Steinar er Smábokki annað árið í röð!

Við þökkum félagsmönnum fyrir góða þátttöku í Smábokka sem lauk núna kl.23:00 í kvöld en. Alls tóku 53 þátt í mótinu og voru endurkaup í mótið 25 talsins þannig að alls voru 78 entry í mótið. Verðlaunaféð endaði í 1.989.000 og var námundað upp í sléttar 2.000.000 sem skiptist á milli 9 efstu leikmanna. Kostnaðarhlutfall mótsins var slétt 15%.

Það var Steinar Edduson sem stóð uppi sem sigurvegari annað árið í röð eftir hálftíma heads-up viðureign við Brynjar Bjarkason. Það út af fyrir sig er sögulegur árangur að vinna mótið tvö ár í röð en ekki síður í ljósi þess að hann hóf dag 2 með aðeins 4 BB.

Mótið var í þetta sinn haldið sem hluti af pókerhátíðinni Midnight Sun Poker 2025, þar sem Bræðingi, Smábokka og Stórbokka er slegið saman í 5 daga póker veislu ásamt nokkrum hliðarmótum. Hátíðin var lítillega kynnt á erlendum vettvangi og komu 5 erlendir gestir á mótið, þar af 4 í top 20 á lista Hendon Mob yfir svokallaða “flaghunters”.

Það var Steinar Edduson sem stóð uppi sem sigurvegari annað árið í röð eftir hálftíma heads-up viðureign við Brynjar Bjarkason. Það út af fyrir sig er sögulegur árangur að vinna mótið tvö ár í röð en ekki síður í ljósi þess að hann hóf dag 2 með aðeins 4 BB.

Þeir sem skiptu verðlaunasætunum með sér voru:

1. Steinar Edduson, 565.000
2. Brynjar Bjarkason, 400.000
3. Daniel Jacobsen, 280.000
4. Steinar Geir Ólafsson, 215.000
5. Gunnar Árnason, 165.000
6. Karol Polewaczyk, 125.000
7. Rhonda Shepek, 100.000
8. Örn Árnason, 80.000
9. Daníel Pétur Axelsson, 70.000

Jón Ingi Þorvaldsson, gjaldkeri PSÍ sá um skipulagningu mótsins og mótsstjórn og í hlutverkum gjafara voru þau Alexander, Edward, Dísa, Rannveig, Tobba, Erika, Korneliusz og Bart.

Við þökkum Hugaríþróttafélaginu kærlega fyrir samstarfið og fyrir að veita okkur aðgang að aðstöðu félagsins. Einnig þökkum við Coolbet fyrir að halda fyrir okkur undanmót eins og þeim einum er lagið en tíð undanmót vikurnar fyrir mótið voru tvímælalaust lykill að góðri þátttöku.

Að lokum óskum við Steinari til hamingju með þennan sögulega árangur og hlökkum til að sjá félagsmenn á lokamóti Midnight Sun Poker, Stórbokka sem hefst kl. 13:00 á morgun, sunnudag!

Einnig fór fram mjög líflegt 20K re-entry hliðarmót samhliða degi 2 á Smábokka og þar sem 23 tóku þátt og endurkaup voru 22 talsins. Verðlaunafé var 765.000 og skiptist á milli 6 efstu sæta og það voru þeir Alexander Njálsson og Sigurður Þengilsson sem skiptu með sér efstu tveimur sætum og spiluðu svo upp á fyrsta sætið og hafði Alexander betur heads-up.

1. Alexander Njálsson 225.000
2. Sigurður Þengilsson 225.000
3. Koen Roos 120.000
4. Björn Þór Jakobsson 85.000
5. Rúnar Rúnarsson 60.000
6. Dominick French 45.000