Agnar (Aimsland) vinnur sigur á ÍM í net-PLO

/0 Comments/by

Agnar Jökull Imsland Arason (Aimsland) vann sigur á Íslandsmótinu í net-PLO (Pot-Limit-Omaha) sem fram fór á Coolbet nú í kvöld og lauk kl. 23:30. Agnar hefur náð frábærum árangri á mótum síðustu ára, bæði í net-heimum og raun-heimum. Hann varð Íslandsmeistari í póker árið 2023, í öðru sæti á ÍM 2021 og á lokaborði í báðum net-póker meistaramótunum 2023 auk þess að ná langt í fjölda annarra móta.

Agnar kom inn á lokaborðið með meðalstakk og var Rúnar Rúnarsson þá með yfirburðastöðu. Það var ekki fyrr en þrír voru eftir sem Agnar komst í forystu og náði að halda henni til leiksloka. Í öðru sæti varð Friðrik Falkner (MrBaggins) og Rúnar Rúnarsson (rudnar) í því þriðja. Í fjórða sætinu varð síðan Þórarinn Ólafsson Kristjánsson (GolliPolli) og hefur með því afrekað það að komast á öll lokaborð á öllum fjórum Íslandsmeistaramótum þessa árs.

Alls tók 36 þátt í mótinu og eru það tvöfalt fleiri þátttakendur en í fyrra (18) og mesti fjöldi sem vitað er um í þessu móti, Einnig varð nokkur fjölgun þátttakenda á ÍM í PLO sem fram fór í september og má etv. draga þá ályktun að áhugi á PLO sé að aukast. þátttökugjald í mótinu í kvöld var €100 og tryggði Coolbet verðlaunafé upp á €7500 í sárabætur fyrir ófarirnar sl. sunnudag og var því overlay upp á €1100. Verðlaunafénu var skipt á milli 9 efstu sem hér segir:

  1. Aimsland – €2250
  2. MrBaggins – €1500
  3. rudnar – €1125
  4. Gollipolli – €750
  5. CASINOICE1 – €563
  6. OtherFkr – €413
  7. JesperSand – €338
  8. Deingsi – €300
  9. OkeyDude77 – €263

Við óskum Agnari til hamingju með glæsilegan árangur og þökkum félagsmönnum fyrir þátttökuna og þökkum Coolbet fyrir frábært samstarf við framkvæmd mótsins.

Endurtökum ÍM í net-PLO á fimmtudag

/0 Comments/by

Íslandsmótið í net-PLO sem fór af stað sl. sunnudag kl. 18:00 misfórst því miður vegna tæknilegra vandamála hjá iPoker sem rekur poker netþjóna Coolbet. Um kl. 20 fór að bera á tengingavandræðum hjá nokkrum leikmönnum, sumir náðu að tengjast aftur en aðrir læstust úti og náðu ekki aftur inn. Um kl. 21:00 misstu flestir samband og um 21:30 var mótinu endanlega slaufað. Þegar skráningarfresti lauk í mótið voru 30 mættir til leiks sem er mesti fjöldi sem heilmildir eru til um í þessu móti frá upphafi.

Okkur þykir að sjálfsögðu mjög miður að svona skyldi fara en verðum samt að sýna því skilning að tæknileg vandamál sem þessi geta komið upp á bestu bæjum og er þetta í raun í fyrsta sinn sem einhver veruleg vandamál koma upp í móti sem Coolbet heldur fyrir PSÍ.

Stjórn PSÍ og fulltrúar Coolbet helltu sér í það strax í kjölfarið að gera það besta úr stöðunni sem mögulegt er. Coolbet bauðst til að endurgreiða öll þátttökugjöld og miða sem notaðir voru inn í mótið. Og fulltrúar Coolbet buðust einnig til að tryggja verðlaunafé upp á €7500 þegar mótið yrði endurtekið en það er 50% umfram það sem verðlaunapotturinn var kominn í þegar skráningarfresti lauk, þannig að það verður að teljast rausnarleg sárabót.

Haldin var könnun meðal félagsmanna um hentuga dagsetningu fyrir endurtekningu mótsins og hlutu miðvikudagur og fimmtudagur jafn mörg atkvæði og var því ákveðið að kýla á fimmtudaginn til að hafa aðeins lengri tíma til undirbúnings. Að sjálfsögðu er viðbúið að enhverjir sem tóku þátt á sunnudag komist ekki þegar mótið verður endurtekið og þykir okkur það að sjálfsögðu mjög miður en við vonum að með þessu séum við þó að velja þann kost sem flestum hentar.

Eftir sem áður gilda sömu skilyrði fyrir þátttöku í mótinu:

  • Aðild að PSÍ er skilyrði fyrir þátttöku á ÍM í net-póker rétt eins og öðrum mótum á vegum PSÍ.
  • Til að tryggja þátttökurétt þarf að ganga frá aðild í síðasta lagi daginn fyrir keppnisdag.
  • Þegar gengið er frá aðild að PSÍ þarf að passa að Coolbet poker ID komi fram í skráningu. Ef það gleymist má senda það í tölvupósti á info@pokersamband.is
  • PSÍ og Coolbet áskilja sér rétt til þess að birta raunveruleg nöfn vinningshafa.

Eins og venjulega er gengið frá aðild að PSÍ á www.pokersamband.is/shop

Við vonum að flestir félagsmenn séu sáttir við þessa úrlausn mála og óskum öllum góðs gengis í mótinu á fimmtudag!