Smábokki 2021

Þá gerum við lokatilraun til þess að halda Smábokka þetta árið! Mótið verður haldið dagana 10.-12. júní nk. og verður dagur 1 að venju leikinn í tvennu lagi, dagur 1a á fimmtudegi og dagur 1b á föstudegi.

Þetta mót er af mörgum talið eitt skemmtilegasta mótið á dagskrá PSÍ enda er mótið eins konar mini útgáfa af Íslandsmótinu og á verði við flestra hæfi.

Þátttökugjald er kr. 25.000 og skráning er þegar hafin á vef PSÍ. (Ath. Þátttökugjaldið hækkar í 28.000 kl. 12:00 á hádegi á degi 1a og 1b).

Mótið hefst kl. 19:00 á fimmtudegi og föstudegi, skráningarfrestur rennur út kl. 23:30 á degi 1a og 1b og er leikið til miðnættis hvorn daginn. Dagur 2 hefst kl. 13:00 og verður boðið upp á 10k re-entry hliðarmót kl. 14:00.

Undanfarin ár hefur verið boðið upp á eitt re-entry á milli daga og verður nú gerð sú breyting að hægt verði að nýta re-entry hvort heldur sem er innan dags eða yfir á næsta dag. Í lok dags 1a er boðið upp á að gefa eftir stakk (forfeit) og hefja leik 1b að nýju.

Skráið ykkur á FB eventið til að fylgjast nánar með upplýsingum um undanmót og fleira í tengslum við Smábokka 2021!

Dagskrá og strúktúr mótsins má finna hér.

Bræðingur 2021

Bræðingur mun fara fram í annað sinn fimmtudaginn 3. júní en þetta mót var haldið í fyrsta sinn í fyrra í tilraunaskyni og gekk vonum framar. Í þessu móti bræðum við saman net-póker og live póker með tveggja daga móti sem hefst á Coolbet og lýkur svo með 9 manna live lokaborði með gjafara laugardaginn 5. júní kl. 14:00 hjá Hugaríþróttafélaginu, Síðumúla 37.

Þeir sem komast á lokaborðið taka með sér stakkinn sem þeir enduðu dag 1 með á netinu (eða hlutfallslega jafn stóra stakka ef aðlaga þarf stærðir) og leika þar til þrautar augliti til auglitis.

Þátttökugjald er €50 og boðið verður upp á ótakmarkað re-entry fyrstu 10 levelin.

Ekki er tryggt verðlaunafé í mótinu en PSÍ mun láta þátttökugjöld sem greidd eru til Coolbet renna óskipt í verðlaunafé, þ.e.a.s. ekkert er tekið af verðlaunafé fyrir kostnaði við að halda mótið, en aðild að PSÍ er skilyrði fyrir þátttöku í mótinu. Ganga verður frá aðild að PSÍ í síðasta lagi kl. 16:00 fimmtudaginn 3. júní. Hægt er að ganga frá aðild að PSÍ fyrir 2021 með nokkrum músarsmellum á þessari síðu hér.

Úrslit á Quarantine Cup 2021

Net-póker hátíðinni Quarantine Cup 2021, sem haldin var í samstarfi við Coolbet, lauk í gærkvöldi með lokamótinu, QC Main Event. Haldin voru 15 mót sem töldu til stiga í stigakeppni á rúmlega þriggja vikna tímabili og tóku alls 63 þátt í einhverjum mótanna.

Það var enginn annar en formaður PSÍ, Már Wardum (DFRNT), sem landaði sigri í lokamótinu og skaust með því í efsta sæti í stigakeppninni einnig, en fram af því hafði Sævar Ingi Sævarsson (SINGIS) verið með umtalsverða forystu eftir að hafa náð efsta sæti í fjórum mótum af 15.

Coolbet lagði af mörkum aukaverðlaun fyrir 5 efstu í stigakeppninni, miða á Coolbet Open Online sem er að hefjast í dag.

Röð efstu 5 í stigakeppninni var þessi:

  1. Már Wardum (DFRNT) – €300 miðar á Coolbet Open Online
  2. Sævar Ingi Sævarsson (SINGIS) – €100 miði á CBOO
  3. Kristján Bragi Valsson (kiddi333) – €50 miði á CBOO
  4. Daníel Pétur Axelsson (Danzel79) – €20 miði á CBOO
  5. Atli Rúnar Þorsteinsson (Atli951) – €20 miði á CBOO

Við þökkum öllum sem tóku þátt í mótunum fyrir þeirra framlag að gera þetta að jafn skemmtilegum viðburði og raun bar vitni. Coolbet þökkum við kærlega fyrir frábært og hnökralaust samstarf eins og venjulega. Og svo óskum við Má Wardum til hamingju með glæsilegan árangur!!

Úrstlitin í stigakeppninni má áfram nálgast á þessari síðu hér.

Már Wardum einbeittur á svip á Íslandsmótinu í póker í mars 2021

Quarantine Cup 2021 hefst 31. mars!

(Scroll down for an English version below….)

Í ljósi aðstæðna frestast allt mótahald í raunheimum næstu vikurnar. Smábokki, sem átti að fara fram 8.-10. apríl frestast um óákveðinn tíma og verður haldinn við fyrsta tækifæri. Bikarmót PSÍ sem var inni í drögum að mótadagskrá 2021 verður felld niður þetta árið og við gerum aðra tilraun með slíka mótaröð á næsta ári.

En í millitíðinni blásum við til net-póker veislu í samstarfi við Coolbet! Quarantine Cup 2021 hefst miðvikudaginn 31. mars og er búið að stilla upp rúmlega 3ja vikna þéttri dagskrá og glæsilegum aukavinningum í boði Coolbet!

Öll mótin verða opin fyrir alla með búsetu á Íslandi að einu móti undanskildu en lokamótið, Quarantine Cup Main Event, verður að þessu sinni exclusive fyrir meðlimi PSÍ. Meðlimir PSÍ munu einnig safna stigum í öllum aðalmótunum á dagskránni og Coolbet gefur sérstaka aukavinninga fyrir efstu sætin í stigatöflunni að mótaröðinni lokinni en það verða miðar á Coolbet Open Online sem fram fer í maí 2021.

Við minnum á sérstakt tilboð til félagsmanna PSÍ í ár en Coolbet gefur öllum sem ganga frá árgjaldi PSÍ fyrir lok apríl 2021 upp á €40 pakka sem jafngildir árgjaldinu, og rúmlega það. Smellið hér til að ganga frá árgjaldinu fyrir 2021!

Smellið hér til að sjá dagskrá mótanna á Quarantine Cup 2021! Verið með frá upphafi og safnið stigum til að krækja í aukaverðlaunin… já og líka bara til að geta montað ykkur af því að vera efst á stigatöflunni! 😉


Due to the current circumstances all live poker tournaments have to be postponed. Smábokki, which was scheduled 8-10 April will be held as early as possible but the tournament series Bikarmót PSÍ 2021 will be suspended this year.

In the meantime we announce an exciting online poker festival in collaboration with Coolbet, Quarantine Cup 2021, which will commence on Wendesday 31 March! 3 weeks of online poker extravaganza with fabulous extra prizes offered by Coolbet!

All tournaments on the schedule will be open to all Icelandic residents, but the final tournament, Quarantine Cup Main Event, will be exclusive to PSÍ members. The leaderboard will also be exclusive to PSÍ members where you can collect points from each of the main tournaments with a chance to win one of the extra prizes offered by Coolbet, tickets to Coolbet Open Online, which will take place in May 2021.

We would like to remind you of the special offer for PSÍ members this year. All those who settle the membership fee before the end of April will receive a special €40 package which practically equates the price of the annual membership. Click here to get the 2021 membership out of the way!

Click here for the Quarantine Cup 2021 tournament schedule! Take part from the start and collect points to win one of the extra prizes… and of course the priceless bragging rights that come with being on the top of the leaderboard! 😉

Smábokki 2021

Uppfært 29.03.2021: Smábokka 2021 verður frestað um óákveðinn tíma vegna samkomutakmarkana. Mótið verður haldið við fyrsta tækifæri!

Öll undanmót falla jafnframt niður þar til ný dagsetning hefur verið ákveðin.

————————————————————————————————————

Fyrsta mótið á 2021 dagskránni verður Smábokki! Mótið verður haldið dagana 8.-10. apríl nk. og verður dagur 1 að venju leikinn í tvennu lagi, dagur 1a á fimmtudegi og dagur 1b á föstudegi.

Þetta mót er af mörgum talið eitt skemmtilegasta mótið á dagskrá PSÍ enda er mótið eins konar mini útgáfa af Íslandsmótinu og á verði við flestra hæfi.

Þátttökugjald er kr. 25.000 og skráning er þegar hafin á vef PSÍ. (Ath. Þátttökugjaldið hækkar í 28.000 kl. 12:00 á hádegi á degi 1a og 1b).

Mótið hefst kl. 19:00 á fimmtudegi og föstudegi, skráningarfrestur rennur út kl. 23:30 á degi 1a og 1b og er leikið til miðnættis hvorn daginn. Dagur 2 hefst kl. 13:00 og verður boðið upp á 10k re-entry hliðarmót kl. 14:00.

Undanfarin ár hefur verið boðið upp á eitt re-entry á milli daga og verður nú gerð sú breyting að hægt verði að nýta re-entry hvort heldur sem er innan dags eða yfir á næsta dag. Í lok dags 1a er boðið upp á að gefa eftir stakk (forfeit) og hefja leik 1b að nýju.

Hægt verður að krækja í miða frá aðeins €10 á undanmótum sem Coolbet en það verður þétt dagskrá undanmóta hjá Coolbet fram að mótinu:

  • Sunnudag 21. mars kl. 20:00
  • Sunnudag 28. mars kl. 20:00
  • Fimmtudag 1. apríl kl. 20:00 (Skírdag)
  • Föstudag 2. apríl kl. 20:00 (Föstudaginn langa)
  • Laugardag 3. apríl kl. 20:00
  • Sunnudag 4. apríl kl. 20:00 (Páskadag)
  • Mánudag 5. apríl kl. 20:00 (Annan í páskum)

Einnig verða undanmót í raunheimum sem tilkynnt verður um síðar.

Skráið ykkur á FB eventið til að fylgjast nánar með upplýsingum um undanmót og fleira í tengslum við Smábokka 2021!

Dagskrá og strúktúr mótsins má finna hér.

Logi Laxdal er Íslandsmeistari í póker 2020

Síðbúnu Íslandsmóti fyrir mótatímabilið 2020 lauk kl. 20:15 á sunnudagskvöld og var það Logi Laxdal sem stóð uppi sem sigurvegari og er Íslandsmeistari í póker 2020. Lokaborðið hófst kl. 13:00 og hafði því staðið í u.þ.b. 7 klst. þegar yfir lauk og mótið í heild hafði á þeim tíma tekið rúmar 25 klst. frá upphafi en mótið hófst miðvikudaginn 3.mars. Logi kom inn í mótið eins seint og hægt var eða í upphafi dags 2 og hafði ákveðið á síðustu stundu að taka þátt. Það borgaði sig sannarlega, enda hlýtur Logi að launum 1,4mkr í verðlaunafé. Logi er gamalreyndur póker-spilari og var það reyndar mál manna að þetta hafi verið eitthvert mesta þungavigtar lokaborð í sögu Íslandsmóta hvað varðar aldur og reynslu leikmanna. Logi hefur náð góðum árangri á ýmsum mótum í gegnum tíðina og vann m.a. fyrsta Smábokkann, sem haldinn var árið 2017.

Gunnar Árnason varð í öðru sæti en hann hafði viku áður unnið til verðlauna á Íslandsmótinu í Pot-Limit-Omaha og varð einnig Íslandsmeistari í PLO árið 2019. Í þriðja sæti varð síðan Halldór Már Sverrisson og er þetta í þriðja sinn sem hann kemst á lokaborð, þar af annað árið í röð.

Heildarfjöldi þátttakenda á mótinu var 96 og var verðlaunafé 6.170.000 sem skiptist á milli 15 efstu manna sem hér segir:

  1. Logi Laxdal – 1.400.000
  2. Gunnar Árnason – 1.000.000
  3. Halldór Már Sverrisson – 750.000
  4. Wilhelm Nordfjord – 600.000
  5. Jónas Nordquist – 480.000
  6. Vignir Már Runólfsson – 400.000
  7. Óskar Þór Jónsson – 320.000
  8. Andrés Vilhjálmsson – 250.000
  9. Sævaldur Harðarson – 190.000
  10. Egill Þorsteinsson – 145.000
  11. Ingó Lekve – 145.000
  12. Davíð Rúnarsson – 130.000
  13. Júlíus Pálsson – 130.000
  14. Inga Guðbjartsdóttir (Poko) – 115.000
  15. Jónas Tryggvi Stefánsson – 115.000

Það var síðan Davíð Ómar Sigurbergsson sem vermdi búbblusætið og hlýtur að launum miða á næsta Íslandsmót, sem ráðgert er í byrjun nóvember 2021.

Framkvæmd mótsins tókst einkar vel og var umgjörð mótsins öll hin glæsilegasta. Mótið var haldið í samstarfi við Póker Express sem lét PSÍ í té húsnæði sitt að Nýbýlavegi 8 og eiga þeir bestu þakkir skildar fyrir. Aftur var tekinn upp sá siður að hafa textalýsingu frá mótinu en Magnús Valur Böðvarsson leysti það af sinni alkunnu snilld á degi 2. Einnig var glæsileg sjónvarpsútsending frá lokaborði mótsins í umsjá GoLine Productions og segja má að með þessari útsendingu sé brotið blað í sögu Íslandsmóta í póker enda hefur lokaborði ekki verið jafn góð skil áður. Upptakan af lokaborðinu er aðgengileg á Youtube á þessari slóð hér. Við viljum að venju þakka Hugaríþróttafélaginu og Póker Express fyrir góða röð undanmóta og Coolbet fyrir öll sín net-undanmót! Og að lokum fá Dominos Pizza bestu þakkir fyrir að fóðra starfsfólk mótsins alla helgina!

Þetta er í fyrsta sinn, svo vitað sé, að fyrsti dagur Íslandsmótsins sé leikinn í tvennu lagi, en fyrst í stað stóð til að halda hann í þrennu lagi vegna samkomutakmarkana. Þegar þær voru rýmkaðar í byrjun febrúar var unnt að fækka keppnisdögunum niður í tvo. Þetta fyrirkomulag reyndist einkar vel og þótt að það reyndi meira á skipulag og undirbúning þá var framkvæmd mótsins viðráðanlegri fyrir vikið. Árið 2019 kom upp sú óheppilega staða að ekki var nægt framboð af gjöfurum til að starfa við mótið og segja má að það sé í raun orðið óhjákvæmilegt að skipta degi 1 upp í tvennt ef það á að tryggja að gjafarar séu tiltækir á öll borð.

Samhliða lokaborðinu var einnig haldið hliðarmót með 20k þátttökugjaldi og var það Þór Þormar sem stóð upp sem sigurvegari þar.

Mótsstjóri var Jón Ingi Þorvaldsson og ritari mótsins og meðdómari var Viktor Lekve.

Við óskum Loga Laxdal til hamingju með Íslandsmeistaratitilinn og öðrum verðlaunahöfum til hamingju með glæsilegan árangur! Við þökkum Poker Express fyrir frábært samstarf í undirbúningi og framkvæmd mótsins og Dominos fyrir að fóðra starfsfólk mótsins alla helgina!

Nú kveðjum við loks mótaárið 2020 með kurt og pí og hefjum nýtt mótatímabil að viku liðinni.

Nánari upplýsingar um Íslandsmótið í póker 2020

Nú er bara eitt mót eftir á mótadagskránni fyrir 2020 áður en við getum formlega hafið nýtt mótaár og það er stærsti viðburður ársins, Íslandsmótið í póker 2020.

Mótið verður haldið í sal Póker Express, Nýbýlavegi 8, 2. hæð, Kópavogi og hefst miðvikudaginn 3. mars kl. 17:00 og lýkur sunnudaginn 7. mars með lokaborði og 20k hliðarmóti.

Þátttökugjald er kr. 75.000 ef greitt er fyrir hádegi þriðjudaginn 2. mars og hækkar þá í kr. 80.000. Skráningarfrestur rennur út í upphafi á leveli 9. Greiðsla árgjalds PSÍ fyrir 2020 er skilyrði fyrir þátttöku.

Skráning og greiðsla þátttökugjalda fer eingöngu fram hér á vef PSÍ.

Dagskráin verður sem hér segir mótsdagana:

  • Miðvikudagur 3. mars kl. 17:00 – Dagur 1a
  • Föstudagur 5. mars kl. 17:00 – Dagur 1c
  • Laugardagur 6. mars kl. 12:00 – Dagur 2
  • Sunnudagur 7. mars kl. 13:00 – Dagur 3, lokaborð
  • Sunnudagur 7. mars kl. 14:00 – 20k re-entry hliðarmót

Sjá nánari upplýsingar um dagskrá og strúktúr hér: https://cutt.ly/GkTXhXo

Hliðarmótið verður með 30mín levelum og sama strúktúr og Íslandsmótið, með 20k stakk og ótakmarkað re-entry.

Við hvetjum alla til að skrá sig á þetta facebook event hér: https://www.facebook.com/events/168267471726139

Eins og fram hefur komið var ákveðið að fella dag 1b niður og rýmka fjöldatakmarkanir á dögum 1a og 1c úr 40 í 64. Skráningar umfram 64 hvorn dag fara á biðlista og komast leikmenn þá að um leið og sæti losna.

Sóttvarnarreglur þær er PSÍ hefur kynnt hér verða í gildi og við viljum biðja alla um að virða sérstaklega eftirfarandi reglur:

  • Keppendur og starfsfólk skulu bera viðurkenndar andlitsgrímur inni á mótsstað.
  • Ekki er grímuskylda fyrir leikmenn og gjafara þegar setið er við keppnisborð á meðan á leik stendur.
  • Keppendur skulu sótthreinsa hendur í hvert sinn sem sest er til keppnisborðs og í hvert sinn sem staðið er upp frá borði.
  • Keppendur og starfsfólk skulu varast alla snertingu við aðra einstaklinga á mótsstað Keppendur skulu einnig varast alla snertingu við andlit á meðan á leik
    stendur.
  • Öll neysla matvæla er óheimil við keppnisborðin. Neysla áfengis er ekki heimil inni á keppnissvæðinu.

Og svo er vert að minna á farsímareglurnar:

  • Hafið ávallt slökkt á hringitónum í símum á mótsstað.
  • Notkun farsíma er heimil á meðan leikmaður er ekki með lifandi hendi fyrir framan sig.
  • Ef sími er notaður á meðan leikmaður er í hendi er gefin ein aðvörun, eftir það mun gjafari drepa hendi leikmanns.
  • Sími má ekki liggja inni á keppnisborði.
  • Ekki má tala í síma við keppnisborð. Leikmenn eru beðnir um að yfirgefa mótssalinn til þess að tala í síma.

Allir sem skráðir eru til leiks í gegnum undanmót munu fá tölvupóst til staðfestingar á því að morgni þriðjudags 2. mars.

Mótið er leikið skv. reglum TDA og reglugerð PSÍ um mótahald.

Stakkur fer ekki inn á borð fyrr en keppandi mætir til leiks, eða þegar skráningarfrestur rennur út.

Samningar um verðlaunafé eru ekki leyfðir á Íslandsmótum og mótið skal leikið til enda til að skera úr um sigurvegara.

Skráið ykkur tímanlega þar sem gera getur þurft eitthvað af tilfærslum á leikmönnum á milli daga.

Vinsamlegast hafið skilríki meðferðis þegar þið komið á mótsstað.

Við óskum öllum þátttakendum góðs gengis!

Egill vinnur PLO titilinn 2020

Síðbúið Íslandsmót í Pot-Limit-Omaha póker fyrir mótaárið 2020 var haldið í gær í sal Poker Express í Kópavogi. Alls tóku 20 manns þátt í mótinu og voru að auki 9 re-entry í mótið og er það 38% fjölgun frá fyrra ári.

Það var Egill Þorsteinsson sem stóð uppi sem sigurvegari eftir að hafa lagt Einar Eiríksson að velli heads-up. Egill skipar sér óneitanlega í flokk eins af okkar sterkustu spilurum með þessum árangri en hann varð m.a. í öðru sæti á Íslandsmótinu í póker (NLH) 2019 auk þess að hafa náð góðum árangri á fleiri mótum. Þess má til gamans geta að Einar Eiríksson ákvað að taka þátt á síðustu stundu og keypti sig inn þegar aðeins nokkrar sekúndur voru eftir af skráningarfrestinum.

Mótsstjóri var Einar Þór Einarsson og gjafarar voru Sigurlín (Silla) Gústafsdóttir, Alexander Sveinbjörnsson og Kristján Valsson.

Verðlaunafé á mótinu var alls 1.015.000 og var kostnaðarhlutfall 12,5%. Verðlaunaféð skiptist á milli 5 efstu spilara með eftirfarandi hætti:

  1. Egill Þorsteinsson, 355.000
  2. Einar Eiríksson, 264.000
  3. Sævar Ingi Sævarsson, 183.000
  4. Gunnar Árnason, 122.000
  5. Halldór Már Sverrisson, 91.000

Við óskum Agli til hamingju með titilinn og þökkum öllum þátttakendum fyrir gott mót og starfsólki mótsins fyrir vel unnin störf!

Daníel Pétur Axelsson tvöfaldur Íslandsmeistari í net-póker!!

Íslandsmótið í net-PLO var haldið í fyrsta sinn í nokkur ár og lauk því rétt í þessu eftir tæplega fjögurra klukkustunda leik. Þátttakendur voru 21 talsins og keyptu sig samtals 37 sinnum inn í mótið en boðið var upp á tvö re-entry. Prizepool fór í €2590 og skiptist á milli þeirra 6 efstu sem komust á lokaborð.

Það var enginn annar en Daníel Pétur Axelsson sem vann sigur í mótinu og er því tvöfaldur Íslandsmeistari í net-póker þetta árið!

Þeir sem komust á lokaborð og skiptu með sér verðlaunafénu voru:

  1. Daníel Pétur Axelsson, €958
  2. Haukur Már Böðvarsson, €648
  3. Hafþór Sigmundsson, €389
  4. Kristján Valsson, €259
  5. Þorgeir Karlsson, €194
  6. Þórarinn Kristjánsson, €142

Við óskum Danna til hamingju með þennan magnaða árangur og þökkum öllum þátttakendum fyrir gott mót og COOLBET fyrir frábært samstarf við framkvæmd mótsins!

Daníel Pétur Axelsson er Íslandsmeistari í net-póker 2020!

Íslandsmótinu í net-póker (NLH) var að ljúka kl. 23:40 og það var Daníel Pétur Axelsson sem stóð uppi sem sigurvegari og hlaut að launum €2330 eftir tæplega 6 klst. leik. Í öðru sæti varð Piotr Wojciechowski með €1529 og í því þriðja Atli Þrastarson með €1092. Heildarverðlaunafé var €7280 og skiptist það á milli 8 efstu sem komust á lokaborð.

Þátttakendur voru 52 talsins og er það smá fjölgun frá fyrra ári þegar 48 tók þátt, þrátt fyrir að sú breyting hafi nú verið gerð að í fyrsta sinn var aðild að PSÍ skilyrði fyrir þátttöku og þátttökugjald hækkað verulega, úr €88 í €150. Á meðal þátttakenda voru 19 sem ekki höfðu tekið þátt í mótum á vegum PSÍ áður og við bjóðum þessa nýju félagsmenn velkomna í hópinn.

Þeir sem komust á lokaborð og skiptu með sér verðlaunafénu voru:

  1. Daníel Pétur Axelsson – €2330
  2. Piotr Wojciechowski – €1529
  3. Atli Þrastarson – €1092
  4. Alexandru Florea – €735
  5. Einar Eiríksson – €553
  6. Eysteinn Einarsson – €408
  7. Halldór Már Sverrisson – €335
  8. Einar Blandon – €298

Við óskum Danzel til hamingju með titilinn og þökkum öllum þátttakendum fyrir gott mót og COOLBET fyrir frábært samstarf við framkvæmd mótsins!

Daníel sigurreifur eftir sigur í hliðarmóti á GUKPT í London 2017
Lokaborð á ÍM í net-póker 2020