Viskýmeistarinn fer með sigur af hólmi

Lokaborðið í Coolbet bikarnum fór fram í gær en þar öttu 9 stigahæstu keppendur kappi um stórglæsilega aukavinninga frá Coolbet upp á samtals 850.000 ISK. Það var Atli Þrastarson (WiskyMaster) sem bar sigur af hólmi og fær ásamt Sævari Inga og Gunnari Árnasyni €1300 pakka fyrir hóteli og miða á Coolbet Open Main Event, sem fram fer í Talinn í Eistlandi 23.-29.maí nk.

Allir sem komust á lokaborðið voru leystir út með glæsilegum vinningum en næstu þrír hljóta miða á Coolbet Open Main Event og þrír neðstu fá €130 miða á undanmót fyrir Coolbet Open. Atli fær að auki verðlaunagrip fyrir sigur í mótaröðinni og verður hann afhentur við fyrsta tækifæri.

Röðin á 9 efstu endaði svona:

  1. Atli Þrastarson (WhiskyMaster)
  2. Sævar Ingi Sævarsson (SINGIS)
  3. Gunnar Árnason (OtherFkr)
  4. Magnús Valur Böðvarsson (MagnusValue)
  5. Inga Kristín Jónsdóttir (pingz)
  6. Þórarinn Kristjánsson (Gollipolli)
  7. Andrés Vilhjálmsson (Nurdieh)
  8. Már Wardum (DFRNT)
  9. Kristján Óli Sigurðsson (Hofdinginn2021)

Við óskum öllum verðlaunahöfum til hamingju með glæsilegan árangur og Atla til hamingju með titilinn Coolbet bikarmeistarinn 2022!

Að lokum þökkum við COOLBET fyrir ómetanlegt samstarf og rausnarlega vinninga og hlökkum til að heimsækja þá í Tallinn í lok maí.

Nánari upplýsingar um mótaröðina og vinninga má finna hér.

Stigakeppni lokið í Coolbet bikarnum

Lokaumferð í stigakeppni Coolbet bikarsins fór fram í gær og liggur nú fyrir hvaða 9 leikmenn muni etja kappi um 9 aukavinninga í boði Coolbet að verðmæti 850.000 ISK!

Þeir sem komast á lokaborðið eru:

  1. Sævar Ingi Sævarsson (SINGIS)
  2. Inga Kristín Jónsdóttir (pingz)
  3. Þórarinn Kristjánsson (Gollipolli)
  4. Gunnar Árnason (OtherFkr)
  5. Kristján Óli Sigurðsson (Hofdinginn2021)
  6. Magnús Valur Böðvarsson (MagnusValue)
  7. Andrés Vilhjálmsson (Nurdieh)
  8. Már Wardum (DFRNT)
  9. Atli Þrastarson (WhiskyMaster)

Lokaborðið hefst kl. 20:00, sunnudaginn 3.apríl og hvetjum við félagsmenn til að fylgjast með gangi leiksins á Coolbet.com.

Við óskum 9 efstu til hamingju með glæsilegan árangur og óskum þeim góðs gengis á lokaborðinu.

Nánari upplýsingar um mótaröðina og vinninga má finna hér.

Coolbet bikarinn hefst 6.febrúar!

Mótaröðin Coolbet bikarinn hefst 6. febrúar kl. 20:00 og Coolbet gerir enn betur við félagsmenn PSÍ en nokkru sinni fyrr!

Að þessu sinni verða 9 verðlaunasæti á lokaborðinu sem fram fer 3. apríl 2022:

  1. sæti: Miði á Coolbet Open Main Event + Hótel gisting að verðmæti €1300
  2. sæti: Miði á Coolbet Open Main Event + Hótel gisting að verðmæti €1300
  3. sæti: Miði á Coolbet Open Main Event + Hótel gisting að verðmæti €1300
  4. sæti: Miði á Coolbet Open Main Event að verðmæti €550
  5. sæti: Miði á Coolbet Open Main Event að verðmæti €550
  6. sæti: Miði á Coolbet Open Main Event að verðmæti €550
  7. sæti: Miði á Coolbet Open satellite að værðmæti €130
  8. sæti: Miði á Coolbet Open satellite að værðmæti €130
  9. sæti: Miði á Coolbet Open satellite að værðmæti €130

Semsagt, added value upp á samtals €5940 eða 850.000 ISK!!!

Dagskrá mótanna má finna hér á vef PSÍ.

Coolbet býður nú einnig öllum félgasmönnum sem ganga frá árgjaldinu á næstu vikum sérstakan bónuspakka sem felur í sér tvo €20 miða á mótaröð Höfðingjans sem hefst á sama tíma og Coolbet bikarinn!!

Gangið frá árgjaldinu fyrir hádegi á sunnudag og verða miðarnir þá lagðir inn á reikninginn ykkar áður en mótin hefjast á sunnudagskvöld kl. 20:00.

Ársþing PSÍ 2022

Ársþing Pókersambands Íslands 2022 verður haldið sunnudaginn 16. janúar kl. 16:00.

Dagskrá verður skv. 6. grein laga sambandsins sem finna má hér á vef PSÍ.

Við hvetjum alla sem vilja fylgjast með starfsemi og stöðu PSÍ og leggja eitthvað til málanna um starfsemi næstu missera, til að mæta, hvort sem þið hafið í huga að bjóða ykkur fram til starfa á vegum sambandsins eða ekki.

Uppfærsla 15. janúar:

Í ljósi aðstæðna verður ársþingið í formi net-fundar að þessu sinni og geta allir félagsmenn sótt þingið með því að smella hér.

https://us02web.zoom.us/j/84971012802?pwd=UTJWQjZFYXpxRDBLYmd5MiszdXJvQT09

Meeting ID: 849 7101 2802

Passcode: 174438

Landsliðið hefur tryggt sér sæti á HM 2021!

Landslið Íslands í póker sem valið var í fyrsta sinn í maí sl. tók þátt í sínu fyrsta alþjóðlega móti í gær, laugardaginn 19.júní. Um var að ræða undankeppni fyrir IFMP Nations Cup sem er heimsmeistaramót match-poker, eða “keppnis póker” en ráðgert er að það muni fara fram í lok nóvember 2021.  Match poker er sérstakt afbrigði af póker sem þróað hefur verið af International Federation of Match Poker (IFMP) og byggir á svipaðri hugmyndafræði og keppni í bridge þar sem öll lið spila sömu hendur úr sömu stöðu og árangur liða byggir því ekki á heppni heldur eingöngu frammistöðu liðsins.  

Í undankeppninni fyrir HM keppa 6 manna lið í 6 liða riðlum og eru spilaðar fjórar u.þ.b. klukkutíma umferðir og fer sigurliðið í hverjum riðli beint í úrslitakeppnina sem fram fer í nóvember.  Hin 5 liðin eru síðan dregin í umspilsriðla þar sem þau fá annan möguleika á að spila sig inn í úrslitakeppnina. 

Íslenska liðið átti í höggi við lið frá Noregi, Makedóníu, Ítalíu, Króatíu og Eistlandi í þessari fyrstu viðureign sinni og liðið okkar gerði sér lítið fyrir og vann öruggan sigur í riðlinum!

Hér má sjá samantekt á vef IFMP um íslenska liðið, en liðið sem keppti í gær var skipað eftirfarandi: 

  • Daníel Pétur Axelsson
  • Gunnar Árnason
  • Egill Þorsteinsson 
  • Inga Guðbjartsdóttir
  • Magnús Valur Böðvarsson
  • Sævar Ingi Sævarsson.

Í landsliðshópnum sem valinn var af landsliðsnefnd Pókersambands Íslands fyrir þetta verkefni eru einnig:

  • Einar Þór Einarsson
  • Garðar Geir Hauksson
  • Halldór Már Sverrisson
  • Kristjana Guðjónsdóttir

Liðsstjóri liðsins og verkefnisstjóri er formaður PSÍ, Már Wardum.

Fjölmiðlar hafa gert árangri liðsins góð skil, en hér má finna nokkrar greinar og viðtöl:

Tilboð frá Coolbet til félagsmanna PSÍ 2021

Coolbet býður félagsmönnum PSÍ einstakt tilboð þetta árið! Þeir sem ganga frá árgjaldi PSÍ fyrir lok apríl 2021 fá í raun andvirði þess, og rúmlega það, til baka inn á Coolbet reikning sinn en pakkinn sem félagsmenn fá samanstendur af eftirfarandi:

  • €10 Poker miði
  • €10 Sports bet
  • €10 Free spins (100 spins)
  • €10 Cash bonus

Semsagt samtals €40 eða andvirði rúmlega 6000 krónanna sem árgjaldið er beint til baka.

Ef þú ert ekki með Coolbet reikning þá er einfalt að stofna einn slíkan á www.coolbet.com.

Þeir sem eru með Coolbet reikning og vilja njóta þessara fríðinda þurfa að muna að fylla út reitinn “Coolbet poker ID” þegar félagsgjaldið er greitt.

Ath. að tilboðið gildir aðeins til 30. apríl 2021. Þeir sem hafa gengið frá árgjaldinu fyrir þann tíma fá fyrrnefndan pakka lagðan inn á Coolbet reikning sinn 1.maí 2021.

Viðbót 20.nóv 2021: Tilboðið hefur verið framlengt til 10. desember 2021! Allir sem greiða árgjald 2021 fá sama pakkann lagðan inn þann dag.

Smellið hér til að ganga frá árgjaldinu fyrir 2021


Coolbet has a very special offer for PSÍ members this year! If you pay the membership fee before the end of April 2021 you will get a package deposited to your Coolbet account that is actually of higher value than the membership fee! The package consists of:

  • €10 Poker ticket
  • €10 Sports bet
  • €10 Free spins (100 spins)
  • €10 Cash bonus

A total worth of €40, slightly more than the actual membership costs, straight back to your account.

If you don’t have a Coolbet account it’s easy to start one at www.coolbet.com.

Those who have a Coolbet account and want to take advantage of this offer need to remember to fill in the “Coolbet poker ID” field in the “Member details” when the membership is paid.

Note that the offer is only valid until April 30th 2021. If you pay the membership before that time you will get the package deposited to your Coolbet account on May 1st 2021.

20 Nov 2021: This offer has been extended throughout this season so everyone who pays for 2021 membership will get the same package on 10th of December 2021.

Click here to settle the membership payment for 2021

Frá ársþingi 2021

Ársþing PSÍ var haldið í gær, sunnudaginn 28.febrúar 2021.  Þingið fór fram á veitingastaðnum Hereford og mættu 4 félagsmenn til fundar en einnig var hægt að fylgjast með fundinum á Zoom.  Það er oft sagt að það sé merki um almenna ánægju með stjórnun félagasamtaka þegar fáir mæta til aðalfundar og vonum við að fámennið megi túlka sem svo.

Allir aðalmenn í stjórn gáfu kost á sér til áframhaldandi setu og kom einn nýr varamaður inn í stjórn.

Stjórn PSÍ skipa nú:

  • Már Wardum, formaður
  • Jón Ingi Þorvaldsson, gjaldkeri
  • Einar Þór Einarsson, ritari
  • Guðmundur Helgi Helgason, varamaður
  • Sunna Kristinsdóttir, varamaður

Í mótanefnd eru:

  • Viktor Lekve
  • Einar Þór Einarsson
  • Guðmundur Helgi Helgason

Laga- og leikreglnanefnd skipa:

  • Jón Ingi Þorvaldsson
  • Sunna Kristinsdóttir
  • Einar Þór Einarsson

Skoðunarmenn reikninga eru:

  • Ottó Marwin Gunnarsson
  • Jónas Tryggvi Stefánsson

Tvær breytingar voru gerðar á reglugerð sambandsins um mótahald og eru þær þegar komnar hér inn á vef PSÍ. Annars vegar var bætt inn grein 5 sem lýtur að hreinlæti og neyslu matar og drykkjar við keppnisborð. Hins vegar var grein 7. breytt til samræmis við reglur TDA um fjölda á lokaborði.

106 félagsmenn greiddu árgjald á árinu 2020, heildarvelta sambandsins var 3,9 mkr. og afkoma af rekstri var neikvæð um 492 þús kr. á árinu.

Nánari upplýsingar um Íslandsmótið í póker 2020

Nú er bara eitt mót eftir á mótadagskránni fyrir 2020 áður en við getum formlega hafið nýtt mótaár og það er stærsti viðburður ársins, Íslandsmótið í póker 2020.

Mótið verður haldið í sal Póker Express, Nýbýlavegi 8, 2. hæð, Kópavogi og hefst miðvikudaginn 3. mars kl. 17:00 og lýkur sunnudaginn 7. mars með lokaborði og 20k hliðarmóti.

Þátttökugjald er kr. 75.000 ef greitt er fyrir hádegi þriðjudaginn 2. mars og hækkar þá í kr. 80.000. Skráningarfrestur rennur út í upphafi á leveli 9. Greiðsla árgjalds PSÍ fyrir 2020 er skilyrði fyrir þátttöku.

Skráning og greiðsla þátttökugjalda fer eingöngu fram hér á vef PSÍ.

Dagskráin verður sem hér segir mótsdagana:

  • Miðvikudagur 3. mars kl. 17:00 – Dagur 1a
  • Föstudagur 5. mars kl. 17:00 – Dagur 1c
  • Laugardagur 6. mars kl. 12:00 – Dagur 2
  • Sunnudagur 7. mars kl. 13:00 – Dagur 3, lokaborð
  • Sunnudagur 7. mars kl. 14:00 – 20k re-entry hliðarmót

Sjá nánari upplýsingar um dagskrá og strúktúr hér: https://cutt.ly/GkTXhXo

Hliðarmótið verður með 30mín levelum og sama strúktúr og Íslandsmótið, með 20k stakk og ótakmarkað re-entry.

Við hvetjum alla til að skrá sig á þetta facebook event hér: https://www.facebook.com/events/168267471726139

Eins og fram hefur komið var ákveðið að fella dag 1b niður og rýmka fjöldatakmarkanir á dögum 1a og 1c úr 40 í 64. Skráningar umfram 64 hvorn dag fara á biðlista og komast leikmenn þá að um leið og sæti losna.

Sóttvarnarreglur þær er PSÍ hefur kynnt hér verða í gildi og við viljum biðja alla um að virða sérstaklega eftirfarandi reglur:

  • Keppendur og starfsfólk skulu bera viðurkenndar andlitsgrímur inni á mótsstað.
  • Ekki er grímuskylda fyrir leikmenn og gjafara þegar setið er við keppnisborð á meðan á leik stendur.
  • Keppendur skulu sótthreinsa hendur í hvert sinn sem sest er til keppnisborðs og í hvert sinn sem staðið er upp frá borði.
  • Keppendur og starfsfólk skulu varast alla snertingu við aðra einstaklinga á mótsstað Keppendur skulu einnig varast alla snertingu við andlit á meðan á leik
    stendur.
  • Öll neysla matvæla er óheimil við keppnisborðin. Neysla áfengis er ekki heimil inni á keppnissvæðinu.

Og svo er vert að minna á farsímareglurnar:

  • Hafið ávallt slökkt á hringitónum í símum á mótsstað.
  • Notkun farsíma er heimil á meðan leikmaður er ekki með lifandi hendi fyrir framan sig.
  • Ef sími er notaður á meðan leikmaður er í hendi er gefin ein aðvörun, eftir það mun gjafari drepa hendi leikmanns.
  • Sími má ekki liggja inni á keppnisborði.
  • Ekki má tala í síma við keppnisborð. Leikmenn eru beðnir um að yfirgefa mótssalinn til þess að tala í síma.

Allir sem skráðir eru til leiks í gegnum undanmót munu fá tölvupóst til staðfestingar á því að morgni þriðjudags 2. mars.

Mótið er leikið skv. reglum TDA og reglugerð PSÍ um mótahald.

Stakkur fer ekki inn á borð fyrr en keppandi mætir til leiks, eða þegar skráningarfrestur rennur út.

Samningar um verðlaunafé eru ekki leyfðir á Íslandsmótum og mótið skal leikið til enda til að skera úr um sigurvegara.

Skráið ykkur tímanlega þar sem gera getur þurft eitthvað af tilfærslum á leikmönnum á milli daga.

Vinsamlegast hafið skilríki meðferðis þegar þið komið á mótsstað.

Við óskum öllum þátttakendum góðs gengis!

Ársþing PSÍ 2021

Ársþing Pókersambands Íslands 2020 verður haldið á veitingastaðnum Hereford, Laugavegi 53b. sunnudaginn 28. febrúar kl. 16:00.

Dagskrá verður skv. 6. grein laga sambandsins sem finna má hér á vef PSÍ.

Áður en þingið hefst mun fara fram verðlaunaafhending fyrir nokkur mót sem haldin voru 2020 og ekki var búið að ná að halda afhenda verðlaun fyrir, það eru Coolbet bikarinn, Bikarmótið, Quarantine Cup, ÍM í net-póker og ÍM í net-PLO.

Við hvetjum alla félasgmenn til þess að mæta hvort sem þið gefið kost á ykkur til starfa fyrir sambandið eður ei.

Fundurinn verður í beinni útsendingu á Zoom með þessum tengli hér.

Mótahald enn í biðstöðu…

Stjórn PSÍ hefur verið að leita leiða til þess að koma mótahaldi á vegum sambandsins í gang aftur í samræmi við gildandi reglugerð um sóttvarnir og vonir standa enn til þess að hægt verði að halda Íslandsmót fyrir 2020 áður en við skiptum um gír og skipuleggjum mótadagskrá fyrir 2021.

Staðan er hins vegar ennþá sú að okkur eru settar of þröngar skorður til þess að hægt sé að halda mót með góðum hætti enda gera sóttvarnaryfirvöld ennþá kröfu um að haldið sé 2ja metra fjarlægð á milli leikmanna og að einungis 20 megi koma saman í sama rými.

Við verðum því að bíða enn um sinn og sjá hvernig staðan verður þegar ný reglugerð kemur út þann 17. febrúar og við sendum út nánari upplýsingar í framhaldi af því.

Hér má finna upplýsingar um gildandi sóttvarnarreglur til samræmis við reglugerð Heilbrigðisráðuneytisins og eru pókerklúbbar hvattir til þess að setja sér sambærilegar reglur um sína starfsemi á meðan þetta ástand var