Íslandsmótið í póker 2017 Bein textalýsing dagur 3

Já góðan daginn kæru lesendur. Dagur 3 er hafinn

12:03 Dagurinn byrjaður

ætla koma með chipcount:

Anika Mai 42.500

Einar Eiríksson 43.000

Brynjar Bjarkason 176.000

Hafsteinn Inigmundarsson 131.800

Ísak Finnbogason 398.000

Eysteinn Einarsson 113.000

 

Borð 2

Garðar Geir Hauksson 314.000

Jón Freyr Hall 157.700

Haukur Már Böðvarsson 84.700

Guðmundur Helgi Ragnarsson 151.200

Jóhann Klemenz Björnsson 97,100

Sigurður Dan 174.000

 

12:08 Allir mættir

Allir spilarar mótsins eru mættir á réttum tíma en það var mikið fjör í gærkvöldi

12:11 Seinasta konan dottinn út

Það var all inn og kall og ég kallaður til. Anika Mai fór allinn með seinustu 40k sín. Hún var kölluð af chipleadernum Ísaki. Ísak var með KJ gegn 88 hjá Aniku. Borðið kom Q6J34 og Anika er út. 13 spilarar eftir. 10 fá borgað og spilað er fram í seinustu 9

12;20 Einar tekur vel af Garra

Kom að borði sem las 9 9 9 Q J og Garri hafði veðjað út 51k . Einar kallaði með AQ á meðan Garri hafði 44

12:43 Rólegt þessa stundina. Hliðarmót hefst kl 13:00

Hliðarmót 10k second chance á að hefjast kl 13.00. Annars er allt frekar rólegt í gangi í aðalmótinu. 13 eftir.

12;53 Siggi Dan tekur af Jóni

Kem að borði sem les 7 5 3. Action hafði verið raise og reraise preflop. Jón bettar 41,7k á flopp og siggi kallar. tur kom K river 9 en báðir tékkuðu niður. Siggi með 87 fyrir par sem var gott. Jón sagðist hafa verið með AQ

12:57 Brynjar Bjarkason fórnarlamb Ingvars

Kem að borði sem les 10 Q 8. Brynjar Bjarkason fór allur inn og Ingvar Ragnarsson kallar. Hvorugir voru með par. Brynjar með AJ gegn KJ hjá Ingvari. Ingvar open ended og 9 lét sjá sig á turn fyrir röð hjá Ingvari. Brynjar þurfti K fyrir hærri röð en hún lét ekki sjá sig.

12:59 Einar Eiríkss tvöfaldar

Höndina á eftir fer Einar Eiríksson allur inn og aftur var það Ingvar sem kallaði. Einar var með AK gegn AJ hjá Ingvari. Floppið datt 882 turn K og höndin því búin. Einar að ná í mikilvæga tvöföldun.

13:07 Hornafjörður kveður

Það verður ekkert back to back lokaborð hjá Jóhanni Klemens þar sem hann er dotinn úr leik. Garðar Geir hækkaði fyrir floppið og Einar Már og Jón Freyr kölluðu. Jóhann Klemens var í bb og fór allur inn fyrir um 54 k. Garðar hugsar sig smá um og kallar, Einar foldar hann var víst með 88 og Jón Freyr tankar smá og endar með að folda með 1010. Svo komu hendurnar. Klemmi með K7 gegn 77 hjá Garra báðir spilarar sem folduðu með betri hönd en Garri. Svo kom borðið x x x x 7 og Garri tekur Jóhann Klemens út. Bubblan að fara í gang. 11 spilarar eftir. Avg er 212k

13:17 Blindahækkun 1500/3000 ante 300 Hand for hand. 

13:25 Einar krakkar ása

Kem að borði sem er að fara í showdown. Það var merkilega lítill pottur í miðjunni þegar maður sá hendurnar. Þar var einar með 55 og hafði hitt sett gegn AA hjá Jóni Frey. Giska að það hafi verið undir 30k.

13:28 Bubblan sprungin. Loftbólustrákur 2017 Haukur Már Böðvarsson

Einar hafði hækkað og Haukur fór allur inn. Einar kallaði. Haukur var með AQ gegn JJ hjá Einari. Haukur náði ekki að tengjast borðinu sem las 5 3 10 6 9 og Haukur því út. Núna þarf bara einn í viðbót til að ná fram lokaborði sem mun vera haldið í Reykjavík um næstu helgi. Það verður sjónvarpað beint á facebook live.

13;35 Guðmundur Helgi tekur slatta af Jóni

Kom að borði á river sem las 6 3 3 Q 8. Gummi setti 43k á river og Jón Freyr kallaði. Gummi sýndi 43 fyrir trips sem var mjög gott. Lægstu stakkarnir eru núna Einar Eiríksson með 67k, og Jón Freyr og Haddi með um 80-90k.

13:38 Haddi fyrstur allin á lokaborðsbubblu

Haddi málari var fyrstur allur inn á lokaborðsbubblunni en fékk ekki kall. Hand for hand heldur áfram.

13:42 Lokaborðið klárt. 10.sæti Eysteinn Einarsson 141.000

Eysteinn hafði hækkað pre. Ingvar endurhækkaði, Ísak cold kallar og Eysteinn kallar. Borðið les 2 3 4. Eysteinn fer allur inn og Ingvar foldar. Ísak kallar. Eysteinn með 8 8  gegn 10 10 hjá Ísaki. Turn 10 svona til að taka alla spennu úr þessu. Chipcount kemur eftir smá.

13:50 Stakkastærðir fyrir lokaborðið. Hnífsdælingurinn Ísak leiðir

Ísak Finnbogason 615k (Hnífsdalur)

Ingvar Óskar Sveinsson 447k (Ísafjörður)

Einar Már Þórólfsson 318k (Húsavík)

Sigurður Dan Heimisson 251k (Kópavogur)

Guðmundur Helgi Ragnarsson (251k) (Akureyri)

Garðar Geir Hauksson 233k (Garðabær)

Hafsteinn Ingimundarsson 82k (Reykjavík)

Jón Freyr Hall 72 k (Dalvík)

Einar Eiríksson 66k (Reykjavík)

 

 

Bein textalýsing frá Íslandsmótinu í póker. Dagur 2

Góðan daginn kæru lesendur dagur 2 er að hefjast

11:00 Dagur 2 hafinn

Dagur 2 er hafinn. Skal koma með borðaskipan eftir smá stund.

11:06 Pétur Dan út strax á degi 2

Shovaði seinustu 5k sínum með JQ gegn A10 hjá Jóhanni Klemenz og náði ekki að tengjast borðinu.

11:07 Borðaskipan

Borð 1

  1. Haukur Már Böðvarsson
  2. Hafþór Sigtryggsson
  3. Arnar Þór
  4. Steinar Geir
  5. Daníel Már Pálsson
  6. Guðni Rúnar
  7. Einar Eiríksson
  8. Einar Már Þórólfsson

Borð 2

  1. Daníel Pétur Axelsson
  2. Sigurður Dan Heimisson
  3. Steinar Bragi
  4. Ísak Finnbogason
  5. Brynjar Bjarkason
  6. Sævar Valdimarsson
  7. Brynjar Guðmundsson

Borð 3

  1. Gunnar Örn Jóhannsson
  2. Valur Heiðar Sævarsson
  3. enginn
  4. Snorri Sturluson
  5. Jóhann Klemenz
  6. Valdís
  7. Garðar Geir Hauksson
  8. Hrannar Fernandez

Borð 4.

  1. Leon Sucha
  2. Kalmann Caba
  3. Sverrir Karl
  4. Hlöðver Þórarinsson
  5. Guðmundur Helgi Ragnarsson
  6. Sverrir Berg
  7. Anika Mai

Borð 5.

  1. Guðjón Heiðar Valgarðsson
  2. Agnar Jökull
  3. Hlynur Sverrisson
  4. Viktor Helgi Benediktsson
  5. Kári Sigurðsson
  6. Ingvar Óskar Sveinsson
  7. Sigurður Eyberg Guðlaugsson

Borð 6.

  1. Logi Unnarsson Jónsson
  2. Jón Freyr
  3. Ingi Þór Einarsson
  4. Inga poko
  5. Jón Ingi Þorvaldsson
  6. Kristján Bragi Valsson
  7. Sævaldur Harðarson

11:21 Sævaldur og Sverrir fljótir að falla

Sævaldur var allur inn á floppi sem las 10 J Q og Logi Unnarsson Jónsson var eini kallarinn. Sævaldur sýndi  8 9 fyrir floppaða röð. Því miður fyrir hann þá var Logi með AK fyrir hærri floppaða röð. Turn kom 10 river A

Þá datt Sverrir Matthíasson út þegar hann fór allur inn fyrir flopp með Q10 í hjarta gegn A9 í hjarta hjá Kalmanni. Sverrir náði ekki að tengjast borðinu og er dottinn út.

Q10 hh gegn A9 Sverrir Matthíasson, Kalmann.

11:30 Steinar Edduson og Eysteinn komnir inn

Steinar Edduson og fyrrum íslandsmeistarinn Eysteinn Einarsson eru komnir inn í mótið. Það er víst late reg til 16:00 í dag.

11:32 Guðni Rúnar tvöfaldar sig

Fyrrum Elliða leikmaðurinn var að tvöfalda sig. Hann var allur inni með A10 gegn AQ hjá Einari Eiríkssyni á borði sem las A10x K á turn gaf smá svita en Guðni hélt og tvöfaldaði sig.

11:38 Hvar er Danni Már????

Menn eru farnir að hafa áhyggjur af einum okkar ástsælustu spilurum. Danni Már er ennþá ekki mættir. Spurning hvort hann hafi verið í góða heiminum í gær og eigi erfitt með að vakna. Ætlar enginn að vekja drenginn?

11:46 Ísak tvöfaldar sig í gegnum kjaftinn

Ísak Finnbogason var rétt í þessu að tvöfalda sig. Hann og Daníel Pétur Axelsson voru að battla á borði sem las J x x. Spilapeningarnir enduðu inni. Danni “the mouth” var með QQ fyrir yfirpar gegn JJ hjá Ísaki fyrir topp setti. Danni dottinn niður í 13k í vondum málum.

11:51 Another one bites the dust

Sverrir Berg er dottinn út, rétt kom að borðinu þegar hann var að standa upp. Hann hafði haft 1010 gegn K4 í laufi hjá Guðmundi Helga, þeir höfðu farið allir inn á floppinu þar sem Guðmundur Helgi átti þennan bullandi fína litadrátt og að sjálfsögðu kom laufið fyrir Gumma og Sverrir er dottinn úr leik.

11:56 Haukur kjaftar Arnar til að folda

Kom að borði sem las A 2 7 með 2 hjörtum. Haukur hafði bettað og Arnar endurhækkað, Haukur setti Arnar allan inn. Arnar var djúpt hugsi og leit á höndina sína aftur og aftur enda búinn að láta um það bil helming af stakknum sínum í pottinn. Haukur gat ekki hætt að tala til að reyna sannfæra hann um að leggja höndinni og nokkuð ljóst að hann vildi alls ekki kall. Arnar lagði að lokum og sýndi AQ fyrir topp par en Haukur sýndi þó A2 fyrir tvö pör en hann vildi alls ekki kall og var sáttur við pottinn eins og hann var. Haukur Már að byrja daginn ágætlega.

12:00 Kjafturinn er allur

Daníel Pétur Axelsson okkar uppáhalds karakter er dottinn út. Hann hennti seinustu 11k sínum inn með A8 og fékk kall frá Sigga Dan með 99. Danni náði ekki að tengjast borðinu og er dottinn út.

12:14 Hús á móti litaröð

Sá ekki þá hönd en hún var á milli Kára Kongo og Viktors Helga en þá var í borði 88 10 J 8 með þrjá tígla. Kári var með Q9 í tígli fyrir litaröð gegn fullu húsi hjá Viktori. Potturinn varð þó ekki það stór.

12:16 Húsvíkingur að tvöfalda sig

Einar Már Þórólfsson var að tvöfalda sig í gegnum Guðmund Helga. Gummi var opinn í báða enda með Q10 á borði sem las J 9 x gegn AJ hjá Einari Má. Gummi náði ekki að hitta og því tvöfaldaði Einar sig.

12:24 Tveir Jónar og Sunna í rosalegum potti. 

Ég kom að borði sem las Kh 2h 10t Jh 10h. Það var ca 40k í pottinum og Jón Freyr sem hafði leitt pottinn allan tíman ákvað að tékka. Jón Ingi Þorvalds fór allur inn fyrir 24k og Sunna sem kom inní mótið rétt áðan var djúpt hugsi og tankaði í góðan tíma. Ég trúi ekki að ég sé að hugsa um að folda en endar á því að folda. Hún sýndi eftir á Q3 í hjarta fyrir 3d nut lit. Jón Freyr fór í tankinn einnig og mumblaði mér sjálfum sér. “Það sem þú sagðir áðan um að þú færir ekki allinn nema vera með þetta fer dáltið með mig” sagði Jón Freyr enda var Jón Ingi með alveg vel healthy stack. Hann endaði á að folda. 10 á river var ekkert að hjálpa sunnu se hefði átt auðvelda ákvörðun ef eitthvað annað en tía í hjarta hefði sýnt sig.

12:38 Blindahækkun 300/600 ante 75

Blindar hækkuðu fyrir ca korteri uppí 300/600 43 spilarar eftir og avg er 53k

12:39 Blönduós og Dalvík í forystu

Norðurlandið er að gera góða hluti en tveir stærstu mennirnir eru Brynjar Bjarkason frá Blönduósi og Jón Freyr frá Dalvík.

Brynjar Bjarkason 165k

Jón Freyr 130k

Valdís 98k

Hlynur Sverris 100k

Jóhann Klemens 95k

Guðjón Heiðar 95k

Guðmundur Helgi Ragnarsson 88k

Haukur Már Böðvarsson 90k

Siggi Dan 85k

Steinar Bragi 82k

Valur Heiðar Sævarsson 80k

12:53 Danni Már ennþá ZzZzZ

Daníel Már Pálsson er ennþá ekki mættur þó tveir tímar séu búnir af degi 2. Spilararnir á borðinu hans segjast ekki sakna hans sem er vel skiljanlegt.

13:02 “Nú væri gott að vera með drottningar”

Það var skemmtileg hönd í gangi milli Valdísar og Jóhanns Klemenz. Borðið las A Q 2 2. Valdís sem hafði tveim höndum áður verið með drottningar segir ” nú væri gott að vera með drottningar”. Hún bettar svo 4k og Jóhann Klemenz kallar. River er blank. Valdís bettar aftur 4k á river og Klemmi kallar. Valdís sýnir og hvað annað en drottningar QQ fyrir fullt hús.

13:05 3 way allinn og ógeðslegur cooler Vá!!!

Er kallaður á borð 5 þar sem er 3 way allinn preflop. Selfyssingur Siggi Eyberg, Agnar og Kári “kongo” Sigurðsson. Hendurnar rosalegar. Siggi Eyberg með AA, Kári með AK og Agnar með AQ. Floppið rosalegt K K J turn J river blank. Kári tekur tvo spilara út. Ógeðslegt borð og Kári bætir vel við staflann sinn.

13:07 Kristján Bragi í Sunnudagsskapi á laugardegi

Ég kem að borði sem les Qd 3h Kd 4d og spilara peningarnir fara allir inn. Sunna með QQ fyrir toppsett gegn AJdd fyrir flush og royal flushdraw. Sunna nær ekki að fylla uppí á endastrætinu og er úr.

13:13 Vilt kannski frekar vera með AK vs AA þessa stundina

Kem að borði sem las 9h5h7h og actionið mikið milli Brynjars Bjarkasonar og Ísaks. Ísak fer allur inn og Brynjar snapp kallar. Brynjar með AA ekkert hjarta en Ísak með AK með hjarta Kónginn. Turn kom 3c og river 10h. Ísak riverar lit.

13:17 Hús á móti hnetulit

Ég kom að borði sem las 5hQh8hKd5c  potturinn var orðinn frekar stór líklega 35k. Logi “shortstack” Unnarsson Jónsson var allur inn fyrir um 18k og Kristján Bragi Valsson aka mellann á pokerstars var verulega pirraður og sagði að lokum “ég get ekki foldað þessu” en var ekki að elska það að þurfa að kalla. Kiddi með AK í hjarta fyrir hnetulit gegn 88 hjá Loga sem fyllti uppí húsið að endastræti eftir að hafa floppað setti. Logi kominn í fín mál með um 70k en Kiddi er ennþá með 20-30k eftir.

13:27 Gummi rænir af Kongo

Kom að borði sem las Qs 6h Js 3s 5d og slatti af peningum í pottinum. Guðmundur Helgi setur út 18k og Kári kongo hugsar sig vel um kallar. Gummi snýr við 45ss fyrir lit og Kári muckar.

Þá var Steinar Edduson og Sævar Valdimarsson að battla, Sævar lét Steinar allinn sem þurfti góðar mínútur til þess að taka ákvörðun sem endaði með að hann foldaði.

13:44 Smá break. Nýtt level að fara hefjast 400/800 ante 100 Hliðarmót einnig að fara hefjast

Hliðarmótið er 7k bounty mót með leyfilegu rebuy detti maður út á fyrstu 6 levelum.

13:57 Sturlungasaga ekki endurskrifuð

Snorri Sturluson var allur inn með AJ fyrir flopp og fékk kall frá Valdísi með K8.  QJx kom á borðið, turn x river K og Valdís sýgur Snorra út. Það er samt enginn dauði því Snorri getur hoppað beint yfir í hliðarmótið sem er að hefjast.

13:57 Einar styrkir Arnar

Einar Eiríksson ákvað að styrkja Arnar P. Þeir fóru allir inn fyrir flopp. Arnar var með AA gegn A7 hjá Einari sem sagði “ég er bara að styrkja hann” Borðið bauð samt alveg uppá smá svita enda kom 7 á floppið. Önnur 7 lét ekki sjá sig hinsvegar kom A á river f tvö pör hjá Einari en það var ekki gott gegn ásasettinu.

14:03 Ekkert ljón lengur á veginum né mella

Leon var að detta út. Hann fór allur inn yfir hnappahækkun frá Gunnari Erni sem kallaði. Gunnar Örn var með A4 gegn KQ hjá Leon. Gunnar Örn hitti 4 en annars hitti ekkert sem menn þurftu og því Leon dottinn út. Á nákvæmlega sama tíma datt Kristján Bragi Valsson aka mellann en hann var allur inn með AJ gegn A4 hjá Ingu poko. 4 kom á floppið og enginn gosi ákvað að láta sjá sig.

14;05 Leikmenn Hrannast út

Hrannar er dottinn út hann fór allur inn og fékk kall frá bæði Klemma og Valdísi. Borðið rann í gegn og enginn hitti neitt. Jóhann Klemenz sýndi AQ high sem var nógu gott.

Þá datt Viktor Helgi Benediktsson út en hann var allur inn með AJ gegn 77 hjá Guðmundi Helga. Enginn hitti neitt og Viktor datt út. Fjögur knockout á innan við 5 mínútum. Nóg að gerast

14:10 Ottó Marwin vil að spilarar séu duglegri að updeita á twitter.

Hann er allavega að fylgjast vel með.

14:13 Haukur þrjátíuprósentar Arnar út

Haukur Már setti Arnar Smárason allan inn sem kallaði. Arnar með AK gegn A10 hjá Hauki. Lítil tía lét sjá sig á turni og það var nóg gegn Arnari.

14:29 Ísak ekki búinn að átta sig að reyna ekki að bluffa Valdísi

Kom að potti þar sem Ísak setti 12k á river og Valdís snappkallaði með 34 en hún hafði hitt 4 á borðinu sem var bottom par. Það var bullandi gott gegn A5 high hjá ísaki.

14:31 Danna Má update

Daníel Már er búinn að vera þægur í dag og folda öllum höndum dagsins, hann er ennþá ekki mættur.

14:32 Guðni Rúnar getur farið að rúlla í Elliðadalinn

Guðni Rúnar Ólafsson var að detta út. Hann fór allur inn og fékk kall frá Hauki. Haukur er búinn að gera þrjár aðrar tilraunir til að taka hann út og alltaf náði Guðni að tvöfalda sig, í þetta skiptið fór svo ekki. Haukur var með A10 í tígli en Guðni KQ í tígli. Borðið kom J 9 3 allt í hjarta sem gaf auka outs fyrir röð. Turn kom hinsvegar Ás í spaða sem gerði það að verkum að einungis 10 mundi bjarga Guðna. Hún var alls ekki stuðningsmaður Fylkis og lét því ekki sjá sig og Guðni er fallinn úr leik. Hann getur nú einbeitt sér að því að halda áfram í spiladjúsnum.

14:41 Ingi Þór nýjasta fórnarlamb Valdísar

Valdís er gjörsamlega bæði að fá hendur og að spila hverja einustu hönd við borðið. Ingi fór allur inn yfir raise frá henni og Valdís snappkallaði. Ingi spurði “ertu loksins með hönd núna” Já sagði valdís og sýndi AK gegn A9 hjá Inga. Ás kom í borðið en það hjálpaði Inga ekki neitt og Ingi datt út.

Á öðru borði datt Kalmann út en hann átti 5k eftir og fékk kall frá Aniku sem tók hann út. Veit ekki um hendur því miður. Sameining í 4 borð.

14:47 Haddi málari tekur út spilara

Hafsteinn Ingimundarson sem kom seint inní mótið var að taka út Brynjar Guðmundsson. Hendurnar voru AK hjá Hadda gegn AJ og enginn hitti neitt og því AK nóg fyrir málarann.

15:12 Haukur farinn að vera verulega pirraður út í Einar

Haukur og Einar Eiríks hafa verið í svolitlu battli á borðinu og Haukur farinn að vera verulega pirraður eftir að hafa tapað þrisvar sinnum á móti Einari með hátt par 10+ gegn Ax drasli K8 og slíkum höndum.

15:13 Guðmundur Helgi fór illa með Guðjón

Guðmundur Helgi er búinn að vera vel aktífur á borði 5 og að runna vel og fá borgað vel. Áðan floppaði hann 2 pörum gegn Guðjóni Heiðari sem hafði endurhækkað hann fyrir floppið og Gummi kallað með 10 7 off. Hann fékk vel borgað en riverbettið var um 17 k.

15:16 Blindahækkun 500/1000 ante 100

Avg stakkur er 77k eins og er. Ætla fara tékka á stöðu manna.

15:22 Hvað segir þú í dag Hlöðver ……

Hlöðver var að detta út. Fór allur inn með KJ gegn QQ hjá Jóni Frey sem er með skrímslastafla. Hlöðver hitti gosa á floppi en náði ekki að tengjast mið eða endastræti

15:23 Tvær drasl hendur, tveir með tvö pör flushdraw allt í gangi og Kári bítur rykið

Ég kom að borði þar sem í borði var 7 10 3 x með tveim tíglum. Kári Kongó hafði farið allur inn gegn Guðmundi Helga sem kallaði. Gummi var með 7 10 en Kári með 7 3 í tígli og því með tvö lægri pör en flush draw. Kári náði ekki að hitta litinn og því fallinn úr leik. Gummi er hinsvegar að nálgast chipleaderinn.

15:25 Meira meira dót meira dót meiri spilapeningar

Valur “buttercup” Sævarsson var að tvöfalda sig í gegnum Loga Unnarsson Jónsson en hann fór allur inn með AK gegn AJ hjá Loga. K kom á floppið og Logi fékk enga hjálp. Logi kominn í kunnulega stöðu “shortstack” eins og nicknameið hans segir til um.

15:27 Einar Þórólfs tekur af chipleadernum

Húsvíkingurinn Einar Már Þórólfsson eða InarMar eins og sumir þekkja hann var allur inn á borði sem taldi AA106 rainbow gegn Jóni Frey. Einar var með A9 gegn A4 riverið var ekki 4 eða hærra en 9 og því tvöfaldaði Einar sig. Fleiri spilapeningar til Húsavíkur en það eru ennþá nóg af chipsum á Dalvík líka.

15:29 Smá chip updates. 

Jón Freyr 210k

Valdís 195k

Guðmundur Helgi 200k

Siggi Dan 140k

Ingvar Sveinsson 130k.

15:35 Eitt stórt samsæri

Já það hlýtur að vera eitt stórt samsæri þar sem Guðjón Heiðar Valgarðsson er dottinn út. Hann var allur inni með 55 gegn 66 hjá Ingvari. Borðið kom lágt, allt spaði og eini spaðinn sem var í boði var í hönd Ingvars, Guðjón átti einungis 1 spil í stokknum sem gat bjargað honum en það lét ekki sjá sig. Hlýtur að vera samsæri. Býst allavega við einhverjum kenningum frá Guðjóni eftir þetta.

15:45 Logi ekki shortstack lengur, heldur tómur

Svaka preflop action milli Loga og Ísaks. Þeir enduðu allir inni, Logi með KK gegn AA hjá Ísaki. Rosalegur cooler að lenda í því. Logi náði ekki að tengjast borðinu og er því orðinn tómur.

15:46 Siggi Dan platar ekki málarann

Kom að borði sem innihélt K J 10 K x og Siggi Dan veðjaði 14k á river sem var næstum allur stakkur Hadda málara. Hann endaði á að kalla með röð en Siggi Dan hafði verið í ruglinu með drasl og náði ekki að plata málarann.

15:57 Er sæplast að styrkja Jón Frey

Ég veit ekki hvað er í gangi þarna á Dalvík en Jón Freyr getur varla tapað pottum. Hann kallaði Steinar Geir allan inn. Steinar var með raketturnar AA gegn 99 hjá Jóni. X x x flop x turn og svo BOOM! 9 á river og vonir Steinars um íslandsmeistaratitil eru úti.

15:58 Ingvar ” Þú ert ennþá lifandi ….  ef þú foldar

Kom að áhugaverðu borði sem las 10d 2s 4s. Preflop action hafði verið ansi saklaust. Hlynur bettaði út, Ingvar raisti í 12,5k Hlynur reraisti í 31k og Ingvar fór allur inn. Hlynur tankaði lengi. Ingvar sagði “Þú ert ennþá lifandi ef þú foldar”. Hlynur sagði svo þú getur bara verið með tvær hendur og foldar svo.

16:00 Ísak tekur meirhlutan af Gunnar Erni

Kom að borði sem las 10 7 5 4 5 ekkert flushdraw í borði og Ísak setti út 15k value bett en hann hafði veðjað 17k á turn. Gunnar Örn kallaði en var ekki að elska það. Ísak með 10 7 sem var gott. Gunnar Örn með um 30k eftir.

16:17 Steinar Edduson tekinn út af verstu hönd í póker. Garri dobblar sig

Steinar Edduson var allur inn á borði sem las Q x x þrjú hjörtu. Hann var með Q10 með 10 í hjarta. Brynjar Bjarkason var hins vegar með verstu hönd í póker 72 en í hjarta og því með litinn. Steinar náði ekki að hitta runner runner hús eða annað hjarta.

Á sama tíma tvöfaldaði Garðar Geir Hauksson sig í gegnum Valdísi með KJ gegn QJ. Garri hitti flush í leiðinni en þurfti þess ekki.

16:22 Valdís valdís valdís.

Valdís var enn einu sinni að taka mann út, í þetta sinn var það Gunnar Örn Jóhannsson sem féll fyrir hennar hendi. Gunnar Örn var með Q8 í spaða allinn fyrir 29k. Valdís hafði kallað með 66. 6 í glugganum drap höndina og Gunnar Örn getur farið að kíkja í heimsókn til systkina konunnar sinnar sem búa að sjálfsögðu hér í Borgarnesi.

16:37 Break í mótinu

Chipcount svona ca

Haukur Már 148k

Einar Eiríksson 53k

Jón Freyr 230k

Hafsteinn Sigtryggs 44k

Daníel Már Pálsson 1400 (blindast út í næstu hönd)

Einar Már Þórólfsson 67k

Brynjar Bjarkason 120k

Sævar Valdimarsson 94k

Eysteinn Einarsson 55k

Hafsteinn ingimundarson 100k

Sigurður Dan 115k

Jón Ingi Þorvaldsson 61k

ÍSak 160k

Valdís 250k

Jóhann Klemenz 108k

Garðar Geir Hauksson 20k

Ingvar 205k

Valur buttercup 70k

Guðmundur Helgi 195k

Anika 120k

Hlynur 30k

Inga Poko 5900

Kristinn Pétursson 30k

16:50 Blindar 600/1200 ante 200

16:53 Daníel Már svaf út úr mótinu (staðfest)

Danni greyið var vaknaður en sofnaði aftur í morgun og svaf værum blundi. Synd að detta útúr móti án þess að spila hönd á degi tvö.

16:57 Garðar Geir tvöfaldar sig aftur í gegnum Valdísi

Garri var með AA gegn Q9 hjá Valdísi sem náði ekki að tengjast borðinu.

17:05 Dvergastafli Ingu poko lifir enn

Hún var að tvöfalda sig uppí ca 12k eftir að hún hitti 2 á river með A2 gegn AK hjá Steinari Braga.

17:09 Stutt gaman hjá Hunternum

Nýtti sér villu í kerfinu og fékk að kaupa sig inn í breakinu. Dottinn út með J10 open ended á borði sem taldi 8 9 x gegn Einari Má Þórólfsson sem var með A9. Einar hitti einnig hlaupandi lit. Kristinn Pétursson út. 22 spilarar eftir.

17:24 Allt rólegt

Lítið að gerast þessa stundina, fá flopp sem menn eru að sjá.

17:38  Váááá AA vs KK vs QQ

Kem að borði þar sem Eysteinn hækkaði, Sævar Valdimarsson endurhækkaði og Hafsteinn Ingimundarsson fór allur inn. Eysteinn tankaði í smá tíma og foldaði. Sævar snappkallar. Eysteinn sýndi að hann hefði foldað QQ. Haddi var með AA en Sævar KK. Borðið AKx allt tíglar. 4 tígullinn kom í borð á turn. River var svo hjarta tvistur og Haddi með góða tvöfoldun og rúmlega það.

17:41 Gummi kann að mjólka Valdísi

Ég kom að borði sem las 2d Kh Jd Qs Gummi bettaði 17k út og Valdís kallaði. River kom 5d og Gummi setur út 75k sem var fáranlegt overbet. Valdís tankar heillengi og var við það að folda en endar á að kalla 75k hjá Gumma. Gummi snýr við K9 í tígli fyrir lit. Valdís hristir hausinn og muckar.

17:49 Hlynur litaður út úr mótinu

Hlynur fór allur inn og var með miklu betri hönd KK gegn Ingvari sem var með KJ í spaða. Floppið bauð hinsvegar upp á tvo spaða og smá svita. ÞAð var enginn sviti fyrir Ingvar á turn enda kom spaði og meira segja á river líka.

18:00 Hadda langar úr að neðan í nuddi

Haddi er gjörsamlega að fara á kostum við borðið, hann var nú að henda sér í nudd og spurði hvort hann mætti ekki fara úr að neðan. Þá er hann búinn að fá ása sex sinnum í dag sem veðrur að teljast rugluðu tölfræði.

18:03 Brynjar tekur Steinar Braga út

Steinar Bragi flattaði raise frá Brynjari Bjarkasyni með A8. Floppið kom A Q 10. Steinar shippaði inn Brynjar sem snappkallaði með AQ. Steinar nánast dauður og fékk enga hjálp.

18:04 Inga poko spilar go go

Hún fór allin með A4 gegn AK hjá Hadda málara. Sá er að runna. Inga náði ekki að tengjast borðinu og er dottinn út

18:05 Jón Ingi vinnu hlutkesti

Jón Ingi fór allur inn með 44 og var kallaður af Ingvari með J10. Það var nóg af svita straight draw og lifandi spil hjá Ingvari en náði ekki að tengjast og Jón Ingi tvöfaldaði. Avg stakk er núna 123k.

18:06 Blindahækkun 800/1600 ante 200 avg´117k

18:11 Áin bítur Hafsteinn illa

Hafsteinn Sigtryggsson var allur inn með AK og var kallaður af Einari Eiríkssyni með A10. Borðið hafði lestið A x x. Turn var blank og riverið kom 10 og Haffi því dottinn út. 18 spilarar eftir í mótinu. 10 sæti eru borguð. Það er stutt break í kjölfarið þar sem er verið að fara stilla í tvö 9 manna borð.

18:27 Sævar er allur

Sævar var orðinn verulega lítill þegar hann fór allur inn. Ingvar sem er að rað taka menn út þessa stundina kallaði með AK gegn KQ hjá Sævari. Ás á floppi gerði vonir Sævars að engu. Hann er út. 17 eftir avg 137k.

18:34 Ekkert meira fjörefni fyrir Val

Valur Heiðar Sævarsson sem var söngvari hljómsveitarinnar Buttercup er dottinn úr leik. Hann var allur inn á floppi með AA gegn Sigga Dan með 87 í laufi. Borðið var 89x tvö lauf. Þriðja laufið kom á turn og enginn ás eða annað lauf á river fyrir val sem hefur sungið sitt síðasta í þessu móti.

18:38 Tvö allinn og köll enginn út. 

Fyrst fór Einar Már allur inn með KK og var kallaður af Jóhanni Klemenz með 44. Báðir enduðu með flush en K er auðvita hærri en 4. Einar með 26k núna, Klemmi meira.

Þá var Jón Ingi allur inn með 1010 gegn AK hjá Eysteini. 10 á Floppi og leikar voru búnir á turni. Jón með um 60k núna. Eysteinn minni.

18:44 Einar tvöfaldar aftur, Anika tvöfaldar sig líka í stelpuslag

Einar Már Þórólfsson fór allur inn með AQ og var kallaður af Garðari Geir Haukssyni með JJ. Ás kom á floppi og drottning á turn var nóg til að vinna höndina

Þá var Anika allinn á floppi gegn Valdísi. Anika var með 22 fyrir sett á borði sem las 2 4 57  Valdís var með 67 fyrir open ended og par. Hún náði ekki að hitta enda kom 10 á river. Farið að sjá verulega á stakknum hjá Valdísi sem var kominn uppí 280k á einum tímapunkti.

18:54 “Ef ég væri þú mundi ég kalla, ég er ekki með neitt”

Kom að borðinu þar sem Jón Freyr var búinn að endurhækka Einar Eiríksson uppí 19,8k sem er rosaleg hækkun. Einar kallaði. Floppið kom 6h 4h 9h Jón Freyr bettaði 24k og Einar kallaði. Turn kom 8s báðir tékkuðu 2h kom á river og Jón veðjaði 36k. Einar fór í tankinn og Jón Freyr sagði ef ég væri þú þá mundi ég kalla, ég er ekki með neitt. Eitthvað fór þetta í hausinn á Einari sem hugsaði sig um í svona 3-4 mínútur og endaði með að kalla. Jón Freyr sýndi A6 með ásinn í hjarta. Stór pottur.

19:08 Eysteinn tvöfaldar sig í gegnum Brynjar

Það var foldað að Eysteini í litlablind sem haltrar inn. Brynjar setur Eystein all inn sem snappkallar. Eysteinn með AJ gegn A7 hjá Brynjari sem náði ekki að tengjast borðinu.

19:26 Matarhlé klst

Guðmundur Helgi 360k

Jón Freyr 200k

Haukur Már 152k

Jóhann Klemens 110k

Sigurður Dan 180k

Einar Már 41k

Garðar Geir 28k

Einar Eiríksson 110k

 

Borð 2

Haddi 142k

Valdís 147k

Ísak 250k

Eysteinn 70k

Brynjar Bjarkason 185k

Jón Ingi 18k

Anika Mai 88k

Ingvar 240k

20:30 Matarhléi lokið og mótið byrjað að nýju. Blindar 1000/2000 ante 300

Eitt tweet sem mér finnst viðeigandi

20:36 Guðmundur Helgi heldur áfram að crusha

Kom að borði sem las Ks8c10c 5s Jc

Guðmundur helgi veðjaði 53k og Haukur kallaði. Haukur var með AA en Guðmundur Helgi riveraði tvö með KJ.

20:42 Garri étur af staflanum hans Jóns

Garðar Geir Hauksson var að tvöfalda sig þegar hann fór allur inn yfir hnattahækkun Jóns. Garri var með AQ gegn KJ hjá Jóni Frey Jón náði ekki að tengjast borðinu, Garri hitti hinsvegar Q á river en var með bestu höndina fyrir.

20:45 Eysteinn trappar Ingvar

Ingvar hækkar undir byssu og Eysteinn kallar á hnappinum. Floppið kemur K Q 8 og Ingvar setur Eystein allan inn. Eysteinn Snappkallar með AK en Ingvar hafði K10. Engin tía datt á mið eða endastræti og því tvöföldun hjá Eysteini.

20:50 Jón Ingi sparkaður út úr mótinu. 

Valdís limpar og Jón Ingi shippar A9 suited.  Valdís kallar með 10 10 borðið rann   10 K 9 rainbow. Q K

21:03 Litlu stakkarnir mjög virkir

Garri er búinn að vera frekar aktífur þrátt fyrir takmarkaðan stafla. Hann er búinn að taka tvo fína potta nú með stuttu millibili án þess að þurfa að sýna höndina, hann virðist vera kominn í eitthvað Zone sem erfitt er að átta sig á. Þá er Anika búin að vera í svipuðum pakka. Haukur, Valdís og  Klemmi eru að sogast í neðri pakkann ásamt Einari, Garra og Aniku.

21:13 Anika tvöfaldar sig í gegnum Eystein

Talandi um lægri stakkana. Eysteinn raisti á hnappnum og Brynjar og Anika kölluðu bæði. Borðið rann 7 3 6 rainbow. Eysteinn hélt áfram og einungis Anika kallaði. Turn kom 7. ÞAr enduðu peningarnir allir inni. Anika var með 7 10 fyrir trips gegn 78 hjá Eysteini. Rosalegt turn. Eysteinn hitti ekki 8 á river og Anika því búin að tvöfalda sig.

Á hinu borðinu voru Siggi Dan og Garri að battla þar sem Garri náði að betta nógu stórt til þess að Garri foldaði.

21:33 Garðar Geir tvöfaldar sig í gegnum Guðmund Helga

Ég kem að borðinu sem les 3 6 6 5 Garri fer allur inn og Guðmundur Helgi kallar eftir mikla umhugsun, sagði að það væri “added value” líklega sidebet þar í gangi. Guðmundur Helgi með J5 fyrir par. Garri með QQ og nær að tvöfalda sig.

21:34 Ísak fellir Valdísi

Kem að borði sem les 4 10 2 4  . Valdís fer öll inn, Ísak tankar í langa stund og endar með að kalla seinustu 70k hjá Valdísi. Ísak var með JJ. Valdís sagði um leið og hann kallar, fyrst þú kallar þá ertu líklega með mig. Valdís með A10 og nær ekki að hitta A eða 10 á river

21:37 Húsvíkingurinn er köttur á endalaus aukalíf

Foldað var að Einari í sb sem fór allur inn. Siggi Dan í BB kallar. Einar með K9 gegn 88 hjá Sigga Dan. Borðið kemur KKx turn 9 til að drepa höndina endanlega.

21:43 Einar Már heldur áfram, önnur tvöföldun

Kem að borði sem les 8 9 J. Einar Már setti í 9k, Haukur Már endurhækkaði í 30k, Garri foldaði og Einar fór allur inn fyrir 43k betur. Haukur kallaði. Haukur með KJ en Einar Már floppaði hnetum með 10 7. Ég er ekki frá því að 10 7 sé hönd mótsins. Shit hvað þessi hönd er búinn að vinna stóra potta.

21:45 Blindahækkun 1200/2400 ante 300. 

Það verður einungis spilaðar 15 mínútur af þessu leveli í dag og svo stoppað og haldið áfram á morgun.

21:59 Andrúmslofið gjörsamlega magnþrungið. Garri eru ótrúlegur

Guðmundur Helgi hafði hækkað fyrir floppið, Jóhann Klemenz kallaði. Garri hækkar uppí 32,5k. Gummi kallar. Borðið les 5 8 Q. Garri veðjar út 25k. Gummi kallar. Turn kemur 9. Garri fer allur inn fyrir 86.400. Gummi tankar í ca 4 mínútur og endar á að kalla. Garri með KK gegn AQ hjá Gumma. Garri er búinn að fara úr því að eiga 30k chips í að nálgast chiplead. Þvílík endurkoma hjá stakkaétaranum.

Höndina eftir floppar Garri húsi í potti á móti Gunna og Einari og fær ágætlega borgað. Ég held að Garri sé orðinn chipleader, hvað er í gangi 1 og hálfur tími úr því að vera lægstur í stærstur.

22:01 Degi 2 er lokið. Chipcounts koma eftir smá stund. 14 eftir avg 167k. 

Bein lýsing frá Íslandsmótinu í póker

15:40 Góðan daginn kæru lesendur. Textalýsing frá Íslandsmótinu í póker hefst um leið og mótið hefst.

16:36 Styttist í mótið, sit n go sattelite í gangi. Möguleiki á fleirum ef sé áhugi.

17:02 Örlítil seinkun þar sem er verið að klára afgreiða fjölda spilara inní mótið. Vonandi komið af stað eftir tíu mínútur.

17:22 Biðjumst velvirðingar á þessari seinkun, smá tæknilegir örðuleikar. Mótið fer að hefjast. Spilarar ákváðu alltof margir að mæta á seinustu stundu.

17:36 Íslandsmótið í póker 2017 er hafið. Blindar 50/100   Byrjunarstafli 30.000

17:39 ViktorAK bendir á að hann byrji sem chipleader

Tók fyrsta pottinn í mótinu, að eigin sögn.

17:46 Samsæriskenningamaðurinn reynir að plata hnetur húsvíkings. 

Áhugaverður pottur milli Guðjóns Heiðars Valgarðssonar og Einars Más Þórólfsson. Þar hafði action verið hækkun og endurhækkun og kall. Actionið á floppi var bett og kall, Turn gerði það að verkum að AK var hnetur en það var nákvæmlega það sem Einar var með á meðan Harmageddon samsæriskenningarmaðurinn Guðjón Heiðar var í ruglinu með K6. Hann náði að sjálfsögðu ekki að plata Einar af hnetunum. Fín byrjun hja Húsvíkingnum.

17:49 Pókerhjónin að sjálfsögðu mætt á svæðið

Pókerhjónin Eydís og Þröstur eru mætt á svæðið. Þröstur hafði unnið sig inní mótið en selt hann þar sem hann sá sér ekki fært að mæta. Hann er mættur og sagði að plönin hefðu breyst. Anika Mai er að ég held eini fyrrum íslandsmeistari sem er mættur á svæðið. Sorglegt að gamlir meistarar séu ekki mættir á svæðið. Hvar er Viggi Jack íslandsmeistari seinasta árs?

17:58 Adrian tekur stingur af með hellings spilapeninga

Ég kom að borði sem las A 4 4 rainbow. Egill veðjaði 3200 fékk 3 köll. Turn datt 7h. Egill checkaði í þetta skiptið. Ingvar skák veðjaði 8700, Adrian og ónefndur spiluðu kölluðu en Egill lagði niður. River var 6 í spaða. Allir spiluðu tékkuðu. Adrian  sýndi Q4 í tígli fyrir þrjú eins. Sem var betra en AJ og AK hjá Ingvar og ónefnda spilararanum. Adrian staflar nýju spilapeningunum í stakkinn sinn, stendur upp og færir sig um borð.

18:07 Siggi Eyberg og Steinar Bragi í typpakeppni

Stend við borð þar sem Siggi hafði hækkað upp í 400, Steinar Bragi sett það í 1200, Sævaldur cold kallað, Siggi setti í 6400 og Steinar Bragi endurhækkað í 13.000. Sævaldur lagði en Siggi lagðist í djúpar hugsanir og endaði á að leggja. Steinar Bragi snýr við tveim kúrekum. Haffi spyr hvort hann sé orðinn áskrifandi af þeim en hann hafði stuttu áður fengið tvö stykki kónga.

18:15 Gunnar Örn tekur Agnar í heimsókn í Value Town. 

Kom að borði þar sem Gunnar Örn endurhækkar fyrir flop. Bettar svo öll þrjú strætin og Agnar kallar alla leið. Gunnar Örn með hina goðsagnakenndu American Airlaines hönd. AA. Þess má til gamans geta að ég held að Agnar sé ennþá með sömu Njarðvíkurhúfuna og á öllum öðrum Íslandsmótum.

18:23 Sturlungurinn stelur af ViktorAk

Höfundur Snorra Eddu  Snorri Sturluson hefur haft hægt um sig síðan 1263 en hann er mættur á svæðið og er byrjaður að ræna af ViktoriAK en ég kom að borði sem las 10J10AJ og 7k riverbett frá Snorra var nógu ódýrt fyrir Viktor sem kallaði. Snorri bæði með hús K10 á meðan Viktor henti muckaði.

18:30 Ísinn tekur af drottningunni og Anika fernar gegn Adrians plati

Halldór Már Sverrisson var að taka góðan pott af Eydísi þar sem ég rétt kom að borðinu en þar var 7k veðmál sem var nógu gott fyrir Ísinn. Á öðru borði missti ég af risa hönd milli Adrians og Aniku Mai þar sem Anika hitti fernu á endastræti en Adrian var að reyna bluffa hana af þeirri hönd með pörin sín tvö. Það gekk ekki.

18:35 Blindahækkun 75/150

18:41 Fyrsta allin dagsins, Siggi Dan með gott fold. 

Kom að borði þar sem Júlíus Pálsson var allur inni en borðið taldi meðal annars 6 7 og 10 ásamt öðru ónefndu spili en þar voru þrír spaðar. Siggi Dan hugsar sig lengi um enda með 89 fyrir röð en leggur það niður. Það var gott fold enda Júlíus með Ax bæði í spaða fyrir lit.

18:45 Fyrsti maður út. Magnús Birgir út

Fyrsti maður er út en það er Magnús Birgir sem var fyrstur út, Ég sá ekki actionið en þá endaði hann og Kári Kongo allir inni fyrir flopp. Kári með AA gegn QQ hjá Magnús Birgir sem náði ekki að tengjast borðinu.

18:59 Jón Freyr tvöfaldar sig í gegnum ViktorAK

Kom að borði sem las 6t 7t 6s 5l  og Jón Freyr fór allur inn. ViktorAK kallaði hann. Jón Freyr var með 67 fyrir fullt hús en ViktorAK með 34 í tígli og með röð og gat hitt litaröð ef tígul fimman kæmi á endastræti. Hún kom ekki og Jón Freyr tvöfaldaði sig.

19:01 Hafsteinn litar Einar Eiríks. Prumpaði Tommi?

Það var áhugaverður pottur þar sem Einar Eiríks hafði endurhækkað í 4200 fyrir floppið og fékk tvö köll. Borðið rann J3 Ah 5h Einar hélt áfram að veðja nú 7 þúsund. Báðir spilarar kölluðu. Turn kom 7 í laufi. Allir tékka. River kemur hjarta j. Einar tékka og Hafsteinn Ingólfs setur 11k út. Einar hugsar sig vel og lengi um og segir náðiru litnum? Hann foldaði að lokum. Á meðan Einar hugsaði spyr Adrian, Tomma hvort hann hafi verið að prumpa, Tómas Kórdrengur svarar neitandi en hann væri bara svo djúpt hugsi.

19:12 Brynjar settar settið hans Sævars Inga

Kem að borði sem las 5h 9s 4l 7h  Sævar setur út 3k. Brynjar kallar og Daníel Már snappchatstjarna kallar. River kom K í laufi. Sævar setti út 5,5k Brynjar kallaði og Danni Már sagðist ætla bluffa Sævar Inga af sjöu settinu sínu ef Brynjar hefði ekki kallað. Danni foldaði. Sævar var vissulega með sett en bara fjarkasett en Brynjar var með fimmusett. Ljótt scenario en ég held að Sævar hafi sloppið þokkalega ódýrt frá þessu. Fínn pottur fyrir Brynjar Guðmunds

19:17 Júlli tvöfaldar í gegnum Kemp

Júlíus ekki Kemp heldur Pálsson var að tvöfalda sig í gegnum Óskar Kemp, Júlli hafði farið allur inn með J8 gegn KJ hjá Óskari á borði sem las J 8 6. Turn og river gáfu Óskari engan Kóng og því tvöfaldaði hann sig.

19:27 Þröstur floppar húsi en miðstrætið afar ljótt

Þröstur Ólafs var í hönd með þrem öðrum spilurum. Borðið las QQ9. Miðstrætið las Q og kom bett upp á 3k og kall. Þröstur endurhækkaði og allir folduðu. Þröstur sýndi 99 og var frekar ánægður að ekki meira gerðist á borðinu þar sem húsið hans hefði ekki verið gott.

19:35 Egill bítur rykið

Egill fór allur inn fyrir floppið og Agnar Njarðvíkingur kallaði. Egill var með A6 gegn KQ

Glugginn leit ansi vel út fyrir Egil. A  svo 6 fyrir tvö pör en 10 fylgdi í kjölfarið fyrir smá svita. Turnið 3 og River J sem þýddi röð fyrir Agnar. Egill hefur því lokið leik á þessu Íslandsmóti en hann var orðinn verulega lítill

19:37 Kári Kongó byrjar vel eftir 7 ára fjarveru

19:40 Blindahækkun. 100/200 ante 25 Matarhlé fyrir fyrri hóp. 

Fyrri helmingurinn er kominn í mat á meðan seinni hópurinn spilar þetta level. Seinni hópurinn fer svo í mat og þá spilar fyrri hópurinn þetta level.

19:43 Brynjar eldar fram röð gegn Sigga Hall

Kom að borði sem las 10s 7t 9l 6l Brynjar Bjarkason veðjaði 4k ónefndur spilaði kallaði og Siggi Hall kallaði. River kom 3l sem gaf litamöguleika. Allir spilarar tékkuðu. Brynjar með J8 fyrir hneturöð en Siggi hafði hitt 10 sett á turn.

19:49 Viktor Helgi húsar Böðvarsson útúr mótinu

Viktor Helgi Benediktsson miðjumaðurinn knái hjá Fimleikafélaginu í Hafnarfirði var að taka Ívar Örn Böðvarsson út. Borð las 6 x A A þegar spilapeningarnir fóru allir inn. Viktor var með 66 gegn ónefndri hönd hjá Ívari. Ívar líklega með ás. En þess má geta þess að annar ónefndur spilari tjáði borðinu að hann hefði haft 6 á hönd og því one outer 6 á floppi. Alltaf jafn slæmt að missa Böðvarsson úr móti. Einungis einn eftir af þeim sem ég veit um.

20:01 Jón Ingi tekur nánast allt af Adrian.

Ég kom að borði sem las A A 8 4. Adrian bettaði 3k og Þröstur og Jón Ingi kölluðu. River var 10. Jón Ingi setti út 5k, bæði Þröstur og Adrian kölluðu. Adrian skildi sig eftir með um 3k. Jón Ingi sýndi AK sem var bullandi gott.

Á öðru borði reyndi Már Waardum að plata Guðmund Helga sem féll ekki í gildruna og tók inn nokkuð stóran pott.

20:13 Tommi af öllum mönnum tók Adrian út

Adrian var orðinn verulega lítill eða átti 1200 eftir. Hann fór allur inn. Tómas Arnarsson kallaði og Þröstur Ólafs kallaði. Borðið rann. 10 K J og Tommi setti 2500 út. Þröstur foldaði. Tommi sýndi K9 gegn 77 hjá Adrian. Engin 7 kom og því Adrian út.

20:22 Guðjón Heiðar raðar sig enn einu sinni

Kom að showdowni þar sem Guðjón Heiðar var að fá röð með K10 gegn Andrési Vilhjálms sem muckaði og spilarar á borðinu spurja hvernig hann geti alltaf verið með röð. Hann er að fá röð jafn oft og Raphael Nadal hittir tennisbolta.

20:24 Kemp hittir hnetuskotið og fær sitt frá Sturlunni.

Óskar Kemp hitti röð á turn með QJ á borði sem las K 9 x  en á turn kom 10. Þá tékkuðu allir þrír spilarar. Óskar setti 6625 á river og Snorri Sturluson kallaði einungis til að mökka fyrir röðinn hjá Óskari.

20:42 ViktorAK tvöfaldar sig í gegnum Kemp

Viktor Einarsson fór allur inn með 55 gegn Óskari Kemp sem var með QJ. Óskar náði ekki að tengjast borðinu.

20:50 Lengi lifir í gömlum glæðum

Einar Eiríks var að tvöfalda sig í gegnum Aniku Mai en hann hitti nut flush á turni.

20:55 Engin bræðraást, Jón Freyr tekur út bróðir sinn. 

Kom að borði sem las 6s 9s 10t  og Dalvíkingurinn Siggi Hall fór allur inn og Jón Freyr bróðir hans kallaði. Jón Freyr með rosalega hönd 7s8s fyrir röð og open ended straight flush draw á móti As4s hjá Sigga. Turn og river innihélt ekki spaða og Siggi því út. Jón Freyr var fljótur að tjá sig, “eins gott að við komum hér á mínum bíl”.

21:02 ÍÍíííssskaldur stokkur. Rosaleg tvöföld hjá Sævari

Ég kem að borði sem les A 9 7 með tvo tígla. Jónas Tryggvi setur 3k út. Sævar Valdimarsson setur í 9k og Jónas fer allur inn. Sævar snappkallar. Jónas sýnir 99 fyrir millisett gegn AA fyrir toppsett hjá Sævari. Seinasta nían í stokknum lét ekki sjá sig og Sævar tvöfaldaði sig. Jónas Tryggvi á aðeins um 5k eftir.

21:07 Seinni hópur kominn í mat og fyrri hópurinn kominn úr mat. Sömu blindar.

Já þá fékk ég ábendingu afhverju Óskar “spew” hefur ekkert komið fram í textalýsingunni en verið er að tala um Óskar Þór Jónsson en það er einfaldlega þar sem hann er bara nýmættur og ekki byrjaður að gefa peninga. Valdís helti reyndar niður á borðið og dealerinn kallaði á mig og óskaði eftir að ég mundi ná í servíettu, fráleitt kall.

21:21 Jónas Tryggvi lifir enn

Jónas var að tvöfalda sig var allur inn fyrir 4900 með QJ og fékk kall frá Kára Kongo með 33. AKx flopp, turn x river 10 sem gaf  Jónasi röð.

21:34 Nuddarar mættir og Steinar Bragi fyrstur til að taka boðinu, fær ekkert happy ending

Nuddarar voru að mæta á svæðið og Steinar Bragi var fyrstur til að nýta sér þá þjónustu. Í miðri hönd er hann önnum kafinn við að njóta nuddsins og kalla value bett frá Haffa sem var með tvö pör KJ gegn Kx hjá Steinari Braga. Ekkert Happy ending þar.

21:43 Random chipcounts

Tók random chipcounts á nokkrum spilurum sem virkuðu vera með skemmtilega stafla ásamt Danna the mouth bara svo ég geti hlegið að honum.

Valdís “anytwo” 70k

Guðjón Heiðar Valgarðsson 67k

Sævar 90k

Danni the mouth 6k

21:53 Matti er allur, fór inn með gutshot fékk kall frá A high

Matti fór allur inn með Q8 á borði sem innihélt 564 og fékk kall frá A2 hjá Valdísi. Valdís hélt, engin 7 8 eða Q lenti og Matthías Sigurðsson því úti.

21:59 Njarðvík vann kannski í körfunni í kvöld en fara tómhenntir úr þessu íslandsmóti

Agnar Mar var allur inn á river sem innihélt x x K Q K en hann var með AK því miður fyrir hann var Gunnar Örn Jóhannsson með KQ fyrir húsið fulla. Stuttu áður hafði hann bluffað stóran pott á móti Hlyn Sverris sem gerði erfitt kall með lægri mögulegu röðina en Agnar hafði verið í þvælunni.

22:13 Danni “the mouth” þrefaldar sig

Þetta var nú engin stórkostleg þreföldun hjá fyrrum íslandsmeistaranum í kata í karate (fyrir þá sem ekki vita þá er það ekki alvöru karate heldur svona sýningakarate ekki slagsmál) því Danni átti bara 3250 eftir þegar hann fór allur inn. Valdís og Ingi Þór kölluðu hann og tékkuðu niður. Danni var með A9 en borðið rann þannig að Danni hitti tvær níur en bæði Ingi og Valdís voru með 78 og hittu ekkert.

22:20 ViktorAK og Andrés Vilhjálms fallnir

Viktor AK var allur in á móti Dalvíkingnum Jóni Frey með JJ gegn KQ á borði sem las Qxx turn og river hjálpuðu ekki Viktori. Þá datt Andrés Vilhjálmsson út á ljótan hátt á móti Má Waardum en þeir fóru allir inn fyrir floppið. Andrés hafði 55 gegn A10 hjá Má. 5 í glugga fyrir sett. 10 4, turn 2 river 3 fyrir röð hjá Má.

22:29 Tveir gamlir hundar slást, annar særist hinn tvíeflist.

Þröstur Ólafsson hækkaði fyrir floppið, Pétur Dan ákvað að kalla og Einar Eiríksson endurhækkaði vel. Þröstur og Pétur kalla. Floppið er K 9 4 með tvo tígla. Einar Eíríks setti 9k út og Þröstur fór allur inn. Pétur nennti ekki að vera með í þvælunni þarna á milli og foldaði á meðan Einar snappkallar. Einar var með AA gegn AK hjá Þresti sem tókst ekki að tengjast miðstræti og endastræti. Þröstur ennþá lifandi með sæmilegan stakk en Einar stækkar vel.

22:42 Stórar hendur í gangi.

Fyrst var Gylfi tekinn út af Leon. Gylfi var með QQ gegn KK hjá Leon. Þá var rosalegur pottur milli Péturs Dan og Hafsteins Ingvarssonar þar sem allir peningarnir fóru allir inn fyrir flopp. Pétur með AA gegn KK hjá Hafsteini. Hafsteinn var með Pétur coveraðan um ca 10k. Pétur orðinn vel stór núna. Þá var Kári að tvöfalda sig í gegnum Arnar Pálsson, veit ekki hvers son Kári er en köllum hann Stefánsson þar sem þeir eru nokkuð líkir. Kári var með A5 í spaða gegn JJ allin á borði sem taldi 10 3 4 með tvo spaða. 2 á turn gaf Kára bestu höndina.

22:51 Danni “the mouth” tvöfaldar sig aftur

Daníel Pétur Axelsson var að tvöfalda sig aftur. Hann var með J10 gegn Óskari “spew” Jónssyni sem var með gutshot straight flush draw en hitti ekkert. Danni kominn í ca byrjunarstakk. Þá er Danni Már byrjaður að vera mjög aktívur gegn öllum nema Sævari en hann sagði: “Bara ekki að fokka í þessum gæja þá er ég góður kúturinn moi”

23:05 Guðni Rúnar tvöfaldar í gegnum Hauk

Fóru allin fyrir flopp, Guðni Ólafs með AA gegn QQ hjá Hauki Má. Ás á floppi og Haukur var drawing dead. Næstu hönd á eftir nær Haukur að taka smá til baka af Guðna og Sævaldi. Haukur kallaði þá Sævald á river með A9 en ás var í borði en Sævaldur var með KQ high. Þess má til gamans geta að Guðni var einu sinni nokkuð efnilegur framherji hjá Fylki og seinna Elliða í 4.deild karla. Held ég hafi rekið hann útaf í einum leik.

23:12 Styttist í blindahækkun 200/400 ante 50.

Gleymdi að sjálfsögðu að tilkynna seinustu hækkun en hún er alveg að klárast núna það er 150 300 með 50 ante.

23:14 Einar klárar Þröstinn. 

Höndin á milli þeirra var ansi ljót AA vs AK á K high borði, þessi var ekkert mikið fallegri þar sem Þröstur bettar öll stræti með KQ á K high borði, river var 5 og þar sem Einar hafði tvær slíkar í sinni hönd saug hann ansi duglega út á Þröstinn. Einn gamall út, annar gamall orðinn nokkuð stór. Seigur kallinn.

23:19 Jón Aldar út á móti litaröð og Óskar útaf ruglinu í sér

Á borði 8 datt Jón Aldar út þegar hann fór allur inn með floppaða röð með J8 en borðið las 9 10 7  á móti 8 10 í laufi hjá Jóhanni Klemenz. Jóhann open ended straight flush draw og hitti á turn ekki bara flush drawið heldur straight flushið.  Óskar Þór datt hinsvegar út með K5 á móti KJ hjá Agnari en Óskar hafði raisað pre og báðir hitt topp par. Peningarnir enduðu inni en Óskar náði ekki að hitta fimmu.

23:23 Hafsteinn hefnir sín á Pétri Dan

Hafsteinn endar allur inn fyrir flopp með 88 gegn Pétri Dan með AK. Pétur hittir K á floppi sem taldi tvö lauf. Tvö önnur lauf létu sjá sig á mið og endastræti og laufa 8 var eina laufið í þessum tveim höndum og Hafsteinn Ingvarsson tvöfaldar sig í gegnum Pétur Dan.

Þá var Júlíus Pálsson að tvöfalda sig í svona 4x í dag nú gegn Jón Frey á borði 7. Júlli fór allur inn á floppi með QQ gegn AJ á J high floppi. Enginn ás eða gosi létu sjá sig og Júlli tvöfaldar sig. Mikið action í gangi.

23:28 Tommi enginn Kórdrengur og er refsað. 

Tommi hækkaði fyrir floppið, Brynjar Bjarkason endurhækkaði, Tommi fór allur inn og Brynjar var ekkert að elska það að þurfa að kalla en gerði það að lokum með AQ. Tommi var í þvælunni eins og við mátti búast og var með 34 í hjarta. Ás kom á borðið og það parað þar að auki og Tommi dauður. Þess má til gamans geta að ég og Tómas skiptum bróðurlega á milli okkur hægri horna stöðunni í utandeildinni í handbolta með lifi Kórdrengja

23:45 Már Waardum og Húsavíkur Gummi fallnir úr leik. 

Loftbólustrákur seinasta árs Guðmundur Óli Steingrímsson einn 6 bræðra frá Húsavík er dottinn úr leik en hann var með AK gegn 33 á borði sem innihélt 3AQ á floppi. Einar Eiríksson hinn gamlreyndi hundur er að hlaupa eins og Darwin Moon á hestasterum þessa stundina.

Þá datt Már Waardum út gegn Sævaldi.  Þar hafði komið raise og Sævaldur kallað, Már hækkað mjög mikið og bara Sævaldur kallað. Borðið kom 3 4 5 rainbow, peningarnir enduðu inni þar sem Már hafði AA gegn 33 hjá Sævaldi.

23:51 Jón Ingi sparkar Jónasi Tryggva út. 

Fyrrum íslandsmeistari í karate (alvöru karate í þetta skiptið) Jón Ingi Þorvaldsson var að senda Jónas Tryggva út í dimma nóttina. Jónas fór allur inn með J9 gegn AQ hjá Jónasi. Báðir hittu en Jón með hærri spilin hitti betur. Jónas Tryggvi því allur.

00:11 S(eyberginn) Barry Greensteinar Trausta Páls

Það var rólegt seinustu tuttugu mínútur aðeins Trausti Pálsson sem datt út. Hann var með 1010 gegn A8 hjá Sigga Eyberg Selfyssingnum knáa sem tókst að sjálfsögðu að hitta A á endastræti.

Guðmundur Kristján er einnig dottinn út en hann var með tvö pör A3 gegn hærri tveim pörum hjá Danna “the mouth” sem var með A6 borðið las A 3 x 6 x. Kjafturinn kominn á skrið.

Reyndar var ekkert svakalega rólegt, ég var bara fá mér tíu mínútna nudd. Átti það skilið.

00:21 Óskar sýgur Júlla Páls illa

Rosalega ljótt var að eiga sér stað. Júlli Páls fór allur inn með QQ og fékk kall frá Óskari Kemp með J9. Borðið rann 2 3 4 eins gott borð fyrir Júlla og hægt var. Turn J river J. Já Kempan fann loksins G blettinn. “G fyrir gosa” segir Óskar.

00:23 Leon heppinn að vera á lífi. 

León fór allur inn á turni. Kristján Bragi kallaði. Kristján með KK á 10 high borði. Leon með A10. River 10. Leon heppinn að vera lifandi.

00:26 Danni Már tekur Sævar Inga út. 

Einn okkar reyndasti spilari Sævar Ingi Sævarsson er dottinn út. Hann á þrjú lokaborð á íslandsmóti að baki var allur inn með A9 á móti 1010 hjá Daníel Má og náði Sævar ekki að tengjast borðinu

00:35 Kári Guðmunds og Hafsteinn Ingvars tapa hlutkesti og eru út

Báðir spilarar voru með gott par á móti AK. Kári var með 99 gegn AK hjá Loga shortstack en Hafsteinn var með 1010 gegn AK hjá Steinari Braga. Steinar Bragi hitti sinn ás á floppi en Logi sinn á river. Hafsteinn og Kári út. Dagurinn er alveg að klárast. Late reg út fyrsta level á morgun. Full chipsa staða kemur undir lok dags.

00:39 Arnar Freyr út á seinust hönd dagsins

Sá ekki höndina en það var Inga Poko sem tók hann út.

00:40 Kempan einnig út á seinustu hönd dagsins

Óskar hafði nokkrum höndum áður tapað stórum potti gegn Sigga Dan. Þar hafði Siggi Dan 99 gegn J8 á borði sem las J 8 9 og náði ekki að tengjast nú tapaði hann restinni sem var samt slatti á móti Brynjari Bjarkasyni með A9 í laufi gegn K4 í laufi á borði sem innihélt K og 2 lauf. Ekkert annað lauf lét sjá sig og Óskar út. Þá tvöfaldaði Viktor Helgi sig á móti Pétri Dan með A7 gegn Q4.

00:43 Ingvar tekur Ísinn út í seinustu höndinni. 

Mikið action á seinustu hönd dagsins á mismunandi borðum. Ingvar með KQ gegn K7 og KQ vinnur. Chipcounts fyrir dag 2 kemur von bráðar.Halldór Már Sverrisson út. Chipcount kemur eftir örstutta stund. Leikar hefjast að nýju kl. 11:00 á morgun.

01:05 Chipcount eftir dag 1 Brynjar leiðir með miklum yfirburðum

Brynjar Bjarkason 176.250

Jón Freyr Halldórsson 123.975

Guðmundur Helgi Ragnarsson 99.250

Hlynur Sverrisson 94.950

Sævar 91.450

Jóhann Klemenz 91.325

Gunnar Örn Jóhannsson 71.800

Steinar Bragi 71.400

Guðjón Heiðar Valgarðsson 68.750

Sigurður Eyberg Guðlaugsson 64.675

Valur Heiðar 64.175

Daníel Pétur Axelsson 60.000

Haukur Már Böðvarsson 59.900

Einar Eiríksson 55.200

Ísak Finnbogason 55.175

Ingi Þór 53.950

Jón Ingi Þorvaldsson 50.650

Kristján Bragi Valsson 48.850

Valdís 64.425

Garðar Geir Hauksson 46.250

Anika Mai Jóhannsdóttir 45.200

Agnar Imsland 44.500

Leon Paul Sugba 41.850

Daníel Már Pálsson 39.900

Hafþór Sigtryggsson 39.575

Siggi Dan 39.400

Kári Sigurðsson 39.175

Logi Unnarsson Jónsson 37.525

Kalman Csaa 32.150

Sverrir Á 31.925

Arnar Már 31.450

Snorri Sturluson 29.900

Steinar Geir Ólafsson 27.075

Inga Poko 26.600

Ingvar Sveinsson 25.025

Brynjar Guðmundsson 23.750

Viktor Helgi Benediktsson 19.500

Einar Már Þórólfsson 19.400

Hlöðver Þórarinsson 18.350

Sævaldur Harðarson 16.950

Guðni Rúnar Ólafsson 15.350

Sverrir Karl 13.500

Pétur Dan 5000

Nýr vefur og Íslandsmótið í póker 2017

Vefur Pókersambandins fer í loftið.

 

Það er okkur mikill heiður að segja frá því að glærnýr vefur okkar hefur verið tekinn í notkun þar sem mögulegt er að skrá sig í mót og greiða mótsgjald.

Vonin er að við getum nýtt okkur þennan vettvang til þess að miðla upplýsingum um íþróttina okkar og efla starf sambandsins.

Read more

Bein textalýsing frá Íslandsmótinu í Pot limit Omaha 2017

Góðan daginn, Maggi Bö heilsar hér eftir stutta stund hefst íslandsmótið í PLO2017.

Aðalfundur Pókersambandsins

Aðalfundur Pókersambands Íslands verður haldinn á höfuðborgarsvæðinu þann 6. apríl næstkomandi.

Nánari stað- og tímasetning verður auglýst síðar.

Áhugasamir um stjórnarstörf fyrir Pókersambandið eru vinsamlegast beðnir um að tilkynna það á netfangið [email protected] þar sem nánari upplýsingar verða svo veittar í kjölfarið.

Góðar stundir 🙂

prufupostur fyrir featured image

dsdffds

prufuhönd

[card]8h[/card]

[card]8c[/card]