Íslandsmótinu í Pot-Limit-Omaha lauk rétt fyrir klukkan ellefu í gærkvöldi með sigri Brynjars Bjarkasonar; sem flestir þekkja eflaust sem “Makkarann”. Í öðru sæti varð Már Wardum og í því þriðja varð Reynir Örn Einarsson. Það hefur löngum verið ljóst að Brynjar sé einn af okkar allra fremstu spilurum og hefur hann m.a. orðið Íslandsmeistari í net-póker tvisvar sinnum og var hann með því fyrstur til að vinna sama titil tvisvar í mótum á vegum PSÍ, og einnig vann hann Coolbet bikarinn þegar hann var haldinn í fyrsta sinn árið 2020. En þetta er í fyrsta sinn sem hann vinnur sigur í live móti á vegum PSÍ.

Mótið hófst klukkan 14:00 og fór fram í salarkynnum Hugaríþróttafélagsins. Þátttakendur voru 19 talsins og keyptu 7 þeirra sig inn aftur en eitt re-entry er leyft í þessu móti. Alls voru því 26 entry í mótið sem er smá fækkun frá því í fyrra en svipað og verið hefur í þessu móti.

Þetta mót hefur á undanförnum árum verið lítillega niðurgreitt af PSÍ og kostnaður mótsins endaði að þessu sinni í 27,5%, m.a. vegna þess að ákveðið var að splæsa í veitingar fyrir þátttakendur og starfsfólk þar sem þetta var síðasti viðburður ársins hjá okkur. Kostnaðarhlutfall var hins vegar fest í 15% og var verðlaunafé því 85% af þátttökugjöldum eða 884.000 og skiptist það á milli 5 efstu með eftirfarandi hætti:

1. Brynjar Bjarkason, 340.000
2. Már Wardum, 225.000
3. Reynir Örn Einarsson, 150.000
4. Þórarinn Kristjánsson Ólafsson, 100.000
5. Hrannar Hallgrimsson, 70.000

Mótsstjóri var Einar Þór Einarsson, undirbúningur og skipulag mótsins var í höndum Jóns Inga Þorvaldssonar, gjaldkera PSÍ, og í störfum gjafara var úrvalslið Omaha gjafara, þau Alexander, Rannveig, Kai og Berglaug..

Við óskum Brynjari til hamingju með sigurinn og öllum verðlaunahöfum einnig til hamingju með árangurinn. Við þökkum Hugaríþróttafélaginu fyrir að útvega okkur þessa frábæru aðstöðu fyrir mótið og Coolbet fyrir vel heppnuð undanmót og öllum sem komu að skipulagi og framkvæmd mótsins fyrir vel unnin störf!

Þetta var sem fyrr segir síðasti viðburður ársins á vegum PSÍ og við þökkum félagsmönnum fyrir góða þátttöku í mótum ársins og sjáumst eldhress á nýju ári!

Íslandsmótinu í póker lauk kl. 17:25 í gær með með sigri Sigurðar Þorgeirssonar eftir mjög stutta heads-up viðureign við Daníel Má Pálsson sem stóð aðeins yfir í 3 hendur. Í þriðja sæti varð Jónas Nordquist. Daníel kom inn á dag 3 með stærsta stakkinn en átti í vök að verjast allan daginn og var kominn niður í 6BB þegar hann og Sigurður, sem þá var með 170BB, enduðu heads-up. Þetta er líklega eitt stysta lokaborð í sögu þessa móts en það stóð aðeins yfir í rétt rúmar 4 klst.

Heildarfjöldi þátttakenda var 106 og tók 51 þátt í degi 1a og 55 á degi 1b og komust samtals 49 þeirra á dag 2. Á degi 2 var leikið frá kl. 14:00 og rétt fram yfir miðnættið en þá stóðu 9 eftir sem mynduðu lokaborðið.

Magnús Valur Böðvarsson mætti á staðinn á degi 3 og var með beina textalýsingu frá lokaborðinu sem finna má hér.

Heildarverðlaunafé var 7.150.000 og skiptist það á milli 15 efstu sæta. Kostnaðarhlutfall mótsins var 15,7%.

Eftirfarandi skiptu með sér verðlaunafénu og Garðar Geir sem endaði í 16. sæti (búbblusætinu) fékk í sárabætur miða á ÍM 2026:

Mótsstjórar voru þeir Jón Ingi Þorvaldsson, sem einnig sá um skipulag og undirbúning mótsins, Már Wardum og Einar Þór Einarsson. Í störfum gjafara voru Alexander, Rannveig, Berglaug, Erika, Bjarni Veigar, Bart, Kamila, Maryna, Dísa Lea og Kristjana Rós. Við kunnum þeim öllum bestu þakkir fyrir frábær störf.

Samhliða lokaborðinu var leikið 30K re-entry hliðarmót þar sem 25 tóku þátt og voru entry í mótið samtals 34. Verðlaunafé endaði í 860.000 sem skiptist á milli 5 efstu sæta. Það var Ívar Örn Böðvarsson sem bar sigur úr býtum í því móti og hlýtur að launum 330.000.

Við þökkum Hugaríþróttafélaginu kærlega fyrir þá frábæru aðstöðu sem félagið veitti okkur til að halda mótið og auk þess fyrir frábæra undanmótaröð í allt haust en alls komu 60 miðar út úr undanmótum í þetta sinn, þar af 39 úr mótum á vegum Hugaríþróttafélagsins. Einnig kom 21 miði út úr undanmótum á Coolbet sem hefur eins og fyrri ár reynst okkur ómetanlegur bakhjarl og kunnum við þeim bestu þakkir fyrir frábært samstarf.

Að lokum minnum við á að mótadagskránni er ekki alveg lokið enn. Íslandsmótin í PLO er eftir en það fer fram nk. laugardag, 15.nóvember kl. 14:00 í sal Hugaríþróttafélagsins.

Við óskum Sigurði til hamingju með titilinn og öðrum verðlaunahöfum helgarinnar til hamingju með árangurinn, þökkum félagsmönnum fyrir góða þátttöku og hlökkum til að sjá ykkur á næsta móti!

Leik á degi 2 lauk núna fimm mínútur yfir miðnætti og stóðu þá 9 þátttakendur eftir sem hefja leik á degi 3 þar sem leikið verður til þrautar.

Eftirtaldir skipa lokaborðið á ÍM í póker 2025:

1. Daníel Már Pálsson, 1.223.000
2. Jónas Nordquist, 937.000
3. Egill Þorsteinsson, 820.000
4. Örn Árnason, 686.000
5. Sigurður Þorgeirsson, 619.000
6. Þórarinn Kristjánsson Ólafsson, 388.000
7. Hjalti Már Þórisson, 371.000
8. Hafþór Sigmundsson, 158.000
9. Óskar Örn Eyþórsson, 134.000

Leikur hefst að nýju á degi 3 kl. 13:00 á sunnudeginum 9.nóv. og verður þá haldið áfram þar sem frá var horfið á leveli 18 þar sem 8 mínútur voru eftir og blindar eru 6k/12k/12k. Næst level er síðan 8k/16k/16k.

Sætaskipan á lokaborðinu er eftirfarandi:

Samhliða degi 2 á ÍM fór einnig fram mjög líflegt hliðarmót með 20k þátttökugjaldi og ótakmörkuðu re-entry. Þar tóku 43 þátt og voru endurkaup 45 talsins og endaði verðlaunafé í 1.500.000 sem skiptist á milli 9 efstu.

Það var Logi Laxdal sem bar sigur úr býtum eftir heads-up viðureign við Seweryn Brzozowski. Verðlaunaféð skiptist með eftirfarandi hætti á milli þeirra sem komust á lokaborðið:

1. Logi Laxdal, 420.000
2. Seweryn Brzozowski, 315.000
3. Steinar Edduson, 210.000
4. Ingi Þór Einarsson, 160.000
5. Jón Óskar Agnarsson, 120.000
6. Grétar Már Steindórsson, 90.000
7. Baldvin Borgarsson, 75.000
8. Tomasz Janusz Mroz, 60.000
9. Trausti Pálsson, 55.000

Við hófum Íslandsmótsvikuna með látum á miðvikudag með Super Bounty móti með glæsilegum aukavinningum. 50 mættu til leiks og voru endurkaup 25 talsins og endaði verðlaunapotturin í 1.050.000 og einnig var 20K bounty á hverjum leikmanni þannig að bounty potturinn var í heild 1.500.000. 9 veglegir aukavinningar voru einnig í pottinum, €1600 pakki á The Festival eða Coolbet Open í boði Coolbet, miði á ÍM í póker 2025 í boði PSÍ og samtals €2400 í tournament money á Coolbet sem skiptist í 7 vinninga. Allir sem komust á lokaborðið fengu síðan að velja einn af þessum 9 aukavinningum.

Það var Sigurður Brynjólfsson sem endaði í 1.sæti og rakaði að auki til sín 15 bountyum, en hann vann einnig Mystery Bounty mótið sem við héldum í tengslum við Midnight Sun Poker í júní sl. Í öðru sæti var Halldór Bjarkarson og í því þriðja Laurynas Kiela. Þessir 9 komust á lokaborðið og skiptu með sér verðlaunapottinum:

1. Sigurður Brynjólfsson, 300.000 + 15 bounty + €500 TM á Coolbet
2. Halldór Bjarkarson, 225.000 + 6 bounty + €300 TM á Coolbet
3. Laurynas Kiela, 150.000 + miði á ÍM í póker 2025 á Coolbet
4. Örn Árnason, 15.000 + 3 bounty + €500 TM á Coolbet
5. Júlíus Símon Pálsson, 85.000 + 4 bounty + €400 TM á Coolbet
6. Matte Bjarni Karjalainen, 65.000 + 6 bounty + €400 TM á Coolbet
7. Halldór Már Sverrisson, 55.000 + 3 bounty + €1600 pakki frá Coolbet
8. Marcus Schrøder, 45.000 + 1 bounty + €200 TM á Coolbet
9. Finnur Hrafnsson, 40.000 + 5 bounty + €100 TM á Coolbet

Mótsstjórar Már Wardum, formaður PSÍ og Sigurður Dan Heimisson. Jón Ingi Þorvaldsson, gjaldkeri PSÍ sá um undirbúning og skipulag mótsins.

Við óskum öllum verðlaunahöfum til hamingju með árangurinn og þökkum félagsmönnum góða þátttöku og Hugaríþróttafélaginu fyrir frábæra aðstöðu sem endranær.