Lokavikan fyrir ÍM 2019!

/0 Comments/by

Það verður mikið um að vera í þessari viku.  Þrjú undanmót eru eftir og auk þess fer COOLBET í gang með veðmál á leikmenn í mótinu nú í vikunni.

Dagskrá vikunnar er í megindráttum þessi:

Þriðjudagur 29.okt.

19:00 – Undanmót hjá Hugaríþróttafélaginu.  Ótakmarkað 5k re-buy með 2k add-on!

Miðvikudagur 30.okt.

19:30 – Undanmót hjá Spilaklúbbi Norðurlands, Akureyri, Ótakmarkað 5k re-buy með 2k add-on!

20:00 – On-line undanmót á COOLBET.  Ótakmarkað €33 re-buy í 60 mín. 10 mín level!

Fimmtudagur 31.okt.

19:00 – Undanmót hjá Hugaríþróttafélaginu.  Ótakmarkað 3k re-buy með 3k add-on!

Föstudagur 1. nóv.

17:00 – Íslandsmótið í póker hefst á Hótel Völlum, Hafnarfirði.  Allar nánari upplýsingar hér.

 

Við minnum á að þátttökugjaldið á ÍM hækkar í kr. 65.000 kl. 12:00 á hádegi á föstudag.  Þeir sem ekki ná í miða á undanmótum vikunnar eru hvattir til þess að ganga frá skráningu fyrir þann tíma.  Við hvetjum einnig alla til þess að nota DEBET kort frekar en kredit kort ef þess er kostur.  Það eru lægri færslugjöld af þeim þannig að það er öllum félagsmönnum til góða.

 

Allir sem hafa unnið miða í undanmótum eða hafa skráð sig á netinu áður en mótið hefst eru sjálfkrafa skráðir í mótið.  Það eina sem þið þurfið að gera er að ganga úr skugga um að búið sé að ganga frá árgjaldi til PSÍ þetta árið.  Síðan er bara að mæta á staðinn með skilríki með mynd (ökuskírteini/vegabréf) til að fá afhent mótsgögn.

Smellið hér til að ganga frá skráningu!

Gangi ykkur vel!

 

 

Undanmót fyrir ÍM 2019

/0 Comments/by

Fyrstu online undanmótin hefjast á morgun sunnudaginn 6.október kl. 20:00. Það er Coolbet sem sér um það fyrir okkur í ár, rétt eins og í fyrra. Mótin verða með €33 buy-in og hægt verður að kaupa sig inn aftur ótakmarkað fyrsta klukkutímann. Undanmót verða á Coolbet hvern sunnudag og miðvikudag kl. 20:00 fram að Íslandsmóti og verður einn miði tryggður í hverju móti.

Í fyrsta mótinu er sérstakur kaupauki fyrir þá sem skrá sig en með skráningu fylgir frímiði á mót sem fram fer á miðvikudag kl. 18:00 að íslenskum tíma. Í því móti verða m.a. í verðlaun pakkar á Premier League leik að eigin vali á tímabilinu Okt-Feb. Sjá nánar hér.

Hugaríþróttafélagið lætur ekki deigan síga og verður með undanmót alla fimmtudaga fram að ÍM og svo bætast einnig við mót á þriðjudögum síðustu vikurnar.  Mótin hjá Hugaríþróttafélaginu hefjast kl. 19:00.

Við hvetjum alla félagsmenn til að freista gæfunnar bæði á Coolbet og hjá Hugaríþróttafélaginu næstu 4 vikurnar. Það stefnir í frábært Íslandsmót en nú þegar eru mun fleiri komnir með miða á mótið en á sama tíma í fyrra!

Hótel tilboð vegna ÍM 2019

/0 Comments/by

Hótel tilboð vegna ÍM 2019 (English below)

Hótel Vellir býður félagsmönnum PSÍ eftirfarandi sérkjör á hótelherbergjum helgina 1.-3. nóvember:

Eins manns herbergi: 12.000 kr./nótt
Tveggja manna herb.: 14.500 kr./nótt

Til að bóka sendið tölvupóst á info@hotelvellir.com með eftirfarandi upplýsingum:
– Nafn
– Dagsetningar
– Hvort þið viljið eins eða tveggja manna herbergi.
– Takið fram að þið séuð að taka þátt í ÍM í póker!

Hótelið sendir ykkur síðan upplýsingar um hvernig gengið er frá greiðslu.

————————————–

Hotel offer for the 2019 Icelandic Poker Championship:

Hótel Vellir (the tournament venue) offers our members the following deal on hotel rooms:

Single room: 12.000 ISK/night
Double/Twin room: 14.500 ISK/night.

To make a reservation send an email to info@hotelvellir.com with the following information:
– Name
– Dates
– Type of room (single/double/twin)
– Mention that you are participating in the the Icelandic Poker Championship!

The hotel will then send you further information on how to complete the booking with a payment.

Íslandsmótið í Póker 2019!

/0 Comments/by

Íslandsmótið í póker verður haldið helgina 1.-3. nóvember í ár.  Mótið verður með svipuðu sniði og í fyrra og verður haldið á sama stað, enda virtist almenn ánægja með fyrirkomulagið.

Mótið verður haldið á Hótel Völlum í Hafnarfirði og hefst það kl. 17:00 á föstudeginum 1. nóvember.  Dagur 2 hefst kl. 12:00 á laugardag 2.nóv og síðan verður lokaborðið leikið kl. 13:00 á sunnudeginum.

Mótið er opið öllum 18 ára og eldri og hlýtur sigurvegarinn titilinn Íslandsmeistari í póker, óháð þjóðerni.

Þátttökugjald er kr. 60.000 og er einungis tekið við skráningum á hér vef PSÍ.

Sjá nánari upplýsingar um strúktúr og dagskrá hér.

Skráið ykkur einnig endilega inn á þetta event hér á facebook.

The 2019 Icelandic poker championship will be held 1-3 November.

The tournament will be held at Hotel Vellir in Hafnarfjördur (near Reykjavik) and will start at 17:00 on Friday the 1st.  Day 2 will start at 12:00 on Saturday the 2nd and will be played down to 9 players. The final table will be played on Sunday the 3rd.

The tournament is open to all nationalities and the winner will receive the title Icelandic Champion regardless of nationality.

Entry fee is ISK 60.000 and registration is only available through this page.

Click here for more information on structure and schedule.

Please also register on this event on facebook.

 

Gunnar Árnason er PLO meistarinn 2019

/0 Comments/by

Íslandsmótinu í Pot-Limit-Omaha lauk um miðnættið í gærkvöldi. Það var Gunnar Árnason sem bar sigur úr býtum eftir mikla baráttu við Guðjón Heiðar Valgarðsson sem endaði í öðru sæti.  Þegar þeir voru tveir eftir hafði Guðjón yfirgnæfandi forystu með 20x stærri stakk, 800k á móti 40k, en Gunnar náði að saxa á forskotið og hafði að lokum betur.  Hér að neðan má sjá röð efstu manna og verðlaunafé:

  1. Gunnar Àrnason, kr. 228.000
  2. Guðjón Heiðar Valgarðsson, kr. 185.000
  3. Hafþór Sigmundsson, kr. 96.000
  4. Kjartan Fridriksson, kr. 58.000
  5. Már Wardum
  6. Einar Eiríksson
  7. Halldór Sverrisson
  8. Óskar Kemp

Við óskum Gunnari til hamingju með sigurinn og titilinn Íslandsmeistari í PLO 2019!

Upphaflegt verðlaunafé var 260.000 fyrir 1.sæti og 153.000 fyrir annað sæti en Gunnar og Guðjón gerðu með sér samning þegar þeir voru tveir eftir um ofangreinda skiptingu.

Heildarfjöldi þátttakenda var 16 og keyptu 5 þeirra sig tvisvar inn þannig að alls voru 21 entry í mótið, en boðið var upp á eitt re-entry fyrstu 6 levelin.

Heildar verðlaunafé var 567.000 en gerð var undanþága skv. nýju ákvæði í reglugerð um mótahald á vegum PSÍ þannig að hlutfall sem fór í verðlaunafé var fest í 27.000 af hverju 30.000 þátttökugjaldi.

Mótsstjóri var Einar Þór Einarsson og gjafarar voru Rannveig Eriksen og Alexander Sveinbjörnsson.  Við þökkum þeim fyrir vel unnin störf á mótinu og einnig Hugaríþróttafélaginu fyrir samstarfið en félagið lagði til húsnæði fyrir mótið.

Íslandsmótið í PLO verður 7.september!

/0 Comments/by

Íslandsmótið í PLO verður fyrsta mótið á haustdagskránni hjá PSÍ.  Mótið fer fram laugardaginn 7.september og er það viku fyrr en áður hafði verið gefið út í mótadagskrá ársins.  Mótið hefst kl. 14:00 og fer fram í sal Hugaríþróttafélagsins í Síðumúla.

Þátttökugjald er kr. 30.000 (27k+3k) og verður að þessu sinni boðið upp á eitt re-entry.  Skráningarfrestur og frestur til að kaupa sig inn aftur rennur út eftir level 6.  Strúktúr mótsins má sjá hér að neðan.

Gerð hefur verið breyting á grein 7 í reglugerð um mótahald á vegum PSÍ þannig að heimilt sé að festa það hlutfall þátttökugjalds sem fer í að mæta kostnaði á smærri mótum.  Stjórn PSÍ hefur því ákveðið að festa það hlutfall á þessu móti þannig að af 30.000 kr. þátttökugjaldi og re-entry gjaldi fara 27.000 í verðlaunafé.

 

Sveinn Rúnar er Stórbokki 2019!

/0 Comments/by

Stórbokkinn fór fram laugardaginn 18.maí 2019.  Þátttökugjald var 120þús kr, alls tóku 17 þátt í mótinu og keyptu sig samtals 21 sinnum inn en það var hægt að kaupa sig aftur inn í mótið ótakmarkað fyrir 100þús kr.  Mótið var haldið í samstarfi við Lækjarbrekku þar sem þátttakendur nutu afbragðs þjónustu og matar.

Það var Sveinn Rúnar Másson sem bar sigur úr býtum eftir stuttan heads-leik við Björn Elvar Sigmarsson sem varð í öðru sæti.

Röð efstu manna og verðlaunafé var sem hér segir:

  1. Svein Rúnar Másson, 840.000 kr.
  2. Björn Elvar Sigmarsson, 565.000 kr.
  3. Jón Ingi Þorvaldsson, 400.000 kr.
  4. Guðmundur Hólm Ólafsson, 295.000 kr.

Við óskum Sveini til hamingju með sigurinn og nafnbótina Stórbokki 2019!

Mótsstjóri var Viktor Lekve og í störfum gjafara voru Sigurlín (Silla) Gústafsdóttir, Alexander Sveinbjörnsson og Sasa Drca.  Við þökkum þeim fyrir frábær störf við framkvæmd mótsins.

Við þökkum einnig Hugaríþróttafélaginu fyrir frábært samstarf en helmingur þátttakenda vann sér inn miða á Stórbokkann í undanmótum þar.

Gerð var undanþága frá reglugerð PSÍ um þátttökugjöld á þessu móti og var fyrirfram ákveðið fast hlutfall til að mæta kostnaði við mótshaldið.  Heildarþátttökugjöld á mótinu voru 2.440.000 kr. (17 entry + 4 re-entry) og var heildarkostnaður við framkvæmd mótsins 2.454.380 kr.

 

Stórbokkinn 2019

/0 Comments/by

Stórbokkinn hefur verið galamót íslensku pókersennunar í gegnum tíðina og verður engu til sparað þetta árið.

Spilað verður í glæsilegu húsnæði Lækjarbrekku þann 18. maí nk. (Ath. breytta dagsetningu frá áður útgefinni mótadagskrá).  Innifalið í verði er sérvalin 3ja rétta Stórbokka matseðill.

Mótið verður allt hið veglegasta. Spilað verður lokaborð á sérsmíðuðu borði og verða dealerar á öllum borðum.

 

Þátttökugjald:  120k (100k+20k), matur innifalinn.

Re-entry:  100k (fer allt í prizepool).

 

Takmarkað sætaval, skráning fer fram hér.

Sævar Ingi er Smábokkinn 2019

/0 Comments/by

Það var Sævar Ingi Sævarsson sem hreppti titilinn Smábokkinn 2019 og 319.000 í verðlaunafé.  Í öðru sæti varð Tomasz Kwiatkowski og í því þriðja Mindaugas Ezerskis.  Þeir 9 efstu sem komust á lokaborðið skiptu verðlaunafénu á milli sín og hér að neðan má sjá hvernig 9 efstu sætin röðuðust.

Alls tóku 59 einstaklingar þátt í mótinu og 10 þeirra kepptu bæði á degi 1a og 1b þannig að skráningar voru alls 69 talsins, sem er umtalsverð fjölgun frá því í fyrra en þá voru skráningar 51.  Heildar þátttökugjöld voru 1.380.000 kr. og fóru 1.212.000 af því í verðlaunafé eða 87,8% og kostnaðarhlutfall því 12,2%.

Mótið fór fram hjá Spilafélaginu að Grensásvegi og þökkum við forsvarsmönnum þess kærlega fyrir samstarfið við framkvæmd mótsins. Mótsstjóri var Már Wardum og auk hans sáu Inga Kristín Jónsdóttir og Einar Þór Einarsson um störf gjafara á lokadeginum. Það var mál manna að mótið hefði tekist vel í alla staði og þakkar stjórn PSÍ öllum sem komu að framkvæmd mótsins fyrir vel unnin störf og félagsmönnum fyrir góða þátttöku!

Sæti Nafn Verðlaunafé
1 Sævar Ingi Sævarsson 319000
2 Tomasz Kwiatkowski 289000
3 Mindaugas Ezerskis 165000
4 Branimir Jovanovic 125000
5 Gylfi Þór Jónasson 97000
6 Júlíus Pálsson 76000
7 Einar Eiríksson 59000
8 Guðmundur Helgason 46000
9 Dominik Wojciechowski 36000

 

Hér að neðan má sjá nokkrar myndir frá lokaborðinu.

Staðan á Smábokka eftir dag 1

/0 Comments/by

Það voru alls 69 skráningar sem bárust á Smábokkann 2019, 30 á degi 1a og 39 á degi 1b.  Þar af voru 10 sem léku báða dagana, þannig að það voru alls 59 einstaklingar sem tóku þátt.

Prizepoolið endar í 1.212.000 kr. og verður það kynnt í upphafi dags 2 á morgun hvernig það mun skiptast á milli verðlaunahafa.

Það voru alls 21 sem komust áfram á dag 2, sex komust áfram af degi 1a og fimmtán af degi 1b.

Mótið hefst að nýju kl. 13:00 á morgun, laugardag.  Upphafsstakkur var 40.000 og dagur tvö hefst á leveli 10, 1500/3000 með 3000 BB ante og meðalstakkur er þá 131k.

Hér má sjá röð þeirra sem komust áfram, raðað eftir stakksstærð:

1 Örnólfur smári Ingason 326000
2 Guðmundur Helgason 317900
3 Tomasz Kwiatkowski 258500
4 Saevar Ingi Saevarsson 257100
5 Mindaugas Ezerskis 250800
6 Branimir Jovanovic 200100
7 Júlíus Pálsson 141700
8 Gylfi Þór Jónasson 133700
9 Svavar Ottesen berg 127300
10 Hafsteinn Ingimundarson 101500
11 Þorvar Harðarson 94200
12 Einar Eiríksson 78300
13 Valdimar Johannsson 73600
14 Hafsteinn Ingvarsson 73500
15 Ívar Thordarson 68800
16 Ívar Örn Böðvarsson 61700
17 Trausti Atlason 55300
18 Viljar Kuusmaa 46600
19 Atli Sigmar Þorgrímsson 35300
20 Trausti Pálsson 34400
21 Dominik Wojciechowski 22400