, frá vinstri: Jón Ingi Þorvaldsson, gjaldkeri, Halldór Már Sverrisson, varamaður, Einar Þór Einarsson, formaður, Már Wardum, varamaður, Snorri Már Skúlason, ritari.

Hér fyrir neðan má nálgast ársskýrslu PSÍ og ársreikning fyrir árið 2025:

PSÍ – Ársskýrsla 2025Download