Smábokki 2024 – Staða eftir dag 1

/0 Comments/by

Það er óhætt að segja að þátttaka á Smábokka hafi farið fram úr okkar björtustu vonum í ár en alls mætti 71 til leiks og voru entry í mótið samtals 105 talsins. Þetta er mesta þátttaka í Smábokka síðan 2017 en fyrsta árið sem mótið var haldið voru keppendur 109 talsins. Verðlaunaféð endar í 2.680.000 og mun skiptast á milli 11 efstu. Kostnaðarhlutfáll mótsins er slétt 15%.

42 komast áfram á dag 2 og er staða þeirra eftirfarandi í upphafi dags 2:

Nafn Stakkur í lok dags 1
Tadas Kaneckas208.500
Sigurjón Þórðarson196.000
Tomasz Janusz Mroz163.500
Hilmar Björnsson163.000
Johan Rolfsson150.000
Örn Árnason137.000
Ingólfur Lekve131.500
William Thomas Möller125.000
Friðrik Falkner115.500
Kristján Loftur Helgason115.000
Brynjar Þór Jakobsson105.500
Hákon Baldvinsson103.000
Egill Þorsteinsson93.000
Kristján Bragi Valsson93.000
Andri Már Ágústsson81.500
Grétar Már Steindórsson79.000
Jóhann Eyjólfsson78.000
Gunnar Árnason77.500
Ísar Karl Arnfinnsson74.000
Steinar Edduson66.500
Eyjólfur Steinsson66.000
Gunnar Páll Leifsson65.000
Steinar Snær Sævarsson61.500
Hannes Guðmundsson58.000
Arnór Einarsson57.000
Benjamín Þórðarson55.000
Fannar Ríkarðsson53.000
Alexandru Marian Florea52.500
Einar Þór Einarsson45.000
Freysteinn G Jóhannsson43.000
Garbriel40.500
Seweryn Brzozowski33.000
Júlíus Símon Pálsson32.500
Halldór Már Sverrisson30.000
Stefán Atli Ágústsson30.000
Ívar Örn Böðvarsson27.500
Sunna Kristinsdóttir25.000
Brynja Sassoon20.000

Borðaskipan í upphafi dags 2 verður eftirfarandi:

Leikar hefjast að nýju kl. 13:00 í dag, laugardag.

Skiljum hundana eftir heima

/0 Comments/by

Okkur hafa að undanförnu borist fyrirspurnir um það hvort leyft sé að hafa gæludýr meðferðis á mót á vegum PSÍ. Stjórn PSÍ hefur í kjölfar umræðu um málið og í samráði við staðarhaldara mótsins ákveðið að taka fyrir það héðan í frá að leikmenn séu með gæludýr meðferðis á mótum á vegum sambandsins.

Ástæður geta vera margvíslegar hjá þeim sem ekki hugnast að mæta á mót þar sem t.d. hundar eða kettir eru á staðnum, t.d. ofnæmi, hræðsla við hunda auk ónæðis sem skapast getur og truflun á gangi mótsins.

Við vonum að þetta mæti skilningi hjá gæludýraeigendum og að það verði ekki hundur í neinum á skemmtilegasta móti ársins sem hefst stundvíslega kl. 19:00 á morgun!!

Smábokki 2024

/0 Comments/by

Þá er komið að fyrsta live mótinu okkar í ár. Þetta mót er af mörgum talið eitt skemmtilegasta mótið á dagskrá PSÍ enda er mótið eins konar mini útgáfa af Íslandsmótinu, tveggja daga stórmót á verði við flestra hæfi.

Þátttökugjald er kr. 30.000 og skráning er þegar hafin á vef PSÍ. (Ath. Þátttökugjaldið hækkar í 33.000 kl. 12:00 á hádegi á föstudeginum).

ATH. að fyrirkomulag mótsins verður aðeins breytt í ár, dagur 1 verður nú leikinn á einum degi, föstudegi og dagur 2 síðan leikinn á laugardegi eins og venjulega. Semsagt engin skipting í dag 1a og 1b heldur fyllum við salinn með frábærri stemmingu á föstudeginum.

Mótið fer fram í sal Hugaríþróttafélagsins, Mörkinni 4 og hefst kl. 19:00 á föstudeginum 5.apríl. Skráningarfrestur rennur út kl. 23:30 á degi 1 og er leikið til miðnættis. Dagur 2 hefst kl. 13:00 á laugardeginum 6.apríl.

Boðið er upp á eitt re-entry. Í lok skráningarfrests er boðið upp á að gefa eftir stakk (forfeit) ef re-entry hefur ekki verið nýtt og hefja leik á síðasta leveli dags 1 með nýjan stakk.

Hægt verður að krækja í miða frá aðeins €10 á undanmótum sem Coolbet heldur eftirtalda daga:

  • Sunnudag 10. mars kl. 20:00
  • Sunnudag 17. mars kl. 20:00
  • Sunnudag 24.mars kl. 20:00
  • Fimmtudag 28.mars (skírdag) kl. 20:00
  • Föstudaginn (langa) 29.mars kl. 20:00
  • Laugardag 29.mars kl. 20:00
  • Sunnudag 30. mars (páskadag) kl. 20:00
  • Mánudag 31. mars (2. í páskum) kl. 20:00

Skráið ykkur á FB eventið til að fylgjast nánar með upplýsingum um undanmót og fleira í tengslum við Smábokka 2024!

Dagskrá og strúktúr mótsins má finna hér.

Atli Rúnar vinnur Coolbet bikarinn

/0 Comments/by

Coolbet bikarnum 2024 lauk sl. sunnudag með lokaborði 9 efstu í stigakeppninni. Það var Atli Rúnar Þorsteinsson, a.k.a. atli951 sem bar sigur úr býtum eftir að hafa verið algerlega óstöðvandi í stigakeppninni. Atli Rúnar er búinn að gera það gott á mörgum mótum að undanförnu og hampaði m.a. Íslandsmeistaratitlinum árið 2022. Hann kom inn á lokaborðið með næstum tvöfalt fleiri stig en næsti keppandi og hóf því leik á lokaborði með langstærsta stakkinn.

Þetta er í fimmta sinn sem þessi mótaröð fer fram og í þriðja sinn með þessu sniði þar sem leikið er sérstakt lokaborð um verðlaunasætin. Og þetta er í fyrsta sinn sem sami keppandi vinnur stigakeppnina og lokaborðið. Atli fær að launum €1600 pakka á Coolbet Open sem ráðgert er í lok ágúst í Tallinn í Eistlandi. Alls tóku 74 einhvern þátt í mótaröðinni að þessu sinni og er það besta þátttaka frá upphafi.

Í öðru sæti varð Jóhann Hafnfjörð Rafnsson, öðru nafni Peningagj, en hann kom inn á lokaborðið með minnsta stakkinn og náði að breyta honum í €1600 pakka á Coolbet Open. Í þriðja og fjórða sæti urðu Friðrik Falkner (MrBaggins) og Halldór Már Sverrisson (CASINOICE1) og fá þeir að launum €550 pakka á Coolbet Open, sem er verðgildi miða í main event á Coolbet Open.

Heildarúrstlit á lokaborðinu urðu þessi:

SætiCoolbet IDNafnStigUpphafsstakkkurVerðlaun
1atli951Atli Rúnar Þorsteinsson7815600€1600 pakki á Coolbet Open
2PeningagjJóhann Hafnfjörð Rafnsson346800€1600 pakki á Coolbet Open
3MrBagginsFriðrik Falkner397800€550 pakki á Coolbet Open
4CASINOICE1Halldór Már Sverrisson438600€550 pakki á Coolbet Open
5Astonwilli19Wilhelm Norðfjörð428400€130 Coolbet Passport ticket
6OrninnÖrn Árnason377400€130 Coolbet Passport ticket
7vedurgudinnJón Gauti Árnason408000€130 Coolbet Passport ticket
8PhilMcIveyDavíð Ómar Sigurbergsson387600€130 Coolbet Passport ticket
9SmjorfluganHlynur Sverrisson377400€130 Coolbet Passport ticket

Við óskum Atla til hamingju með þennan glæsilega árangur og öðrum verðlaunahöfum sömuleiðis. Við þökkum félagsmönnum fyrir góða þátttöku og Coolbet fyrir frábært samstarf við framkvæmd mótaraðarinnar.

Við hvetjum félagsmenn til að kynna sér dagskrána á Coolbet Open 2024 þegar hún verður kynnt og slást í för með þeim hópi Íslendinga sem ætlar að leggja land undir fót og skella sér út.

Lokastöðuna í stigakeppni Coolbet bikarsins má finna hér.

Coolbet bikarinn hefst sunnudaginn 28. janúar!

/0 Comments/by

Coolbet býður enn og aftur til glæsilegrar veislu en Coolbet bikarinn hefur göngu sína að nýju 28.janúar! Eins og undanfarin ár býður Coolbet upp á ADDED aukaverðlaun og í þetta sinn fyrir öll 9 sætin á lokaborðinu, samtals að verðmæti €4820 eða yfir 700þúsund ISK!!

Þátttökugjald í hverju móti verður €50 með möguleika á einu re-entry og er greitt út verðlaunafé með venjulegum hætti í hverju móti, þ.e. ekkert er tekið úr prizepool í hverju móti vegna aukaverðlaunanna.

Allir geta tekið þátt í mótunum en stig telja aðeins í stigakeppninni fyrir aðila að PSÍ. Ganga þarf frá aðild að PSÍ fyrir upphaf þriðju umferðar til að stig telji. Það er skotfljótlegt að ganga frá aðild að PSÍ hér: www.pokersamband.is/shop

PSÍ veitir sigurvegaranum á lokaborðinu verðlaunagrip til eignar og Coolbet bætir síðan við aukaverðlaunum (Added Value!!) fyrir öll sætin á lokaborðinu.

1. – 2. sæti: €1600 pakki á Coolbet Open í ágúst 2024 (miði á main event plús hótel)
3. – 4. sæti: €550 pakki á Coolbet Open í ágúst 2024 (t.d. miði á main event eða samsvarandi upphæð í önnur mót)
5. – 9. sæti: Coolbet Passport ticket (€130)

Hægt verður að framselja verðlaun til annars aðila ef vinningshafar sjá sér ekki fært um að taka þátt í mótinu.

Coolbet stefnir að því að halda hina frábæru pókerveislu Coolbet Open að nýju í ágúst á þessu ári en nákvæmar dagsetningar eða staðsetning liggur ekki fyrir.

Dagskrá mótaraðarinnar er eftirfarandi:

28. jan. kl. 20:00 1. umferð
4. feb. kl. 20:00 2. umferð
11. feb. kl. 20:00 3. umferð
18. feb. kl. 20:00 4. umferð
25. feb. kl. 20:00 5. umferð
3. mars. kl. 20:00 6. umferð
10. mars. kl. 20:00 LOKABORÐ

5 bestu mót af 6 telja til stiga í stigakeppninni. Ath. að ganga þarf frá aðild að PSÍ áður en þriðja umferð hefst til að stig telji.

Nánari upplýsingar má finna hér á vef PSÍ.

Ársþing PSÍ 2024

/0 Comments/by

Ársþing Pókersambands Íslands 2023 verður haldið sunnudaginn 14.janúar kl. 16:00.

Dagskrá verður skv. 6. grein laga sambandsins sem finna má hér á vef PSÍ.

Við hvetjum alla sem vilja fylgjast með starfsemi og stöðu PSÍ og leggja eitthvað til málanna um starfsemi næstu missera, til að mæta, hvort sem þið hafið í huga að bjóða ykkur fram til starfa á vegum sambandsins eða ekki.

Ársþingið verður að þessu sinni eingöngu í net-heimum. Smellið hér til að tengjast fundinum.

Hafþór sigurvegari á ÍM í net-PLO 2023

/0 Comments/by

Það var Hafþór Sigmundsson (ICELANDSnr1), sem stóð uppi sem sigurvegari á Íslandsmótinu í net-PLO sem fram fór á sunnudagskvöld á Coolbet. Í öðru sæti var Rúnar Rúnarsson (rudnar) og Halldór Már Sverrisson (CASINOICE1) vermdi þriðja sætið. Alls tóku 18 þátt í mótinu og voru 10 re-entry í mótið en leyfð voru tvö re-entry á mann. Þátttökugjald var €100 og endaði verðlaunaféð í €2548 sem skiptist á milli 5 efstu á eftirfarandi hátt:

  1. ICELANDSnr1- €1019
  2. rudnar – €688
  3. CASINOICE1 – €382
  4. Aimsland – €255
  5. makk – €204

Það er óhætt að segja að það hafi verið sannkallað einvala lið sem skipaði öll verðlaunasætin í þessu móti. Þetta er í annað sinn sem Hafþór vinnur mót á vegum PSÍ en hann hampaði Stórbokka titlinum árið 2018. Rúnar hefur afrekað það að landa stærsta vinningi Íslendinga í erlendu móti, þrátt fyrir að hann hafi ekki unnið mót á vegum PSÍ ennþá. Halldór Már hefur amk. 4 sinnum komist á lokaborð á ÍM, vann ÍM í net-PLO fyrir tveimur árum og hefur auk þess unnið ÍM í PLO og Smábokka. Agnar Jökull sem varð í fjórða sætinu er nýbúinn að hampa Íslandsmeistaratitlinum auk þess sem hann var í 2.sæti á ÍM 2021. Og Brynjar, sem flestir þekkja sem “Makkarann” hefur tvisvar unnið ÍM í net-póker og hefur fyrir löngu stimplað sig inn sem einn af okkar allra bestu spilurum.

Við óskum Hafþóri til hamingju með glæsilegan árangur og þökkum félagsmönnum fyrir þátttökuna og þökkum Coolbet fyrir frábært samstarf við framkvæmd mótsins.

Brynjar (makk) er Íslandsmeistari í net-póker í annað sinn

/0 Comments/by

Brynjar Bjarkason (makk) gerði sér lítið fyrir og vann Íslandsmótið í net-póker sem fram fór á Coolbet í gærkvöldi. Þetta er í annað sinn sem hann vinnur þennan sama titil en hann vann einnig Íslandsmótið í net-póker árið 2018 sem þá fór fram á PartyPoker. Brynjar hefur fyrir löngu stimplað sig inn sem einn af okkar allra bestu leikmönnum en engu að síður magnaður árangur að vinna þetta mót tvisvar. Í öðru sæti í ár varð Þórarinn Kristjánsson Ólafsson (GolliPolli) og í því þriðja varð Örn Árnason (Orninn).

Agnar Jökull Imsland sem nýlega vann Íslandsmótið í póker kom inn á lokaborðið með chiplead og jók það síðan eftir því sem leið á lokaborðið og leit á tímabili út fyrir að hann væri að fara að sigla öðrum titli í röð í örugga höfn. En það er eins og alltaf skammt stórra högga á milli í þessum leik og Agnar þurfti á endanum að sætta sig við fjórða sætið. Síðan tók við löng barátta síðustu þriggja þar sem þeir skiptust nokkrum sinnum á að taka forystuna hver af öðrum og var Örn á tímabili með talsverða forystu og meira en helminginn af chipsunum. En eftir að Örninn féll úr leik tók einnig við löng heads-up barátta hjá Brynjari og Þórarni og það var að lokum Brynjar sem hafði betur.

Alls tóku 34 þátt í mótinu, þátttökugjald var €200 og endaði verðlaunapotturinn í €6188 sem skiptist á milli 6 efstu á eftirfarandi hátt:

  1. makk- €2290
  2. GolliPolli – €1547
  3. Orninn – €928
  4. Aimsland – €619
  5. Peningagj – €464
  6. OkeyDude77- €340

Við óskum Brynjari til hamingju með glæsilegan árangur og þökkum félagsmönnum fyrir þátttökuna og þökkum Coolbet fyrir frábært samstarf við framkvæmd mótsins.

Íslandsmótið í net-póker 2023

/0 Comments/by

Íslandsmótið í net-póker hefst kl. 18:00 sunnudaginn 26.nóvember og verður haldið á Coolbet! Þátttökugjald er €200.

Haldin verða undanmót á Coolbet nk. fimmtudag og sunnudag og síðan alla virka daga í næstu viku kl. 20:00.

Einnig verður haldið ÍM í net-PLO og fer það fram viku síðar, sunnudaginn 3.des. kl. 18:00. Þátttökugjald er €100 og boðið er upp á tvö re-entry.

Undanmót fyrir ÍM í net-PLO verða alla virka daga í vikunni fyrir mótið kl. 20:00.

Vinsamlegast athugið eftirfarandi:

  • Aðild að PSÍ er skilyrði fyrir þátttöku á ÍM í net-póker en allir geta tekið þátt í undanmótum.
  • Til að tryggja þátttökurétt þarf að ganga frá aðild í síðasta lagi daginn fyrir hvorn keppnisdag.
  • Þegar gengið er frá aðild að PSÍ þarf að passa að Coolbet poker ID komi fram í skráningu. Ef það gleymist má senda Coolbet poker ID í tölvupósti á info@pokersamband.is
  • PSÍ og Coolbet áskilja sér rétt til þess að birta raunveruleg nöfn vinningshafa.

Eins og venjulega er gengið frá aðild að PSÍ á www.pokersamband.is/shop

Undanmót fyrir ÍM í net-póker:

  • Fimmtudagur 16.nóv. kl. 20:00 – €10 re-buy/add-on – 5 miðar tryggðir!
  • Sunnudagur 19.nóv. kl. 20:00 – €20 re-entry – 10 miðar tryggðir!
  • Mán-Lau 20.-25..nóv. kl. 20:00 – FREE-buy mót með €10 re-buy/add-on – 2 miðar tryggðir

Undanmót fyrir ÍM í net-PLO:

  • Mán.-Lau. 27.nóv-2.des kl. 20:00 – €10 re-entry – 2 miðar tryggðir!

Agnar er Íslandsmeistari í póker 2023

/0 Comments/by

Íslandsmótið í póker fór fram dagana 2.-5. nóvember í sal Hugaríþróttafélagsins og var haldið með svipuðu sniði og undanfarin ár, dagur eitt var tvískiptur á fimmtudegi og föstudegi, dagur 2 á laugardegi og lokaborð á sunnudegi. Alls tóku 101 félagsmaður þátt í mótinu og 50 þeirra komust á dag 2. Þetta er fjölgun um 12 frá því í fyrra en þá tóku 89 þátt í mótinu. Heildarverðlaunafé var 6.800.000 kr. og skiptist á milli 15 efstu og sá sem lenti í búbblusætinu fær að auki frían miða á ÍM 2024 í sárabætur skv. hefð sem hefur skapast. Kostnaðarhlutfall mótsins var 15,8%.

Það var Agnar Jökull Imsland Arason sem bar sigur úr býtum eftir rúmlega tveggja klukkustunda heads-up leik við Loga Laxdal. Logi vann Íslandsmeistaratitilinn fyrir árið 2020 (mótið var haldið í mars 2021) og Agnar hafði áður komist í heads-up á Íslandsmóti en hann varð í 2.sæti árið 2021 þegar Guðmundur Auðun varð Íslandsmeistari. Í þriðja sæti varð síðan Óskar Örn Eyþórsson.

Röð efstu þátttakenda og verðlaunafé var sem hér segir:

1Agnar Jökull Imsland Arason1.500.000
2Logi Laxdal1.100.000
3Óskar Örn Eyþórsson850.000
4Johnro Derecho Magno680.000
5Atli Rúnar Þorsteinsson550.000
6Hávar Albinus430.000
7Freysteinn G Jóhannsson350.000
8Þórir Snær Hjaltason280.000
9Gizur Gottskálksson220.000
10Rúnar Rúnarsson160.000
11Vytatutas Rubezius160.000
12Árni Gunnarsson140.000
13Óskar Páll Davíðsson140.000
14Hafþór Sigmundsson120.000
15Kári Þór Matthiasson120.000
16Hjalti Már ÞórissonMiði á ÍM 2024
Haldin voru tvö hliðarmót, á laugardeginum var haldið 20K re-entry mót og á sunnudeginum 30K re-entry mót. Bæði mótin voru með dýpri strúktúr en sambærileg mót fyrri ára enda var þátttökugjaldið einnig hækkað frá fyrri árum. Bæði mótin tókust einkar vel og var verðlaunafé í þeim báðum vel yfir milljón, 1.270.000 á laugardeginum og 1.430.000 á sunnudeginum. Á laugardeginum vory entry 73 talsins og á sunnudeginum voru þau 56. Í laugardagsmótinu skiptu þeir Hafsteinn Ingimundarsson og Korneliusz Jelinski með sér efstu tveimur sætunum og í sunnudagsmótinu gerðu þrír efstu samning um verðlaunaféð, þeir Hávar Albinus, Korneliusz Jelinski og Jón Ingi Þorvaldsson.

Mótsstjóri að þessu sinni var Már Wardum, formaður PSÍ, og honum til halds og trausts í hlutverki ritara og meðdómara var Daníel Jóhannsson. Gjafarar á mótinu voru þau Alexander, Berglaug, Dísa, Bjarni, Kristjana, Bryndís, Edward, Kristján Bragi og Silla. Um skipulag og undirbúning mótsins sá Jón Ingi Þorvaldsson, gjaldkeri PSÍ.

Við þökkum Hugaríþróttafélaginu kærlega fyrir frábæran stuðning, bæði með einstaklega þéttri undanmótadagskrá og að láta okkur í té hin glæsilegu húsakynni sem félagið hefur yfir að ráða. Einnig kunnum við Coolbet bestu þakkir fyrir að styðja við bakið á okkur með reglulegum undanmótum í aðdraganda ÍM en það hefur sýnt sig að regluleg undanmót eru lykillinn að góðri þátttöku í þessu móti.

Að lokum minnum við á að mótadagskránni er ekki alveg lokið enn. Íslandsmótin í net-póker eru eftir en þau fara fram á Coolbet í lok nóvember og byrjun desember.

Við óskum Agnari til hamingju með titilinn og öðrum verðlaunahöfum helgarinnar til hamingju með árangurinn, þökkum félagsmönnum fyrir góða þátttöku og hlökkum til að sjá ykkur á næsta móti!