Bræðingur var haldinn í annað sinn nú í vikunni. Mótið hófst á Coolbet sl. sunnudag þar sem leikið var niður í 9 manna lokaborð og hélt mótið síðan áfram í sal Hugaríþróttafélagsins nú í kvöld þar sem lokaborðið var leikið til enda. Það var Jesper Sand Poulsen sem stóð uppi sem sigurvegari eftir dágóða heads-up viðureign við Friðrik Falkner.

Það var Árni Gunnarsson sem kom inn á borðið með gott chip-lead eftir að hafa lent röð á river og kallað stórt blöff frá Jesper þegar 10 voru eftir í net-hluta mótsins. Jesper náði síðan að svara til baka þegar 5 voru eftir í mótinu og Jesper lenti lit á river og setti Árna all-in sem kallaði með yfirpar og var í ljósi þess sem á undan hafði gengið viss um að Jesper væri að blöffa. Árni var þar með úr leik í 5.sæti og Jesper kominn með gott chip-lead sem hann hélt allt til enda.

Alls tóku 40 þátt í mótinu og endurkaup voru 21 talsins. Það voru 400þús. kr. sem enduðu í prizepoolinu en þess má geta að í þessu móti tekur PSÍ ekkert fyrir að halda mótið og Coolbet tekur aðeins 9% fyrir að halda mótið fyrir okkur þrátt fyrir ærna fyrirhöfn þeim megin þar sem um mjög sérstakt setup er að ræða.

Verðlaunaféð skiptist á milli 5 efstu með eftirfarandi hætti:

1. Jesper Sand Poulsen – 140.000
2. Friðrik Falkner – 100.000
3. Jón Ingi Þorvaldsson – 75.000
4. Kristján Loftur Helgason – 55.000
5. Árni Gunnarsson – 40.000

Það var Einar Þór Einarsson, ritari PSÍ, sem var mótsstjóri á lokaborðinu og Jón Ingi Þorvaldsson, gjaldkeri PSÍ, sem hafði veg og vanda að því að skipuleggja mótið.

Við óskum Jesper til hamingju með sigurinn og þökkum félagsmönnum fyrir stórskemmtilegt mót og Coolbet sérstaklega fyrir að standa í þessu með okkur.

(For information in English, click here)

Þetta árið sláum við í fyrsta sinn saman þremur mótum sem hafa verið á mótadagskránni, Bræðingi, Smábokka og Stórbokka og gerum úr því 5 daga pókerhátíð með nokkrum hliðarmótum.

Bræðingur hefur aðeins einu sinni verið haldinn áður en í því móti bræðum við saman net-póker og live póker í skemmtilegri samsetningu sem hefst á Coolbet sunnudaginn 1.júní og lýkur svo með live lokaborði miðvikudaginn 4.júní.

Á fimmtudeginum verður veglegt 40k mystery bounty mót þar sem Coolbet og PSÍ gefa glæsilega aukavinninga. Coolbet gefur €1600 pakka á Coolbet Open og PSÍ gefur aukamiða á Stórbokka.

Föstudaginn 6.júní hefst svo Smábokki með sama sniði og í fyrra þar sem dagur 1 er leikinn í einu lagi og dagur 2 hefst síðan kl. 16:00 á laugardeginum 7.júní.

Hátíðinni lýkur síðan með Stórbokka sem verður hápunktur vikunnar. Þátttökugjaldið er 150.000 kr. eins og fyrri ár og hægt að kaupa sig aftur inn ótakmarkað fyrir 120.000 kr. Innifalið í Stórbokka er vegleg þriggja rétta máltíð í hléi.

Sjá allar nánari upplýsingar á upplýsingavef hátíðarinnar (á ensku).

Síðustu undanmótin fyrir Smábokka og Stórbokka verða leikin samhliða Bræðingi, sunnudaginn 1.júní.

Agnar Jökull Imsland Arason (Aimsland) vann sigur á Íslandsmótinu í net-PLO (Pot-Limit-Omaha) sem fram fór á Coolbet nú í kvöld og lauk kl. 23:30. Agnar hefur náð frábærum árangri á mótum síðustu ára, bæði í net-heimum og raun-heimum. Hann varð Íslandsmeistari í póker árið 2023, í öðru sæti á ÍM 2021 og á lokaborði í báðum net-póker meistaramótunum 2023 auk þess að ná langt í fjölda annarra móta.

Agnar kom inn á lokaborðið með meðalstakk og var Rúnar Rúnarsson þá með yfirburðastöðu. Það var ekki fyrr en þrír voru eftir sem Agnar komst í forystu og náði að halda henni til leiksloka. Í öðru sæti varð Friðrik Falkner (MrBaggins) og Rúnar Rúnarsson (rudnar) í því þriðja. Í fjórða sætinu varð síðan Þórarinn Ólafsson Kristjánsson (GolliPolli) og hefur með því afrekað það að komast á öll lokaborð á öllum fjórum Íslandsmeistaramótum þessa árs.

Alls tók 36 þátt í mótinu og eru það tvöfalt fleiri þátttakendur en í fyrra (18) og mesti fjöldi sem vitað er um í þessu móti, Einnig varð nokkur fjölgun þátttakenda á ÍM í PLO sem fram fór í september og má etv. draga þá ályktun að áhugi á PLO sé að aukast. þátttökugjald í mótinu í kvöld var €100 og tryggði Coolbet verðlaunafé upp á €7500 í sárabætur fyrir ófarirnar sl. sunnudag og var því overlay upp á €1100. Verðlaunafénu var skipt á milli 9 efstu sem hér segir:

1. Aimsland – €2250
2. MrBaggins – €1500
3. rudnar – €1125
4. Gollipolli – €750
5. CASINOICE1 – €563
6. OtherFkr – €413
7. JesperSand – €338
8. Deingsi – €300
9. OkeyDude77 – €263

Við óskum Agnari til hamingju með glæsilegan árangur og þökkum félagsmönnum fyrir þátttökuna og þökkum Coolbet fyrir frábært samstarf við framkvæmd mótsins.

Jón Ingi Þorvaldsson (Thorvaldz) vann sigur á Íslandsmótinu í net-póker sem fram fór á Coolbet nú í kvöld og lauk kl. 00:24. Jón Inga þekkja eflaust flestir betur í öðru hlutverki en hann hefur oftar verið í mótsstjórahlutverkinu í mótum á vegum PSÍ undanfarin ár heldur en við pókerborðið, og var m.a. mótsstjóri á nýafstöðnu Íslandsmóti í póker og einnig PLO Íslandsmótinu sem fram fór í september.

Hann hefur þó einnig aðeins stimplað sig inn á listann yfir sigurvegara í mótum á vegum PSÍ í gegnum tíðina, m.a. með sigri á Stórbokka árið 2017 og einnig í eina Bikarmótinu sem PSÍ hefur haldið árið 2020. Aðspurður segist Jón Ingi ekki mikið hafa spilað á netinu undanfarið, “ég hef verið mikið á ferðalögum erlendis undanfarin misseri og lítið náð að spila yfir höfuð, og síst á netinu. En ég tók þann pól í hæðina í þessu móti að spila mjög tight, jafnvel meira en ég er vanur. Eftir rúmlega hundrað fyrstu hendurnar í mótinu var ég t.d. með VPIP í kringum 10% og þegar leið á mótið sveiflaðist það á milli 15 og 18% sem er alveg í lægra lagi. En umfram allt spilaði ég bara alveg sérlega agað og það bar árangur.”

Jón Ingi kom inn á lokaborðið aðeins undir meðalstakk og náði síðan að halda stöðu sinni meira og minna í gegnum allt lokaborðið og síðan hægt og bítandi klóra sig upp listann. Þegar 5 voru eftir var hann kominn í annað sætið og þegar aðeins þrír voru eftir náði hann yfirburðastöðu og að lokum varð heads-up leikurinn mjög stuttur og snarpur.

Í öðru sæti varð Guðni Rúnar Ólafsson, sem netverjar þekkja betur sem GkiloGKILO og var hann með chip-lead þegar komið var inn á lokaborðið. Hann hafði verið í einu af efstu sætunum í gegnum allt mótið eftir að hafa strax í upphafi móts tvöfaldað sig með því að slá út “Höfðingjann”. Í því þriðja varð síðan Þórarinn Ólafsson Kristjánsson, betur þekktur á Coolbet sem Gollipolli. Þórarinn hefur verið að gera það gott á þessu ári en hann getur nú státað af því að hafa náð lokaborði á öllum Íslandsmótum það sem af er árinu, en hann varð í 9.sæti á nýafstöðnu Íslandsmóti í póker og í 4.sæti á ÍM í PLO í september.

Alls tók 51 þátt í mótinu sem er umtalsverð fjölgun frá því í fyrra (34), þátttökugjald var €200 og endaði verðlaunapotturinn í €9282 sem skiptist á milli 8 efstu á eftirfarandi hátt:

1. Thorvaldz- €2970
2. GkiloGKILO – €1949
3. GolliPolli – €1392
4. rudnar – €937
5. flispeysupabbi – €705
6. doctorfree888- €520
7. galdrakall – €427
8. dsaliente – €381

Við óskum Jóni Inga til hamingju með glæsilegan árangur og þökkum félagsmönnum fyrir þátttökuna og þökkum Coolbet fyrir frábært samstarf við framkvæmd mótsins.