Bein lýsing frá degi 2 á ÍM 2020
Magnús Valur Böðvarsson er mættur í hús og mun halda úti beinni lýsingu frá degi 2 á ÍM 2020.
Staðan eftir dag 1 á ÍM 2020
Degi 1C var að ljúka núna um miðnættið og af þeim 95 sem hófu leik þá standa nú 67 eftir í upphafi dags 2 sem hefst kl. 12:00 á morgun, laugardaginn 6. mars.
Björn Sigmarsson hefur talsverða forystu í upphafi dags 2 með 205.000 en upphafsstakkur var 40.000. Óskar Þór Jónsson er annar í röðinni með 144.200, Gunnar Gunnarsson er þriðji með 127.200 og nýbakaður PLO meistari, Egill Þorsteinsson fylgir fast á hæla hans með 125.400.
Bein lýsing hefst hér á vef PSÍ kl. 16:30 á degi 2 og er það hinn góðkunni Magnús Valur Böðvarsson sem mun sjá um lýsinguna. Á sunnudag verður síðan bein myndsending frá lokaborðinu og verður Magnús þá í myndverinu og gefur áhorfendum innsýn í það sem er að gerast við borðið.
Hér að neðan má sjá borðaskipan í upphafi dags 2 og stöðu allra keppenda má finna í þessu skjali hér undir flipanum “Entries”: https://cutt.ly/GkTXhXo
Íslandsmótið í PLO 2020
Næsta mót á dagskrá hjá okkur er síðbúið Íslandsmót í PLO fyrir 2020.
Mótið fer fram laugardaginn 27. febrúar hjá Poker Express, Nýbýlavegi 8, og hefst kl. 14:00.
Þátttökugjald er kr. 40.000 ef greitt er fyrir kl. 12:00 laugardaginn 27. febrúar.
Eftir það hækkar gjaldið í 45.000.
Boðið er upp á eitt re-entry í mótið.
Skráningarfrestur og frestur til að kaupa sig inn aftur rennur út eftir level 8 eða um kl. 18:30.
Mótsstjóri verður Einar Þór Einarsson.
Nánari upplýsingar um fyrirkomulag móts og strúktúr má finna hér.
Undanmót fyrir Íslandsmótið í PLO:
- Sunnudag 20. feb. kl. 18:00 – Coolbet, €20 með re-entry.
- Þriðjudag 22. feb. kl. 19:30 – Poker Express, Nýbýlavegi 8
- Miðvikudag 23. feb. kl. 20:00 – Coolbet, €20 með re-entry.
- Fimmtudag 24. feb. kl. 19:00 – Hugaríþróttafélagið, Síðumúla 37
Einn miði tryggður í hverju undanmóti!!
Facebook event: https://www.facebook.com/events/451239512898528
Mótanefnd PSÍ áskilur sér rétt til þess að fella mótið niður ef fjöldi skráðra þátttakenda verður undir 12 við upphaf móts. Nýtt verður heimild í reglugerð PSÍ um mótahald til þess að tryggja að kostnaðarhlutfall fari ekki yfir 15%. Því er tryggt að amk. 85% af þátttökugjöldum fari í verðlaunafé.
Íslandsmót í póker 2020
Nú er loksins að opnast á mótahald hjá okkur og við ætlum að klára mótadagskrána fyrir 2020 með glæsibrag og blásum til Íslandsmóts í PLO 27. febrúar og Íslandsmótsins í póker dagana 3.-7. mars. nk.
Mótin fara fram í sal Póker Express við Nýbýlaveg 8 og verður dagur 1 á ÍM í póker nú þrískiptur þar sem hámarksfjöldi þátttakenda á hverjum degi verður 40. Hámarksfjöldi þátttakenda á PLO Íslandsmótinu verður einnig 40. Ef fjöldi fer upp fyrir það fara umframskráningar á biðlista.
Skráning og greiðsla þátttökugjalda er hafin á vef PSÍ (www.pokersamband.is/shop)
Dagur 1a, miðvikudaginn 3. mars verður tekinn frá fyrir þá sem hafa unnið og munu vinna miða á undanmótum.
Dagur 1b, fimmtudaginn 4. mars er opinn fyrir skráningar og dagur 1c verður síðan opnaður þegar dagur 1b fyllist og við munum reyna eftir bestu getu að haga málum þannig að þeir sem koma utan af landi geti leikið dag 1c á föstudeginum.
Við viljum biðja félagsmenn um að sýna því skilning að strangar sóttvarnarreglur verða í gildi og allt skipulag mótsins mun bera keim af því. Við viljum einnig biðja þátttakendur að sýna því skilning ef færa þarf skráningar á dag 1 á milli daga. Núgildandi sóttvarnarreglur PSÍ má finna hér og verða þær nánar kynntar þegar nær dregur.
Strúktúr og dagskrá fyrir ÍM í póker 2020 má finna hér.
Skráið ykkur endilega á facebook event sem sett hafa verið upp:
Staðan eftir dag 1 á Smábokkanum
Það voru alls 62 entry í Smábokkann að þessu sinni, 33 á degi 1a og 29 á degi 1b, og alls 49 leikmenn sem tóku þátt.
12 komust áfram af degi 1a og síðan 12 til viðbótar af degi 1b þannig að það eru 24 sem hefja leik á degi 2 sem hefst kl. 13:00 á morgun, laugardag.
Hér má sjá stöðu og sætaskipan í upphafi dags 2:
| Nafn | Stakkur eftir dag 1 | Borð | Sæti |
| Halldór Már Sverrisson | 156.200 | 5 | 6 |
| Alexandru Marian Florea | 124.900 | 5 | 8 |
| Einar Þór Einarsson | 121.900 | 5 | 5 |
| Sveinn Rúnar Másson | 116.800 | 5 | 1 |
| Þórður Örn Jónsson | 109.300 | 5 | 3 |
| Örnólfur Smári Ingason | 108.200 | 4 | 9 |
| Micah Quinn | 107.200 | 1 | 2 |
| Júlíus Pálsson | 104.300 | 4 | 7 |
| Andrés Vilhjálmsson | 99.300 | 1 | 9 |
| Jón Gauti Arnason | 95.700 | 1 | 4 |
| Hafsteinn Ingimundarson | 77.000 | 4 | 2 |
| Örn Árnason | 70.600 | 5 | 7 |
| Guðmundur H. Helgason | 68.300 | 5 | 4 |
| Trausti Atlason | 67.800 | 1 | 3 |
| Brynjar Bjarkason | 63.300 | 4 | 4 |
| Trausti Pálsson | 63.200 | 4 | 6 |
| Jón Ingi Þorvaldsson | 54.500 | 1 | 5 |
| Egill Örn Bjarnason | 53.100 | 1 | 7 |
| Ingvar Sveinsson | 47.600 | 4 | 3 |
| Hafþór Sigmundsson | 44.400 | 1 | 1 |
| Friðrik Guðmundsson | 39.600 | 4 | 5 |
| Einar Eiríksson | 37.300 | 1 | 8 |
| Ívar Örn Böðvarsson | 15.500 | 5 | 2 |
| Sævaldur Harðarson | 14.600 | 4 | 1 |
Verðlaunafé er samtals 1.280.000 kr. og mun skiptast á milli þeirra 9 efstu sem komast á lokaborð.
| Sæti | Verðlaunafé |
| 1 | 364.000 |
| 2 | 256.000 |
| 3 | 180.000 |
| 4 | 138.000 |
| 5 | 104.000 |
| 6 | 80.000 |
| 7 | 62.000 |
| 8 | 52.000 |
| 9 | 44.000 |
| 1.280.000 |
Við óskum öllum góðs gengis á degi 2 og megi sá heppnasti/besti vinna… 😉
Smábokkinn 2020
Smábokkinn verður haldinn dagana 5.-7.mars í ár og fer að þessu sinni fram í sal Hugaríþróttafélagsins.
Það verður þétt röð undanmóta næstu daga og hefjast lætin með ókeypis undanmóti fyrir PSÍ félagsmenn!
Dagskráin næstu daga verður sem hér segir:
Lau. 29. feb. kl. 17:00 – Free-roll fyrir Smábokkann!!
Sun. 1. mars kl. 18:00 – €11 undanmót á Coolbet
Sun. 1. mars kl. 20:00 – €11 undanmót á Coolbet
Mán. 2. mars kl. 20:00 – €11 undanmót á Coolbet
Þri. 3. mars kl. 19:00 – 2k 1R1A Undanmót hjá Hugaríþróttafélaginu
Mið. 4. mars. kl. 20:00 – €11 undanmót á Coolbet
Fim. 5. mars kl. 19:00 – Smábokkinn 2020, dagur 1a
Fös. 6. mars kl. 19:00 – Smábokkinn 2020, dagur 1b
Lau. 7. mars kl. 13:00 – Smábokkinn 2020, dagur 2
Lau. 7. mars kl. 15:00 – 10k ótakm. re-entry hliðarmót
Skráning og greiðsla þátttökugjalda fer eins og venjulega fram hér á vef PSÍ.
Dagskrá og strúktúr mótsins má finna hér.
Sú breyting verður nú frá fyrri árum að einnig verða gjafarar á degi 1a og 1b, en ekki bara á degi 2 eins og undanfarin ár.
Mótsstjóri á Smábokkanum verður Viktor Lekve og Andri Geir mun sjá um mótsstjórn á Free-roll undanmótinu.
Tournament Directors Association reglurnar
Undanfarin 3 ár hefur PSÍ stuðst við reglur frá Tournament Directors Association (TDA) í öllum mótum á vegum sambandsins. Jafnt og þétt hefur einnig verið stefnt að því að allir mótsstjórar í mótum á vegum PSÍ hafi tekið próf í reglunum og fengið TDA certification.
TDA eru opin félagasamtök og eru því óháð einstökum fyrirtækjum eða hagsmunaaðilum. Reglurnar eru bæði skýrar og mjög ítarlegar og er haldið reglulega við en nýjar útgáfur koma frá samtökunum á tveggja ára fresti að jafnaði og samtökin og reglur þeirra eru stöðugt að ná meiri útbreiðslu. Það þótti því ákjósanlegt að styðjast við þessar reglur umfram aðra kosti.
Nú þegar hafa fjórir félagsmenn í PSÍ gengið í gegnum vottunarferlið hjá TDA. Þeir eru Einar Þór Einarsson, Jón Ingi Þorvaldsson, Viktor Lekve og Andri Geir Hinriksson. Það er tiltölulega einfalt ferli sem við hvetjum alla sem sinna dómgæslu á mótum eða störfum gjafara til að fara í gegnum. Prófið kostar aðeins $10 (fyrir tvær tilraunir) og tekur u.þ.b. klukkustund að fara í gegnum það. En að sjálfsögðu ráðleggjum við að lesa reglurnar ítarlega fyrst en þær má finna hér. (Smellið hér fyrir nánari upplýsingar um prófið).
PSÍ greiðir prófgjaldið fyrir alla sem taka á einhvern hátt þátt í störfum PSÍ. Þess má geta að það að sækja fræðslu um reglurnar og að taka TDA vottun er metið til hækkunar á launum gjafara í mótum á vegum PSÍ (sjá nánar hér).
Við hvetjum einnig alla klúbba sem halda mót til þess að styðjast við sömu reglur og hafa upplýsingar um það á áberandi stað hvaða reglur gildi.
Frá ársþingi 2020
Ársþing PSÍ var haldið í dag, sunnudaginn 26.janúar 2020. Þingið fór fram í Kornhlöðunni, veitingastaðnum Lækjarbrekku og mættu 5 félagsmenn til fundar. Það er oft sagt að það sé merki um almenna ánægju með stjórnun félagasamtaka þegar fáir mæta til aðalfundar og vonum við að fámennið í dag megi túlka sem svo.
Allir aðalmenn í stjórn gáfu kost á sér til áframhaldandi setu og komu tveir nýir varamenn inn í stjórn.
Stjórn PSÍ skipa:
- Már Wardum, formaður
- Jón Ingi Þorvaldsson, gjaldkeri
- Einar Þór Einarsson, ritari
- Jónas Tryggvi Stefánsson, varamaður
- Guðmundur Helgi Helgason, varamaður
Í mótanefnd eru:
- Viktor Lekve
- Einar Þór Einarsson
- Guðmundur Helgi Helgason
Laga- og leikreglnanefnd skipa:
- Jón Ingi Þorvaldsson
- Jónas Tryggvi Stefánsson
- Einar Þór Einarsson
Þrjár breytingar voru gerðar á lögum sambandsins og eru þær þegar komnar hér inn á vef PSÍ.
Undir liðnum “önnur mál” var meðal annars rætt um hvernig efla mætti þátttöku kvenna í póker á Íslandi, hvort ákvarðanir um gjaldskrá og rekstur sambandsins ættu að vera teknar af ársþingi eða af stjórn, samstarfið við Coolbet, hvernig hægt væri að koma betur til móts við félagsmenn sem ekki eru íslenskumælandi, kaup á tölvubúnaði til að nota á mótum, samstarf við erlend pókersambönd ofl.
166 félagsmenn greiddu árgjald á árinu 2019, heildarvelta sambandsins var 13,7 mkr. og afkoma af rekstri var jákvæð um 459 þús kr. á árinu.
Hér má nálgast ársskýrslu og önnur fundargögn frá þinginu.
Íslandsmótið í Póker 2019!
Íslandsmótið í póker verður haldið helgina 1.-3. nóvember í ár. Mótið verður með svipuðu sniði og í fyrra og verður haldið á sama stað, enda virtist almenn ánægja með fyrirkomulagið.
Mótið verður haldið á Hótel Völlum í Hafnarfirði og hefst það kl. 17:00 á föstudeginum 1. nóvember. Dagur 2 hefst kl. 12:00 á laugardag 2.nóv og síðan verður lokaborðið leikið kl. 13:00 á sunnudeginum.
Mótið er opið öllum 18 ára og eldri og hlýtur sigurvegarinn titilinn Íslandsmeistari í póker, óháð þjóðerni.
Þátttökugjald er kr. 60.000 og er einungis tekið við skráningum á hér vef PSÍ.
Sjá nánari upplýsingar um strúktúr og dagskrá hér.
Skráið ykkur einnig endilega inn á þetta event hér á facebook.
The 2019 Icelandic poker championship will be held 1-3 November.
The tournament will be held at Hotel Vellir in Hafnarfjördur (near Reykjavik) and will start at 17:00 on Friday the 1st. Day 2 will start at 12:00 on Saturday the 2nd and will be played down to 9 players. The final table will be played on Sunday the 3rd.
The tournament is open to all nationalities and the winner will receive the title Icelandic Champion regardless of nationality.
Entry fee is ISK 60.000 and registration is only available through this page.
Click here for more information on structure and schedule.
Please also register on this event on facebook.
Ívar Örn er Íslandsmeistari 2018!
Íslandsmótinu í póker 2018 var að ljúka um kl. 19:00 í kvöld. Það var Ívar Örn Böðvarsson sem bar sigur úr býtum og hlýtur að launum 1.150.000 í verðlaunafé. Í öðru sæti varð Sævar Ingi Sævarsson með 790.000 í verðlaunafé og í því þriðja varð Aðalsteinn Jóhann Friðriksson með 520.000.
Heildarlista yfir þátttakendur og verðlaunahafa má finna hér og hér má sjá nokkur myndskeið frá lokaborðinu á facebook síðu PSÍ.
Við óskum Ívari til hamingju með titilinn og öllum sem unnu til verðlauna til hamingju með góðan árangur.
Einnig var haldið 15k second chance mót og þar voru það þeir Örn Árnason, Jónas Nordquist og Kristján Valsson sem skiptu með sér verðlaunafé fyrir 3 efstu sætin.
Mótsstjórar voru Jón Ingi Þorvaldsson og Viktor Lekve. Í störfum gjafara voru Sigurlín Gústafsdóttr (Silla), Ágústa Kristín Jónsdóttir, Haukur Einarsson, Mæja Unnardóttir, Sigurður Þór Ágústsson, Smári Helgason, Tomasz Kwiatkowski og Sunna Kristinsdóttir. Við þökkum þeim öllum kærlega fyrir vel unnin störf um helgina og þökkum einnig öllum sem tóku þátt í mótinu og aukaviðburðum um helgina fyrir þátttökuna og drengilega keppni en mótið fór einstaklega vel fram í alla staði. Þökkum einnig Pokerstore.is og Magma fyrir gott samstarf um framkvæmd mótsins.
Næsta mót á dagskrá er online Íslandsmót sem haldið verður í desember og verður það kynnt nánar á næstu vikum.
