Staðan á Smábokka eftir dag 1

Það voru alls 69 skráningar sem bárust á Smábokkann 2019, 30 á degi 1a og 39 á degi 1b.  Þar af voru 10 sem léku báða dagana, þannig að það voru alls 59 einstaklingar sem tóku þátt.

Prizepoolið endar í 1.212.000 kr. og verður það kynnt í upphafi dags 2 á morgun hvernig það mun skiptast á milli verðlaunahafa.

Það voru alls 21 sem komust áfram á dag 2, sex komust áfram af degi 1a og fimmtán af degi 1b.

Mótið hefst að nýju kl. 13:00 á morgun, laugardag.  Upphafsstakkur var 40.000 og dagur tvö hefst á leveli 10, 1500/3000 með 3000 BB ante og meðalstakkur er þá 131k.

Hér má sjá röð þeirra sem komust áfram, raðað eftir stakksstærð:

1 Örnólfur smári Ingason 326000
2 Guðmundur Helgason 317900
3 Tomasz Kwiatkowski 258500
4 Saevar Ingi Saevarsson 257100
5 Mindaugas Ezerskis 250800
6 Branimir Jovanovic 200100
7 Júlíus Pálsson 141700
8 Gylfi Þór Jónasson 133700
9 Svavar Ottesen berg 127300
10 Hafsteinn Ingimundarson 101500
11 Þorvar Harðarson 94200
12 Einar Eiríksson 78300
13 Valdimar Johannsson 73600
14 Hafsteinn Ingvarsson 73500
15 Ívar Thordarson 68800
16 Ívar Örn Böðvarsson 61700
17 Trausti Atlason 55300
18 Viljar Kuusmaa 46600
19 Atli Sigmar Þorgrímsson 35300
20 Trausti Pálsson 34400
21 Dominik Wojciechowski 22400

 

Mótadagskrá 2019

Eitt af fyrstu verkum nýrrar stjórnar var að rigga upp dagkrá móta ársins.  Athugið að dagsetningar og þátttökugjöld geta breyst en við reynum að halda dagsetningum föstum eftir bestu getu.

 

Smábokki

Fim . 4.-6. apríl

Þátttökugjald:  20.000 kr.

 

Stórbokki

Lau. 18. maí  (ath. breytta dagsetningu)

Þátttökugjald:  120.000 kr.

 

Íslandsmót í PLO

Lau. 7.sept.   (ath. breytta dagsetningu)

Þátttökugjald:  30.000 kr.

 

Íslandsmótið í póker  (NLH)

Fös. 1. – Sun. 3. nóv.

Þátttökugjald:  60.000 kr.

 

Íslandsmótið í net-PLO

Sun. 8. des.

Þátttökugjald:  €50+5 (óstaðfest)

 

Íslandsmótið í net-póker

Sun. 15. des.

Þátttökugjald:  €80+8 (óstaðfest)

 

TheMakkster er Íslandsmeistari í net-póker 2018

Íslandsmótið í net-póker fór fram sunnudaginn 16. desember 2018.  Alls tóku 50 keppendur þátt í mótinu sem fram fór á PartyPoker.  Þátttökugjald var €88 (€80+8) og var því heildarverðlaunafé €4000 eða ca. 555þús ISK á gengi dagsins og unnu 7 efstu til verðlauna.  Mótið hófst kl. 19:00 að íslenskum tíma og stóð yfir í rétt rúmar 5 klst.

Sigurvegari mótsins var themakkster með €1400 í verðlaunafé, í 2. sæti var Novite311 með €940 og í 3. sæti TenJacker með €600.

Leitað var eftir því hjá þremur efstu að fá rétt nöfn þeirra uppgefinn en enginn vildi láta nafns síns getið þannig að við getum því ekki upplýst um það eða veitt nein fýsísk verðlaun að þessu sinni.

Við óskum themakkster til hamingju með sigurinn og sömuleiðis öllum sem unnu til verðlauna á mótinu og þökkum öllum þátttakendum fyrir gott mót!

(Meðfylgjandi eru skjáskot af fyrstu hendi á lokaborði og síðan af stöðunni í lok móts.)

Online Íslandsmótið 2018 verður 16.des!

Því miður var ekki hægt að koma því við að halda online ÍM 2.des eins og til stóð skv. mótadagskrá.  En það verður þess í stað haldið sunnudaginn 16. desember kl. 19:00.

Mótið fer fram á PartyPoker og verður þátttökugjald €88 (€80+8).

Leikin verða 12 mín. level og ekki verður hægt að kaupa sig aftur inn (freeze-out).

 

Úrslit Stórbokka 2018

Stórbokkanum var að ljúka núna rétt fyrir klukkan eitt eftir stutta og snarpa heads-up viðureign þeirra Hafþórs Sigmundssonar og Ívars Þórðarsonar.  Það var Hafþór sem bar sigur úr býtum og hlýtur að launum nafnbótina Stórbokki 2018.  Fyrstu 4 sætin skipuðu:

  1. Hafþór Sigmundsson, 736.000
  2. Ívar Þórðarson, 508.000
  3. Alfreð Clausen, 316.000
  4. Gunnar Árnason, 193.000

Búbblusætið vermdi síðan Haukur “Zickread” Böðvarsson. Við óskum Hafþóri til hamingju með sigurinn og titilinn og öllum verðlaunahöfum til hamingju með góðan árangur!

Mótsstjóri var Viktor Lekve og í störfum gjafara voru Sigurlín (Silla) Gústafsdóttir, Mæja Unnardóttir, Steinn Du og Kristján Bragi Valsson.  Við þökkum þeim fyrir frábær störf við framkvæmd mótsins.  Undirbúningur og skipulag mótsins var í höndum gjaldkera PSÍ, Jóns Inga Þorvaldssonar.

Við þökkum einnig Pokerstore.is og Lækjarbrekku fyrir samstarfið en saman sköpuðu þessir aðilar frábæra umgjörð um mótið með úrvals búnaði, þægilegri aðstöðu og góðri þjónustu.

Fjöldi þátttakenda á mótinu var 17 + 1 re-entry.  Heildar þátttökugjöld voru því kr. 2.160.000.  Heildarkostnaður við framkvæmd mótsins ásamt mat fyrir þátttakendur og starfsfólk var kr. 407.100 eða 18,8% af þátttökugjöldum.  Heildarverðlaunafé (prizepool) var því kr. 1.752.900 eða 81,2% af þátttökugjöldum.

Stórbokki 1. september 2018!

Stórmótið Stórbokki 2018 verður haldið laugardaginn 1.september of fer fram í hinum glæsilega sal Kornhlöðunni á veitingastaðnum Lækjarbrekku.

Við bryddum upp á þeirri nýbreytni í þetta sinn að hefja dagskrána kl. 12:00 á hádegisverði sem er innifalinn í þátttökugjaldi fyrir alla sem skrá sig fyrir kl. 18:00 daginn áður eða föstudaginn 31.ágúst.  Mótið hefst síðan kl. 13:00.

Einnig verður kvöldverður innifalinn í þátttökugjaldi en tekið verður kvöldverðarhlé kl. 18:50.

Hér má sjá strúktúr mótsins og tímasetningar.

Matseðillinn hljóðar svo:

Hádegisverður:  Sjávarréttasúpa með krækling, þorsk,rækjum og brunois grænmeti,
Kjúklingabringa, pönnusteikt með steiktu smælki, rótargrænmeti og portvínssósu
Kvöldverður:  Hægeldað nautafillet með bakaðri kartöflu, steiktum sveppum og bernaise sósu
Volg súkkulaðikaka með vanilluís og ávöxtum.

Í salnum verður opinn bar á meðan á mótinu stendur og verður hægt að panta þar drykki og aðrar veitingar.  Áfengir drykkir verða leyfðir við keppnisborðin en við viljum að sjálfsögðu biðja þátttakendur um að gæta hófs í þeim efnum á meðan menn eru ennþá inni í mótinu.

Smellið hér til að ganga frá skráningu og greiðslu þátttökugjalds og minnum á að þeir sem ekki hafa greitt félagsgjald PSÍ á árinu 2018 geta gengið frá því í leiðinni í sömu greiðslu.  Skráning fer eingöngu fram á þessari síðu á vef PSÍ.  Hægt er að greiða með bæði debet og kreditkortum en við viljum biðja þá sem hafa tök á því að greiða með debetkortum að gera það frekar þar sem greiðslan berst þá hraðar inn á reikning sambandsins.

Mótið er haldið í samstarfi við www.pokerstore.is sem sér okkur fyrir glæsilegum búnaði eins og á fyrri mótum þessa árs.

Halldór Már er Omaha meistari 2018

Íslandsmótið í PLO (Pot-limit Omaha) fór fram á Casa í gær, laugardaginn 12. maí 2018.  Þátttakendur voru 14 talsins og var þátttökugjald kr. 30.000.

Sigurvegari mótsins varð Halldór Már Sverrisson og hlaut að launum kr. 171þús auk verðlaunagrips og nafnbótarinnar Íslandsmeistari í PLO 2018.  Í öðru sæti varð Kári Sigurðsson með kr. 101þús og í þriðja sæti varð Ívar Örn Böðvarsson með kr. 67þús.

Við þökkum þeim sem komu að framkvæmd mótsins, Einari Þór Einarssyni mótsstjóra og Kristjáni og Alexander fyrir að sjá um gjafarahlutverkið.  Mótið var haldið í samstarfi við Casa sem sá okkur fyrir aðstöðu og Pokerstore.is sem sá um að útvega búnað fyrir mótið og við þökkum þeim fyrir samstarfið!

Og síðast en ekki síst óskum nýkrýndum PLO meistara til hamingju með titilinn!

Mótadagskrá 2018

Þá er starf nýrrar stjórnar og mótanefndar loksins að komast á skrið og liggur nú fyrir mótadagskrá fyrir árið 2018. Við viljum biðjast velvirðingar á þeirri töf sem hefur orðið á að kynna dagskrána en hún er eftirfarandi (þátttökugjald innan sviga):

12.maí Íslandsmót í PLO – (kr. 30.000)
7.-9. júní Smábokki – (kr. 20.000)
1. sept Stórbokki – (kr. 120.000)
5.-7. okt. Íslandsmót – (kr. 60.000) (ath. breytta dagsetningu)
2. des. Online Íslandsmót – (kr. 15.000)
9. des. Online PLO Íslandsmót – (kr. 10.000)

Fyrsta mótið verður semsagt laugardaginn 12.maí og verður haldið á Casa og hefst kl. 14:00. Mótsstjóri verður Einar Þór Einarsson. Skráning er hafin á www.pokersamband.is (staðsetjið músina yfir hnappinn kaupa miða og þá birtist möguleiki á að greiða félagsgjald annars vegar og skráningargjald fyrir PLO mót hins vegar).

Félagsgjald fyrir árið 2018 er kr. 6000 og er reikningsár PSÍ núna 1.janúar – 31.desember eftir breytingar sem gerðar voru á lögum sambandsins á nýliðnum aðalfundi.

Ath. að mótadagskráin getur átt eftir að taka breytingum (bæði dagsetningar og þátttökugjöld) en við munum gera okkar besta til að kynna slíkar breytingar með góðum fyrirvara.

Ísak Atli Finnbogason er Íslandsmeistari 2017

Íslandsmótið í póker fór fram dagana 20.-22. október sl. í Hótel Borgarnesi og var lokaborðið leikið viku síðar hjá Hugaríþróttafélagi Reykjavíkur í Síðumúla.   Leik lauk um kl. 3:20 aðfararnótt sunnudags og var það Ísak Atli Finnbogason sem stóð uppi sem sigurvegari og hlaut að launum kr. 1.427.000 auk glæsilegra verðlaunagripa, bæði armband og bikar til eignar auk farandbikars.

Þeir sem komust á lokaborð og skipuðu 9 efstu sætin voru eftirfarandi:

1. Ísak Atli Finnbogason, kr. 1.427.000
2. Einar Már Þórólfsson, kr. 913.000
3. Sigurður Dan Heimisson, kr. 641.000
4. Hafsteinn Ingimundarson, kr. 468.000
5. Guðmundur Helgi Ragnarsson, kr. 313.000
6. Jón Freyr Hall, kr. 253.000
7. Ingvar Óskar Sveinsson, kr. 196.000
8. Garðar Geir Hauksson, kr. 173.000
9. Einar Eiríksson, kr. 154.000

Hér má finna ítarlega lýsingu á gang leiksins frá upphafi til enda lokaborðsins sem Magnús Valur Böðvarsson ritaði af sinni alkunnu snilld. Hér má einnig finna upptökur af lokaborðinu í fjórum hlutum: hluti 1, hluti 2, hluti 3, hluti 4.

Við óskum Atla til hamingju með árangurinn og þökkum öllum sem komu að framkvæmd mótsins fyrir þeirra framlag!

Umfjöllun um Íslandsmótið 2017 í Brennslunni FM957

Íslandsmótið í póker 2017 – Umfjöllun

Sunna formaður, Maggi BÖ fréttaritari og Snapchat/Póker goðsögnin Djaniel Már skelltu sér í heimsókn í Brennsluna á FM957.

Smellið á hnappinn hér fyrir neðan og njótið.

[sc_embed_player fileurl=”https://pokersamband.is/wp-content/uploads/2017/10/Brennslan-12-10-17.mp3″]