Það var Sigurður Þengilsson sem vann sigur á Stórbokkanum í ár eftir heads-up viðureign við Einar Þór Einarsson sem varð í öðru sæti. Þegar þeir voru einir eftir gerðu þeir með sér samning um að skipta jafnt verðlaunafénu fyrir efstu tvö sætin og spila síðan upp á titilinn og verðlaunagripina.

Alls tóku 30 þátt í mótinu og er þetta fjölmennasta Stórbokka mótið síðan 2016. Endurkaup voru 12 talsins þannig að heildarfjöldi skráninga (entries) í mótið var 42. Verðlaunaféð endaði í 5.040.000 og kostnaðarhlutfall 15%. Ráðgert var að skipta verðlaunafé á milli 6 efstu en þegar 7 voru eftir var gert samkomulag um að borga 7. sætinu einnig. Þeir sem unnu til verðlauna voru:

1. Sigurður Þengilsson 1.405.000
2. Einar Þór Einarsson 1.405.000
3. Egill Þorsteinsson 770.000
4. Róbert Gíslason 560.000
5. Jón Óskar Agnarsson 400.000
6. Friðrik Falkner 300.000
7. Guðjón Ívar Jónsson 200.000

Mótið var haldið í sal Hugaríþróttafélagsins sem hluti af póker hátíðinni Midnight Sun Poker 2025 og kunnum við þeim Hugar-mönnum bestu þakkir fyrir að hýsa mótið og einnig fyrir vel heppnuð undanmót vikuna fyrir mót. Í matarhléi var farið með alla þátttakendur og starfsfólk í 3ja rétta máltíð á veitingastaðnum Vox.

Það voru þau Alexander, Dísa, Erika, Berglaug, Bart og Korneliusz sem sáu um gjafarastörfin af sinni einstöku fagmennsku. Það var síðan Jón Ingi, gjaldkeri PSÍ, sem bar hitann og þungann af undirbúningi og skipulagi mótsins og sá um mótsstjórn.

Við þökkum öllum sem komu að Stórbokka þetta árið, starfsfólki, þátttakendum og gestgjöfum fyrir að gera gott mót með okkur, og einnig Coolbet fyrir að halda undanmót fyrir okkur, og sjáumst vonandi sem flest á næsta móti!

Einnig fór fram 20K turbo hliðarmót þar sem 17 tóku þátt og endurkaup voru 8 talsins og verðlaunafé fór í 420.000 sem skiptist á milli 6 sæta eftir samninga sem gerðir voru á milli leikmanna á lokametrunum. Það var Kanadamaðurinn Dominick French sem hreppti fyrsta sætið eftir hörku heads-up viðureign við Árna Gunnarsson og eftirfarandi skiptu með sér verðlaunafénu:

1. Dominick French 160.000
2. Árni Gunnarsson 100.000
3. Marcus Schröder 65.000
4. Jónas Nordquist 45.000
5. Andrew Leathem 30.000
6. Már Wardum 20.000

Það voru 53 sem mættu til leiks á Smábokka sem hófst kl. 18:00 föstudaginn 6.júní. Endurkaup voru 25 talsins og verðlaunapotturinn endaði í 1.989.000 og við námundum hann upp sléttar 2.000.000 og verður honum skipt á milli 9 efstu sætanna. Kostnaðarhlutfall mótsins er 15%.

25 komast áfram á dag 2 og er staða þeirra eftirfarandi í upphafi dags 2:

Við stokkum upp borðin fyrir dag 2 og borðaskipan í upphafi dags 2 verður eftirfarandi:

Leikar hefjast að nýju kl. 16:00 í dag, laugardag.

Bræðingur var haldinn í annað sinn nú í vikunni. Mótið hófst á Coolbet sl. sunnudag þar sem leikið var niður í 9 manna lokaborð og hélt mótið síðan áfram í sal Hugaríþróttafélagsins nú í kvöld þar sem lokaborðið var leikið til enda. Það var Jesper Sand Poulsen sem stóð uppi sem sigurvegari eftir dágóða heads-up viðureign við Friðrik Falkner.

Það var Árni Gunnarsson sem kom inn á borðið með gott chip-lead eftir að hafa lent röð á river og kallað stórt blöff frá Jesper þegar 10 voru eftir í net-hluta mótsins. Jesper náði síðan að svara til baka þegar 5 voru eftir í mótinu og Jesper lenti lit á river og setti Árna all-in sem kallaði með yfirpar og var í ljósi þess sem á undan hafði gengið viss um að Jesper væri að blöffa. Árni var þar með úr leik í 5.sæti og Jesper kominn með gott chip-lead sem hann hélt allt til enda.

Alls tóku 40 þátt í mótinu og endurkaup voru 21 talsins. Það voru 400þús. kr. sem enduðu í prizepoolinu en þess má geta að í þessu móti tekur PSÍ ekkert fyrir að halda mótið og Coolbet tekur aðeins 9% fyrir að halda mótið fyrir okkur þrátt fyrir ærna fyrirhöfn þeim megin þar sem um mjög sérstakt setup er að ræða.

Verðlaunaféð skiptist á milli 5 efstu með eftirfarandi hætti:

1. Jesper Sand Poulsen – 140.000
2. Friðrik Falkner – 100.000
3. Jón Ingi Þorvaldsson – 75.000
4. Kristján Loftur Helgason – 55.000
5. Árni Gunnarsson – 40.000

Það var Einar Þór Einarsson, ritari PSÍ, sem var mótsstjóri á lokaborðinu og Jón Ingi Þorvaldsson, gjaldkeri PSÍ, sem hafði veg og vanda að því að skipuleggja mótið.

Við óskum Jesper til hamingju með sigurinn og þökkum félagsmönnum fyrir stórskemmtilegt mót og Coolbet sérstaklega fyrir að standa í þessu með okkur.